Məzmuna keç

Pink

Vikipediya, azad ensiklopediya
Pink
ing. Pink
Ümumi məlumatlar
Doğum adı Alecia Beth Moore
Ləqəbləri P!nk, Pink
Doğum tarixi 8 sentyabr 1979(1979-09-08)[1] (45 yaş)
Uşaqları
Musiqiçi məlumatları
Fəaliyyəti model[d], mahnı yazarı[d], rəqqasə, musiqi prodüseri, mətbuat katibi, müğənni-mahnı yazarı, səsyazma sənətçisi[d], kino aktrisası, müğənni, söz yazıçısı[d], aktrisa
Fəaliyyət illəri 1995-ci ildən
Janrlar pop musiqisi, pop-rok, müasir R&B[d]
Albom şirkətləri RCA Records, Legacy Recordings[d], Jive Records[d], Arista Records[d], LaFace Records[d]
pinkspage.com
Vikianbarın loqosu Vikianbarda əlaqəli mediafayllar

Alişa Bet Mur (ing. Alecia Beth Moore) və ya Pink ləqəbi ilə tanınan ( 8 sentyabr 1979[1] ) ABŞ pop musiqi müğənnisi.[2]

Həyatı

[redaktə | vikimətni redaktə et]

Uşaqlıq İlləri

[redaktə | vikimətni redaktə et]

Pink 8 sentyabr 1979 tarixində ABŞ-ın Pensilvaniya əyalətinin Doylstaun ( ing. Doylestown ) bölgəsində dünyaya gəlib.[3] Müğənninin Pink adını almasının səbəbi düşünüldüyü kimi musiqi dünyasına ilk addım atdığında saçlarının çəhrayi rəngli olması deyildi. Bu onun uşaq və yeniyetmə dövrlərində çox utancaq olduğundan tez-tez üzünün qızarması ilə əlaqəli ona verilən ləqəb idi.[4] Pinkin musiqiyə olan marağının başlıca səbəbi atasının onun üçün bəstələdiyi mahnılar olmuşdur. Yaşı irəlilədikcə bu mahnılar duetlərə çevrildi və Pink lisey illərində atasıyla birlikdə ilk bəstələrini etməyə başladı. Yerli bir rep qrupuyla səhnəyə çıxdığında isə hələ 13 yaşında idi.

Olduqca problemli bir gənclik dövrü keçirdikdən və anası ilə atası ayrıldıqdan sonra anasıyla mübahisələr fonunda 14 yaşında evi tərk etdi və musiqi həyatına daha ciddi bir şəkildə davam etmək məcburiyyətində olduğunu anladı.[5] Uşaqlığının böyük bir hissəsi musiqi ilə keçdi. Atasının bu vəziyyətdəki təsiri yalnız mənəvi deyildi. Atası ona gitara dərslərində dəstək olmuş və Cenis Coplin , Şirli Mardak və Donna Hetvey kimi adları nümunə göstərərək qızını kiçik yaşdan etibarən bir musiqiçi olaraq yetişdirməyə çalışmışdı.

Musiqiyə ilk addımlar

[redaktə | vikimətni redaktə et]

14 yaşına gəldiyində ilk mahnısını yazdı və Filadelfiyada Fever klubunda səhnəyə çıxmağa başladı. Ulduzu burada parlamağa başlayan gənc qız klubun rezidenti oldu və bir cümə axşamında MCA Səs Yazma Şirkətinin səlahiyyətlilərinin diqqətini çəkdi. Qabiliyyətini ölçmək üçün Basic Instinct adlı bir qrupla qısa müddət birlikdə işləsə də, sonradan Alişayla işləməyə davam etmədilər. Bu keçici xəyal qırıqlığı, gənc qızın əhvalını pozmadı. Çünki o, hər hansı bir birliyə aid olduğunu düşünmürdü.

Çox qısa bir müddət sonra, istinadları arasında Toni Brekston və TLC kimi tanınmış adları da saxlayan məşhur LaFace Records ilə birlikdə Choice adlı bir R&B birliyində işlərə başladı. Birlik, musiqi zövqləri və tərzlər arasındakı uyğunsuzluq səbəbiylə yoluna davam edə bilməsə də Pinkin LaFace ilə olan bağları güclənirdi. Choice ilə Atlantada etdiyi işləri əsnasında yazdığı mahnılarla yenidən kəşf edilmişdi.

Can't Take Me Home

[redaktə | vikimətni redaktə et]

R&B'nin popa dönük olduğu tərzə maraq duyan Pink, qısa müddət sonra LA Reid 'e, yazdığı mahnıları göndərdi və ilk dəfə solo iş etmək üzrə hərəkətə keçmiş oldu. Reid, Pinkin işlərindən çox təsirlənmişdi. Artıq gənc qız, müvəffəqiyyətlərlə dolub daşacaq olan karyerasına başlamaq üzrə idi. Reid sayəsində, Shekspeare , Babyface və 112 kimi tanınmış adlarla birlikdə çalışaraq mahnılar çıxarma şansına sahib oldu.

Pinkin ilk albom çalışması olan "Can't Take Me Home" Billboardda ilk 40-lığa girməyi bacaran albom, satış rəqəmləriylə də cüt platin mükafatın sahibi oldu. Tənqidçi Christopher John Farley, Time jrnalında "20 yaşındakı bu qızın musiqisi adından gözəl" şərhini edərkən, Bob Brunner isə albom təqdimatında mahnıların "xüsusi muzikal təsirlər buraxdığı" şəklində şərh etmişdi. " Can't Take Me Home ", çıxardığı hit mahnılarla da uzun müddət gündəmə damğasını vurdu. " There You Go "," Most Girls "və" You Make Me Sick "kimi mahnılar Pinkin müvəffəqiyyətini gücləndirərkən gənc müğənni, həmin il, MTV Video Mükafatlarında da "Ən Yaxşı Yeni Müğənni" nominasiyasına namizəd göstərilmişdi.[6]

2001 ildə Pink, "Moulin Rouge" adlı kino filmi üçün 70-ci illərin Patti LaBelle klassiki olan "Lady Marmalade" mahnısını Christina Agilera, Mya və Lil Kim məşhur adlarla birlikdə səsləndirdi. Bütün dünyada böyük maraq görən təşkil olunmuş çalışması, video klipiylə də diqqət çəkdi. Pink'ə, "MTV İlin Ən Yaxşı Videosu" və "İlin Ən Yaxşı Film Videosu" mükafatlarının yanında "Ən Yaxşı Pop Birlik" nominasiyasında Qremmi də qazandıran "Lady Marmalade", müğənninin musiqi siyahılarında bir nömrəyə yüksələn ilk parçası oldu.

M!ssundaztood

[redaktə | vikimətni redaktə et]

Pink, həmin il çıxardığı "M!ssundaztood"[7] albomuyla səsyazma şirkətinin qızıl qaydasını pozdu. Jim Farberin bu şəkildə xarakterizə etdiyi maddə, "tərzinizi, stilinizi və ya imicinizi dəyişdirərək pərəstişkarlarınızın ağılını qarışdırmayın" ifadəsini ehtiva edirdi, Ancaq Pink, qumar oynayar kimi etdiyi bu dəyişiklikdən alınının ağıyla çıxmağı bacardı. Yaşadığı və yaşatdığı dəyişikliklərin təməlində, 4 Non Blondes'un lideri Linda Perry ilə birlikdə etdiyi əməkdaşlıq çalışması olub. Pink, albomun əksəriyyətində köməkçi yazar və köməkçi prodüser olaraq vəzifə alan Perry üçün, "Onu çox sevdim. Səhv etmirəmsə 13 yaşındaykən eynilə elə idim!" deyir. Birlikdə olduqları iş müddətini isə ilham verici, azad və heyrət verici dərəcədə gözəl olaraq xarakterizə edir.

Pink "M! ssundaztood" üçün deyirdi: "Bu albom, mənim kim olduğumu və necə işlər etdiyimi bildiklərini düşünən insanlarda şok təsiri yaradacaq". Albomda gənc müğənni, təsir edici sözləri və istehsaldakı müvəffəqiyyətiylə diqqət çəkir. Alboma daxil olan mahnılardan "Dont Let Me Get Me" özündən nifrət etmə mövzusunu əhatə etmiş qəribə sözlərə sahib bir mahnıdır. Ən əhəmiyyətli mahnılarından biri olan "Family Portrait"də isə ana və atasının ayrılığından bəhs edir. "My Vietnam" yaşadığı fərdi problemlərlə döyüşü müqayisə etdiyi bir mahnıdır.[8]

Try This

[redaktə | vikimətni redaktə et]

Sənətçi 2003-cü ildə üçüncü studiya albomu "Try This" ı nümayiş etdi. Albomda tərzini dəyişdirməyən sənətçi, alboma Çarlinin Mələkləri: Tam Qaz filmində də yer alan Feel Good Time'ı əlavə etdi. Albom, M!ssundaztood albomunun müvəffəqiyyətinə çatmasa da dünya səviyyəsində qeydə dəyər satışlar əldə etdi. Albomdan ikisi promo və biri film musiqisi olmaq üzrə 6 trek nümayiş olundu. Sənətçi albomun yayımlanmasından sonra Try This Tour adında bir turneyə çıxmışdır. Pinkin bu albomunun hazırlanmasında Madonnanın prodüserlərindən Villiam Orbit də iştirak etmişdir.

I'm Not Dead

[redaktə | vikimətni redaktə et]

Pink, daha sonrakı çalışmasını, Çarlinin Mələkləri: Tam Qaz adlı kino filmiylə reallaşdırdı. Filmdə qısa bir rolda olan gənc müğənni, "Feel Good Time" adlı mahnısıyla izləyənlərin diqqətini cəlb etdi. Pink üç il aradan sonra "I'm Not Dead" adını verdiyi 4-cü albomuyla qayıtdı. Müğənni yeni albomunun ilk treki Stupid Girls radio və televiziyalarda böyük təsir buraxdı. Başda Paris Hilton və Jessica Simpson olmaq üzrə 50 Cent, Fergie (Black Eyed Peas), Britney Spears, Lindsay Lohan, May-Kate və Ashley Olsen kimi Amerika məşhurlarını video klipində lağ edən Pink klipin bir səhnəsində ABŞ prezidenti qılığında göründü. "Stupid Girls"ün bu əyləncəli klipini bir çox dünya ulduzlarının videosuna imza atan Dave Meyers çəkdi. "Im Not Dead" adını verdiyi albomuna insanların necə reaksiya verəcəyini düşünmədiyini ifadə edən Pink, yeni albomunun indiyə qədər ki ən fərdi albomu olduğunu söylədi. Albomun hər mahnısına prodüser və söz yazarı olaraq yer alan Pink, musiqi dünyasının ən qabiliyyətli söz yazarları və prodüserlərindən olan Billy Mann, Maks Martin və Luke Gottvald ilə çalışdı. Pinkin bu albomunda Hollivud, Prezident Corc Buş, homoseksual hüquqları, evsizlər, abort və döyüş kimi mövzulara toxunur. Albomun diqqət çəkən mahnıları arasında yer alan Dear Mr. President ABŞ Prezidenti Corc Buşa açıq bir məktub xüsusiyyətindədir.

Funhouse

[redaktə | vikimətni redaktə et]

Son albomu "Funhouse" ilə pərəstişkarlarının qarşısına çıxan Pink tərzindən güzəşt verməzkən "So What", "Sober" və "Please Dont Leave Me" mahnıları ilə yaxşı bir çıxış tutdu. Albomun yayımlanmasından əvvəl satışa təqdim edilən So What adlı mahnı, Amerikada zirvəyə oturaraq Pinkin duet mahnıları arasında ikinci və solo sahədə ilk zirvəyə çatan mahnısı oldu. Bir çox dünya siyahısının zirvəsinə yerləşən mahnı, Pinkin günümüzə qədər çıxardığı təklilər arasında ən uğurlusu olarkən, bir çox mükafata da namizəd göstərildi. Mahnının klipində ayrıldığı köhnə həyat yoldaşına yumruq atan və ətrafa dəhşət saçan Pink, albomun hamısında bu ayrılıq mövzusunu işlədi. Sənətçi, sonrasında Sober və Please Dont Leave Me adlı təklilər nümayiş etdi. Sober Amerikan musiqi siyahılarında ilk 20'yə girərkən dünya siyahılarında da müvəffəqiyyət göstərdi.

Ailə həyatı

[redaktə | vikimətni redaktə et]

2001-ci ildə tanış olduğu motokros yarışçısı Carey Hart ilə 2006-cı ildə evlənmişdir. Cütlük bir müddət ayrı qalsa da yenidən berabərdi. So what'ı ərinə yazmışdır. Klip çıxmadan əvvəl Carey qardaşının başına gələn bir hadisə üzündən çox kədərlənmişdi və Pink klipi bazara vermək üçün bir az daha gözləmək istəmişdir, lakin Carey özü üçün bir problem olmadığını söylədiyi üçün klip bazara tarixində təqdim edilmişdi.

Diskoqrafiya

[redaktə | vikimətni redaktə et]

Filmləri

[redaktə | vikimətni redaktə et]
  1. Ski to the Max (2000)
  2. Rollerball (2002)
  3. Çarlinin Mələkləri:Tam Qaz (2003)
  4. Inked (2005)
  5. Catacombs (2006)

Mükafatları

[redaktə | vikimətni redaktə et]

Qremmi

[redaktə | vikimətni redaktə et]
  1. Ən Yaxşı Pop Şarkıcılar Birlikdəliyi (2002) – Lady Marmalade
  2. Ən yaxşı Pop Qadın Müğənnilər Performansı (2003) – Get the Party Started
  3. Ən Yaxşı Pop Albom (2003) – M!ssundaztood
  4. Ən Yaxşı Rok Qadın Müğənni Performansı (2004) – Trouble
  5. Ən yaxşı Pop Qadın Müğənnilər Performansı (2004) – Feel Good Time
  6. Ən Yaxşı Pop Qadın Müğənni Performansı (2007) – Stupid Girls

MTV

[redaktə | vikimətni redaktə et]
  1. Ən Yaxşı Yeni Sənətçi
  2. İlin Ən Yaxşı Videosu (2001) – Lady Marmalade
  3. İlin Ən Yaxşı Film Videosu (2001) – Lady Marmalade
  4. İlin Ən Yaxşı Mahnısı (2008) – So What

İstinadlar

[redaktə | vikimətni redaktə et]
  1. ↑ 1 2 Pink // MAK (pol.).
  2. ↑ "Возраст, родной город, биография P!nk". Last.fm (rus). İstifadə tarixi: 2025-04-19.
  3. ↑ "Пинк (Pink) – биография певицы, фото, личная жизнь, муж, дочь, рост и вес, лучшие клипы 2025 | Узнай Всё". uznayvse.ru (rus). 2012-08-21. İstifadə tarixi: 2025-04-19.
  4. ↑ "Пинк (Pink): фильмография, фото, биография. Актёр". www.ivi.tv (rus). İstifadə tarixi: 2025-04-19.
  5. ↑ "Яндекс". sso.passport.yandex.ru (rus). İstifadə tarixi: 2025-04-19.
  6. ↑ "Самая популярная певица Британии, которая едва не умерла из-за передозировки: как изменилась Pink". 24 Канал (rus). 2024-09-10. İstifadə tarixi: 2025-04-19.
  7. ↑ "M!SSUNDAZTOOD - P!nk". Letras.com (ispan). 2013-10-31. İstifadə tarixi: 2025-04-19.
  8. ↑ "My Vietnam — Pink | Перевод и текст песни". lyrsense.com. İstifadə tarixi: 2025-04-19.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Pink&oldid=8107165"