Portal:Anime və manqa/Seçilmiş siyahı/4
Fate/Zero (フェイト/ゼロ, Feito/Zero?, azərb. Tale/Sıfır) Ufotable animasiya studiyası tərəfindən eyniadlı ranobe seriyası əsasında çəkilmiş anime serialıdır. Anime serialının rejissorluğunu Ey Aoki etmişdir, ssenarini isə Akira Hiyama və Akihiro Yoşida yazmışdırlar. Personajların ilkin dizaynlarını Takaşi Takeuçi hazırlamış, Atsuşi İkariya və Tomonori Sudo orijinal dizaynlardan istifadə edərək anime üçün personajları dizayn etmişdirlər. Musiqi Yuki Kaciura tərəfindən bəstələnmişdir. Anime serialı Type-Moon şirkəti tərəfindən istehsal olunmuş "Fate/stay night" vizual romanında baş verən hadisələrin 10 il əvvəlidir: yeddi ustanın və yeddi xidmətçinin Fuyuki şəhərində ortaya çıxacaq Müqəddəs qədəhi qazanmaq üçün qatıldıqları Dördüncü Müqəddəs qədəh müharibəsindən bəhs edir.
Eyniadlı ranobe əsasında anime serialının çəkiləcəyi "Young Ace" jurnalının 2011-ci il fevral buraxılışının reklamı vasitəsilə anons edilmişdir. "Fate/Zero"-nun istehsalında Aniplex və Nitroplus da iştirak etmişdir.