Pyetro Tenerani

Vikipediya, açıq ensiklopediya
Jump to navigation Jump to search
Picto infobox artiste.png
Pyetro Tenerani
Pietro Tenerani
Fotoqrafiya
Doğum tarixi 11 noyabr 1789(1789-11-11)
Doğum yeri Torano, İtaliya
Vəfat tarixi 16 dekabr 1869 (80 yaşında)
Vəfat yeri Roma, İtaliya
Vətəndaşlığı Flag of Italy (1861–1946).svg İtaliya krallığı
Fəaliyyəti heykəltəraş
TələbəsiPonciano Ponzano
VikiAnbarda Commons-logo.svg əlaqəli mediafayllar

Pyetro Tenerani (it. Pietro Tenerani; doğum 11 noyabr 1789, Torano, İtaliya - ölüm 14 dekabr 1869, Roma, İtaliya) — Neoklassisizm üslubunda işləmiş italyan heykəltəraş.

Bioqrafiyası[redaktə | əsas redaktə]

Pyetro Tenerani Karara yaxınlığındakı Torano şəhərində anadan olmuşdu. O əvvəlcə dayısı Pyetro Marçettinin yanında təlim keçmiş və 1813-cü ildə Romada təhsil üçün təqaüd qazanmışdı. Orada o, Bertel Torvardsenin emalatxanasında təcrübə keçmişdi. 1816-cı ildə o, Florensiyalı Marçesa Lenzoniyə satdığı Tərkdilmiş Ruh heykəlini hazırladı.

O, məhsuldar idi və XIX əsrin ortalarında dini mövzularda ixtisaslaşaraq sadə neoklassisizm tərzində işləyirdi. Onun ən məşhur işi Romada Papa VII Piy üçün hazırladığı abidə idi. O, Vatikanda Alfons Liquotiyə əzəmətli heykəl hazırlamışdı. Pyetro Tenerani Neapolda San Fransesko di Paola və Bazilika Ostiensdə San Benedetto kilsələri üçün Sent Con the Evangelist abidəsini hazırlamışdı. O, Papa VIII Piy, XVI Qreqori və IX Piy də daxil olmaqla çox sayda dövlət və kilsə rəsmilərinin büstlərini düzəltmişdi. O, Pelleqrino Rossinin və Belçika Şarlottasının büstlərini də hazırlamışdı. O, Piazza di Boqota üçün Simon Bolivar və Siciliyada Messina şəhəri üçün bürüncdən II Ferdinand heykəllərini hazırlamışdı. Pyetro Tenerani Macarıstanda Karoli məbədi üçün abidə hazırlamışdı.

Kardelli, Saro Zaqari (Rosario Zaqari), Fedele Kacciano və Ciovanni Anderlini onun şagirdləri arasında idi. Onun oğlu Karlo memar oldu. O, Romada Santa Mariya deqli Anqeli e dey Martiri kilsəsində dəfn edilib.[1]

İstinadlar[redaktə | əsas redaktə]

  1. Roma artistica: pubblicazione mensile, illustrata, Volume 1, Number 7, By Gaetanno Giucci, Editor, Raffaello Ojetti, 1872, page 49-54