Pyraweed
| Pyraweed | |
|---|---|
 | |
 | |
| Əsas məlumatlar | |
| Üslub |
stoner rock sludge metal dum metal |
| Fəaliyyət illəri | 2015 — h.h. |
| Ölkə |
 Azərbaycan |
| Şəhər | Bakı |
| Heyət |
Nicat Həsənzadə Baboy Mirzəyev Ramin Sadıqov |
Pyraweed — 2015-ci ildə Bakıda qurulmuş stoner rock, sludge metal, dum metal qrupu.
Qrupun tarixi[redaktə | mənbəni redaktə et]
Pyraweed qrupu 2015-ci il yanvar ayında Nicat Həsənzadə tərəfindən qurulmuşdur. Əvvəlcə qrup bir nəfərdən ibarət idi. Daha sonra isə qrupa təbilçi Ramin Sadıqov və bass gitarist Baboy Mirzəyev qoşulurlar.
Fəaliyyəti[redaktə | mənbəni redaktə et]
Qrup ilk albomu olan Bellindanı 22 fevral 2015-ci il tarixində buraxır. Bütün alətlərdə və vokalda Nicat Həsənzadə, solo gitara da isə Əli İbrahimzadə ifa edir. Səsyazma və musiqi üzərində işləmələri Elgün Ataxanlı hazırlayır.
"ADDA Project"in 19 aprel 2015-ci ildə "Otto club"da təşkil etdiyi konsertdə qrup ilk böyük çıxışını edir.
30 aprel 2015-ci il tarixində "Deadly Smoke" adlı ilk sinql işıq üzü görür. Birinci albomun hazırlanmasından fərqli olaraq solo gitarada Natiq Kamilov ifa edir.
Qrup növbəti "Pyraweed" adlı albomunu 2015-ci il 28 iyul tarixində yayımlayır. Bu albomda da solo gitarada dəyişiklik edilir və Rəşid Məmmədli ifa edir. 5 avqust tarixində isə albomun CD versiyası işıq üzü görür. CreateSpace.com və Amazonda 12 dollardan satışa çıxarılır. Bu albomdan sonra qrup məşhurlaşmağa başlayır və bir xeyli dinləyici kütləsi yığmağa nail olur. Albomdan "Inside Green Chaos" mahnısı xüsusilə sevilir.
Son albomdan sonra bir müddət fasilə edən qrup, həmçinin ilk solo konsertin hazırlıqlarını görür və dekabrın 2-i konsertin olacağı tarixi açıqlayır. 3 yanvar 2016-cı il tarixində Le Chateauda keçirilən konsert çox uğurlu alınır. Konsertin live albomu isə növbəti gün, 4 yanvar tarixində yayımlanır.
"Stuck in the Universal Swamp" adlı növbəti albom 2016-cı il 22 mart tarixində yayımlanır. Albomda cəmi iki mahnı yer alır. Albom çıxdıqdan 5 gün sonra "Otto club"da Pro'n'Con qrupu ilə eyni səhnəni bölüşür.
İyun ayının 4-ü və 5-i Gürcüstanda keçirilən metal festivalda Gürcüstanın və Ermənistanın metal qruplarını üstələyərək qalib olmuş Pyraweed, Vozmezdie, Kletka və Gürcüstandan xüsusi qonaq olaraq təşrif buyuran Infadus qrupunun 10 iyul 2016-cı ildə Bakıda Deja vu pub da konserti baş tutmuşdur. Konsertin əsas məqsədi WACKEN festivalına vəsiqə qazanmış Pyraweed qrupuna maliyyə dəstəyi olmaq idi.[1]
Diskoqrafiya[redaktə | mənbəni redaktə et]
Albomlar[redaktə | mənbəni redaktə et]
- Bellinda — (2015)
- Pyraweed — (2015)
- Stuck in the Universal Swamp — (2016)
- Vol.3 — (2016)
Sinqllar[redaktə | mənbəni redaktə et]
- Deadly Smoke (I. Doomed, II. Astral, III. Ritual) — (2015)
Konsert albomları[redaktə | mənbəni redaktə et]
- Inside Green Chaos (live Le Chateau) — (2016)
Jam fest və W.O.A[redaktə | mənbəni redaktə et]
4-5 iyun 2016-cı ildə Gürcüstanda keçirilən W:O:A Metal – Battle Caucasus"da üç ən çox xal toplamış qrup sırasına düşür ("Pyraweed", "Perfect Legacy", "Serumhatred"). Münsiflər heyətinin səsverməsi nəticəsində bir qalib seçilir. Pyraweed qalib gələrək Qafqazı 2016-cı ilin avqust ayında Almaniyada keçirilən Wacken Open Air festivalında təmsil etmək üçün seçilir. Pyraweed qrupu Azərbaycanı belə böyük metal musiqi festivalında təmsil edən ilk qrupdur.
İstinadlar[redaktə | mənbəni redaktə et]
- ↑ "Vozmezdie on "Pyraweed" Wacken Support". Deja Vu Pub&Cafe. 10 iyul 2016. İstifadə tarixi: 8 dekabr 2016.
Xarici keçidlər[redaktə | mənbəni redaktə et]
- Qrupun Bandcamp səhifəsi
- Pyraweed qrupu Arxivləşdirilib 2016-11-06 at the Wayback Machine