Qızıl Samba

Mükafatın ilk qalibi 2008-ci ildə Kaka olmuşdur.

Futbol mükafatı sayılan "Qızıl Samba" Avropa qitəsində ilin ən yaxşı braziliyalı oyunçusuna təqdim olunur. Mükafat Sambafoot şirkəti tərəfindən təsis edilmişdir. İlk mükafat 2008-ci ildə öz sahibini tapmışdır. Qalib 3 mərhələlik sorğu ilə müəyyən edilir. Buraya jurnalistlər, futbolçunun yoldaşları və internet üzərindən səsvermə daxildir.

Tarix

• 2008-ci ildə qalib Milan FKın yarımmüdafiyəçisi Kaka olmuşdur. Mançester Sitidən Robinyo və Sevilyadan Luis Fabiano ardıcıl olaraq ikinci və üçüncü yerləri tutmuşdur. Namizədlər sırasında 30 futbolçu var idi. Səsvermə dekabr ayının 1-dən 30-dək davam etmişdir. Nəticədə səslərin 25.03%-ı Kaka lehinə, 14.34% Robinyo üçün, 13.65% səs isə Luis Fabiano üçün verilmişdir.
• 2009-cu ildə, Luis Fabiano 20.91% səs ilə qalib olmuşdur. Növbəti pillələri isə Julio Sezar (17.58%) və Kaka (16.35%) tutmuşdur.
• 2010-cu ildə, İnter Milan FK klubundan Maykon (12.60%) qalib seçilmişdir. Növbəti pillələri isə Ernanes (10.76%) və Tiaqo Silva (9.56%) tutmuşdur.
• 2011-cu ildə, Milan FK klubundan Tiaqo Silva (16.33%) qalib olmuşdur. Növbəti pillələri isə Barselonadan Daniel Alves (15.56%) və Portudan Halk (14.41%) tutmuşdur.
• 2012-ci ildə 30 nəfər namizəddən ibarət olan siyahının qalibi Noyabr ayının 26-da bəyan edilmişdir. Pari Sen-Jermen FK klubunun oyunçusu Tiaqo Silva (17.70%) qalib olmuşdur. Növbəti pillələri isə Ramires (17.04%) və Villian (10.19%) tutmuşdur..
• 2013-cü ildə, Tiaqo Silva ardıcıl üçüncü dəfə mükafatı qazanmışdır. Növbəti pillələri isə Dante və Oskar tutmuşdur.
• 2014-cü ildə, Neymar ilk dəfə rekord göstərici ilə (29.20%) qalib oldu. Növbəti pillələri isə Miranda və Felipe Melo tutmuşdur.
• 2015-ci ildə, Neymar ardıcıl olaraq ikinci dəfə bu mükafatı qazanmışdır. Növbəti pillələri isə Kosta və Felipe Melo tutmuşdur.
• 2016-cı ildə, Koutinyo ilk dəfə mükafatın qalibi olmuşdur.

Qaliblər

İl	Birinci	Klub	Nəticə	İkinci	Klub	Nəticə	Üçüncü	Klub	Nəticə
2008	Kaka	Milan FK	25.03%	Robinyo	Mançester Siti FK	14.34%	Luis Fabiano	Sevilya FK	13.65%
2009	Luis Fabiano	Sevilya FK	20.91%	Julio Sezar	İnter Milan FK	17.58%	Kaka	Real Madrid FK	16.35%
2010	Maykon	İnter Milan	12.60%	Ernanes	Latsio FK	10.76%	Tiaqo Silva	Milan FK	9.56%
2011	Tiaqo Silva	Milan FK	16.33%	Daniel Alves	Barselona FK	15.56%	Halk	Portu FK	14.41%
2012	Tiaqo Silva	Pari Sen-Jermen FK	17.70%	Ramires	Çelsi FK	17.04%	Villian	Şaxtyor Donetsk FK	10.19%
2013	Tiaqo Silva	Pari Sen-Jermen FK	24.19%	Dante	Bayern Münhen FK	14.63%	Oscar	Çelsi FK	8.20%
2014	Neymar	Barselona FK	29.20%	Miranda	Atletiko Madrid FK	16.39%	Felipe Melo	Qalatasaray PFK	16.01%
2015	Neymar	Barselona FK	37.87%	Duqlas Kosta	Bayern Münhen FK	13.00%	Felipe Melo	İnter Milan FK	9.39%
2016	Filipe Koutinyo	Liverpul FK	32.13%	Neymar	Barselona FK	27.88%	Kasemiro	Real Madrid FK	13.35%
2017	Neymar	Pari Sen-Jermen	27.71%	Filipe Koutinyo	Liverpul FK	16.64%	Marselo	Real Madrid FK	14.43%