Polad Qasımov

Vikipediya, azad ensiklopediya
Jump to navigation Jump to search
Polad Qasımov
Polad Müseyib oğlu Qasımov
Doğum tarixi 11 fevral, 1942
Doğum yeri Ataxal, Gədəbəy
Vəfat tarixi 19 fevral, 2017
Vəfat yeri Bakı
Təhsili

Polad Qasımov — 1995-2017-ci illərdə "Kirpi" jurnalının baş redaktoru.

11 fevral 1942-ci ildə Gədəbəy rayonunun Ataxal kəndində anadan olmuşdur.

Sergey Mironoviç Kirov adına Azərbaycan Dövlət Universtitetinin Jurnalistika fakultəsini və Bakı Ali Partiya məktəbini bitirmişdir.

1960-cı illərdən jurnalistika fəaliyyətinə başlamışdır. Azərbaycan pioneri qəzetində, Kommunist qəzetində, Abşeron qəzetində çalışmışdır. 1983-cü ildən Kirpi satira-yumor jurnalında məsul katib və baş redaktorun müavini vəzifələrində çalışmışdır.

1995-ci ildən 2017-ci ilədək Kirpi jurnalının baş redaktoru olmuşdur. Azərbaycan Respublikası Əməkdar Mədəniyyət İşçisi və Əməkdar jurnalist fəxri adlarına layiq görülmüşdür. " Qızıl qələm " , Ə.Haqverdiyev adına " Satira ustası" , " Araz " ali media mükafatları laureatıdır. " Dəvənin quyruğu " , " Narıncı köynək " , " Kreslo günahı " kimi kitabların və bir sıra elmi məqalələrin, oçerk və felyetonların müəllifidir.

2017-ci il fevralın 19-da Bakı şəhərində vəfat etmişdir.

Xarici keçidlər[redaktə | əsas redaktə]