Priştinada nəqliyyat

Vikipediya, açıq ensiklopediya
Jump to navigation Jump to search
Priştinada küçə

Priştina Kosovoda avtomobil, dəmir yolu və hava şəbəkələrinin əsas qovşağıdır. Avtobuslar, qatarlar və təyyarələr Priştina ilə digər bölgələr arasında yüksək səviyyədə nəqliyyat əlaqələrini təmin edir. Nəqliyyat polisinin məlumatına görə, Kosovo Respublikasında qeydiyyatdan keçmiş 240 min nəqliyyat vasitəsi vardır ki, bununda təxminən 100 mini (41%) Priştinanın payına düşür[1].

Yollar[redaktə | əsas redaktə]

Priştinada gündüz

Kosovo müharibəsindən sonra Priştinada yollar çox pis vəziyyətdə idi. Vəziyyətin düzəldilməsi üçün dövlət investisiyaları tələb olunurdu. Hazırda Priştinada infrastruktur yaxşı vəziyyətdədir[2]. Priştinanı digər şəhərlərlə birləşdirən yollar Kosovo nəqliyyat şəbəkəsinin əsasını təşkil edir. M2 yolu şimaldan, Mərkəzi Serbiyadan başlayır və Priştinadan keçməklə Makedoniya sərhəddinə qədər uzanır. M9 yolu Mərkəzi Serbiyadan başlayır və Reç şəhərindən keçməklə Monteneqro sərhədinə qədər uzanır[3].

Priştinada yol qəzaları.

Aşağıdakı cədvəldə 2008-2011-ci illərdə Priştina yollarında ölümcül qəzaların sayı göstərilir[4].

2008 2009 2010 2011
Ölümcül olanlar 1383 1628 1463 1545

Hava limanları[redaktə | əsas redaktə]

Priştina Beynəlxalq Hava Limanı

Beynəlxalq hava limanı Kosovonun paytaxtı Priştinadan 15 km cənub-qərbdə yerləşir[5]. Uçuş eniş zolağının uzunluğu 2500 metrdir. Bir çox yollara, texniki, təmir, yaşayış binalarına və anqarlara sahibdir. Hava limanı istənilən müasir növ təyyarəni qəbul etmək imkanına sahibdir.

Priştina Beynəlxalq Hava Limanı bölgədəki ən yüklənmiş hava limanıdır. Buradan hər il təxminən 17 min uçuş həyata keçirilir və hava limanı 1,2 milyon sərnişinə xidmət edir. 2008-ci il nəticələrinə əsasən aeroportun gəlirləri 25 milyon avro təşkil edir. Hava limanı dünyanın 35 avia şirkəti ilə əməkdaşlıq edir[6].

Avtobuslar[redaktə | əsas redaktə]

Priştinada avtobuslar

Priştina Avtovağzalı bütün Kosovo və bir sıra beynəlxalq istiqamətlərə xidmət göstərir. Əsas avtovağzal Bill Klinton bulvarı ərazisində, şəhərin 2 km cənub-qərbində yerləşir.

Priştina şəhər administrasiyasına yalnız 4 və 3A avtobus xəttləri aiddir. Digərləri isə özəl operatorlara aiddir[7].

Taksi[redaktə | əsas redaktə]

Priştinada taxsi

Pristinada bir çox taksi operatorları vardır. Birinci kilometr 1,5 avroya başa gəlir, daha sonra isə hər km 0,6 avro təşkil edir. Bir qayda olaraq pik saatlarda Priştinanın bir ucundan digərinə gediş haqqı 10 avrodan artıq olmur[8].

Dəmir yolu[redaktə | əsas redaktə]

Priştina dəmiryolu vağzalı

Priştinada eyni adlı dəmiryolu vağzalı vardır[9]. Buradan Skopyeyə gündəlik gediş vardır[10].

İstinadlar[redaktə | əsas redaktə]