Pilvi Oyamaa
| Pilvi Oyamaa | |
|---|---|
| est. Pilvi Ojamaa | |
| Doğum tarixi | 21 dekabr 1930 (93 yaş) |
| Doğum yeri | |
| Vətəndaşlığı |
 SSRİ Estoniya |
| Fəaliyyəti | incəsənət xadimi, dizayner, qravüraçı[d], universitet müəllimi[d], glass artist[d] |
| Təhsili | Estoniya Rəssamlıq Akademiyası |
| Mükafatları | Expo-58 Qızıl Medal və Fəxri Diplom |
Pilvi Oyamaa (1951-dən əvvəl Puppart, 1951-1962-ci illərdə Uuk, est. Pilvi Ojamaa; 21 dekabr 1930, Tallin) — Sovet və eston rəssamı, qravüraçısı, pedaqoq. O, orijinal dizaynlı keyfiyyətli şüşə qablar istehsalı ilə tanınan Tarbeklaasdakı zavodun eston şüşə rəssamı olub. Zavodun məhsullarına bütün Sovet İttifaqında böyük tələbat var idi və onun hüdudlarından kənara da tədarük edilirdi.
Həyatı[redaktə | mənbəni redaktə et]
Pilvi Oyamaa (Puppart) 21 dekabr 1930-cu ildə Tallində anadan olub. İlk təhsilini doğma şəhərində alıb. 1956-cı ildə Estoniya SSR Dövlət İncəsənət İnstitutunun Maks Roosma sinfini fərqlənmə diplomu ilə bitirib. 1956-1958-ci illərdə Leninqrad Bədii Şüşə Zavodunda qravüraçı işləyib. Qeyd edək ki, Leninqrad bədii şüşə zavodunun Estoniya bölməsi bədii laboratoriyasında eston rəssamlarının yaradıcılığı əhəmiyyətli olub. Pilvi Oyamaa Leyda Yürgen, Helle Pıldla yanaşı bölmənin aparıcı dizayner-rəssamlarından olub. Bölmənin rəssamları bədii şüşənin ümumittifaq, respublika və beynəlxalq sərgilərində fəal iştirak edərək təkcə orijinal əsərlərə görə deyil, həm də seriyalı və kütləvi istehsal nümunələrinə görə daim birinci mükafatlar qazanıblar. Beləliklə, bu rəssamların sayəsində Estoniya məktəbi bədii şüşə istehsalı sahəsində liderlərdən biri idi. Sankt-Peterburqdakı Elaqin adasında XVIII əsrə aid yenidən qurulmuş mülkdə yaradılmış muzeydə Rusiya imperiyası və SSRİ dövrünə aid şüşə sənət nümunələri sərgilənir. Burada 2018-ci ildə Leyda Yürgen, Helle Pıld və Pilvi Oyamaanın yaradıcılığına həsr olunmuş “Estoniya LZHS Circle” sərgisi keçirilib. Hazırda muzeyin daimi sərgisində hər üç rəssamın yaradıcılığına aid şüşə nümunələri nümayiş olunur.
Pilvi Oyamaa yaradıcılıqla yanaşı, pedaqoji fəaliyyətlə də məşğul olub. O, 1993-1998-ci illərdə Estoniya Rəssamlıq Akademiyasında müəllim işləyib.
Yaradıcılığı[redaktə | mənbəni redaktə et]
1958-1956-cı illərdə Pilvi Oyamaa Tallinndəki Flora fabrikində işləyib. Ojamaa 1965-ci ildə İnqa Vaher getdikdən sonra Tarbeklaasda işləməyə başlayıb. O, 1991-ci ilə qədər orada çalışıb. Ojamanın yaradıcı üslubu o dövrdəki Tarbeklaas dizayn mənzərəsinə mükəmməl uyğunluq gətirib. Pilvi Ojamaanın yaradıcılıq illəri şərab bakalı və qab dəstlərinin yaratması ilə yadda qalıb. Onun ilk məlum dizayn işi “Re” şərab bakalı seriyası (1966) və “Valli” xidməti (1971), eləcə də 1971-ci ilin qeyri-adi formalı “Kulum” vazasıdır. 1980-1990-cı illər arasında o, geniş çeşiddə şüşə qablar (“Holly”, “Aroom”), “Adam” preslənmiş şüşə qablar seriyası və sərbəst üfürmə texnikasından istifadə etməklə hazırlanmış “Qondel” dekorativ dəstini hazırlayıb. Bundan əlavə “Mi” (1966), "Yuta" (1971), "Sandra" (1987) şüşə qab dəstləri onun zəhmətinin bəhrəsidir.[1].
Pilvi Oyamaa dinamik və zəngin detallı fiqurlu kompozisiyalar - “Võimlejad” (1956), “Debüt” (1984), “Lennule” (1994), “Pääsenud” (1998) yaradıb. Onun yaradıcılığında ümumi motiv qadın bədənidir.
2006-cı ildə Tallinndəki Estoniya Tətbiqi İncəsənət və Dizayn Muzeyində Pilvi Oyamaa və Leyda Yürgennin birgə əsərlərindən ibarət sərgi baş tutub.[2]
2017-2020-ci illərdə Järvakandidəki Şüşə Muzeyində Pilvi Ojamaanın 1965-1992-ci illərdə Tarbeklaas şüşə fabrikində işləyərkən yaratdığı şüşə məmulatlarının sərgisi keçirilib (est. “Tarbeklaasi kunstniku Pilvi Ojamaa klaastooteid aastaist” 1965-1992).[3] Sərgi şəxsən rəssam Pilvi Ojamaa tərəfindən tərtib olunub.
Pilvi Oyamaa yaradıcılığı daima diqqət mərkəzində olub. Məşhur rus rəssamı və sənətşünası Darya Stepanova onun sərgisində bu sözləri söyləyib: "Pilvi Ojamaanın işi daha çox əks təsirin illüstrasiyasıdır. Leninqrad bədii şüşə və yüksək keyfiyyətli qab-qacaq fabrikində rəssam tərəfindən qəbul edilən almaz kəsmə və forma formalaşmasında monumentalizm Tarbeklaasda işlədiyi müddətdə daha da inkişaf etdirilib. Pilvi Oyamaa Leninqrad fabrikindən Estoniya məktəbinə zəngin şüşə yaradıcılığı ənənələri gətirib".[4]
Mükafatları[redaktə | mənbəni redaktə et]
- 1958 - Brüsseldə keçirilən "Expo 58 Ümumdünya Sərgisi"ndə qızıl medal və fəxri diplom.
- 1960, 1972, 1979, 1985, 1987 - Xalq Təsərrüfatı Nailiyyətləri Sərgisi, Moskva, gümüş və bürünc medallar.
İstinadlar[redaktə | mənbəni redaktə et]
- ↑ Näituse «Kohalik ilu. Tarbeklaas» pressiteade — Eesti Tarbekunsti- ja Disainimuuseum, 13.09.2016
- ↑ Merike Teder. "Suri klaasikunstnik Leida Jürgen". Postimees (eston). 2013-05-09. 2022-09-23 tarixində arxivləşdirilib. İstifadə tarixi: 2022-09-23.
- ↑ "Pilvi Ojamaa klaasidisain". Järvakandi klaasimuuseum (eston). 2022-09-23 tarixində arxivləşdirilib. İstifadə tarixi: 2022-09-23.
- ↑ Степанова Д. Г. Влияние прибалтийского искусства на художественный язык декоративного искусства Ленинграда // Новое искусствознание. № 4. 2021. doi:10.24412/2658-3437-2021-4-74-81. 2023-07-20 tarixində arxivləşdirilib.
Ədəbiyyat[redaktə | mənbəni redaktə et]
- «Eesti entsüklopeedia. Kd.14: Eesti elulood.» (Эстонская энциклопедия. Том 14: Биографии Эстонии) стр. 338.