Liverpul FK

Vikipediya, açıq ensiklopediya
Keçid et: naviqasiya, axtar
W21-1a.svg Bu səhifədə iş davam etməkdədir.

Müdaxilə etməyə tələsməyin!

  • Əgər məqalə yarımçıq qalıbsa, məqaləni yaradan istifadəçi ilə əlaqə qura bilərsiniz.
  • Səhifənin tarixçəsində məqalə üzərində işləmiş istifadəçilərin adlarını görə bilərsiniz.
  • Redaktələrinizi mənbə və istinadlarla əsaslandırmağı unutmayın.
Bu şablon 7 gündən çox redaktə edilməyən məqalələrdən silinə bilər.

Bu məqalə sonuncu dəfə KmlSmdz tərəfindən redaktə olundu. 23 gün əvvəl. (Yenilə)
Flag of England.svg Liverpul FK
Liverpool FC.png
Klubun tam adı Liverpul Futbol Klubu
(ing. Liverpool Football Club)
Ləqəb(lər) Qırmızılar (Mersisaydlılar)
Rəng(lər) Qırmızı-Ağ
Yaranma tarixi 1892
Stadionu Enfild
Tutumu 54,074
Prezident Con Henri
Baş məşqçi Yurgen Klopp
Liqa İngiltərə Premyer Liqası
2015-2016 8
Sayt www.liverpoolfc.com

"Liverpul" futbol klubu — Premyer liqada İngiltərənin Liverpul şəhərini təmsil edən peşəkar futbol klubudur (ləqəbi – Qırmızılar). Klub 5 dəfə Çempionlar Liqasını, 3 dəfə UEFA kubokunu, 3 dəfə UEFA Superkubokunu, 18 dəfə İngiltərə çempionluğunu, 7 dəfə Federasiya kubokunu, rekord sayda 8 dəfə liqa kubokunu və 15 dəfə İngiltərə superkubokunu qazanmışdır.

Klub 1892-ci ildə yaradılıb və növbəti il futbol liqasına qoşulmuşdur. Klub yaranandan bəri oyunlarını Enfild stadionunda keçirir. Liverpul 1970/1980-ci illərdə Bil Şenkli və Bob Peyslinin başçılığı altında həm İngiltərədə həm də Avropada toplam 11 liqa çempionluğu və 7 Avropa miqyaslı kuboku qazanmaqla özünü böyük bir güc olaraq qəbul etdirdi. Rafael Benitezin məşqçiliyi və Stiven Cerrardın kapitanlığı ilə Liverpul 2005-ci ildə ilk hissəsində 0-3 hesabı ilə geridə olduğu Milana qarşı oyunda növbəti dəfə Çempionlar Liqasını qazanmış oldu.

Liverpul 2014-15 mövsümündə ortalama 391 milyon funt sterlinq gəlirlə dünyada ən çox gəliri olan doqquzuncu klub[1] və 2016-cı ildə isə 1.55 milyard funt sterlinq ilə dünyanın 8-ci ən dəyərli klubu olmuşdur.[2] Klubun tarixində bir çox əzəli rəqibləri olmuşdur ki, bunlarında arasında şimal-qərb derbisi sayılan Mançester Yunaytedə qarşı olan matç və Mersisayd derbisi adlanan Evertona qarşı olan oyunlardır.

Klubun azərkeşlərinin adı baş vermiş 2 böyük faciədə hallanmışdır. Bunların birincisi 1985-ci ilde baş vermiş Heyzel stadionu faciəsidir. Belə ki, "liverpul" azərkeşləri digər sektora qaçaraq sektorları ayıran divarı itələməsi nəticəsində 39 insan həyatını itirmişdir. Bunlarında bir çoxu italyanın yuventus azərkeşləri idi. Bu hadisədən sonra ingiltərə klubları 5 illik müddətə avropa miqyaslı bütün yarışlardan kənarlaşdırıldı. İkinci buna bənzər hadisə isə 1989-cu ildə baş vermiş Hilsbro faciəsidir ki, burada da 96 liverpul azərkeşi həyatını itirmişdir. Klub 1964-cü ildən qırmızı köynək və ağ şortdan ibarət rəsmi formanı bütöv qırmızı rəngli formaya dəyişmişdir. Klubun himni isə You'll never walk alone" adlandırılır.

Tarixi[redaktə | əsas redaktə]

Liverpul futbol klubu Everton ve klub prezidenti həmçinin Enfild stadionunda pay sahibi olan Con Holdinq arasında yaranmış münaqişə sonrası yaradılmışdır. Stadionda keçirdiyi 8 ildən sonra 1892-ci ildə Everton Qudison Park stadionuna köçdü və Houldinq Liverpul klubunu yaratdı. Klub ev oyunlarını Enfild stadionunda keçirməyə başladı. Əsl adı Everton Fk və Atletik Qraunds Ltd (qısaca Everton Atletik) olan klub adını dəyişərək Liverpul FK etdi və 1892-ci ilin martında yaradılmasından 3 ay sonra futbol assossasiyası tərəfindən rəsmi olaraq tanındı. Debüt mövsümündə klub Lankaşayr liqasını qazandı və 1893-94 mövsümündə ikinci divizyona vəsiqə qazandı. Klub mövsümü birinci pillədə tamamlayandan sonra birinci divizyona yüksəldi ki burada da 1901 və 1906-cı ildə turniri birinci pillədə başa vurdular.

Liverpul ilk dəfə Federasiya kubokunun finalına 1914-cü ildə çıxmışdır ki burada da Börnli klubuna 0-1 məğlub olmuşdur. Ardıcıl olaraq 1922 və 1923-cü illərdə liqa çempionluğunu qazandı amma 1946-47 mövsümünədək klub heç bir mükafat qazana bilmədi. Liverpul 1950-ci ildə ikinci dəfə kubok finalında Arseala 2-0 hesabı ilə məğlub oldu. Klub 1953–54 mövsümündə ikinci divizyona yuvarlandı. 1958-59 mövsümünün kubok matçında bu dəfə Uorçecter klubuna məğlub olduqdan sonra klubun məşqçi postuna Bil Şenkli gətirildi. Kluba gələn Şenkli dərhal 24 oyunçu ilə yollarını ayırdı və Enfilddə yerləşən ayaqqabı otağını dəyişərək buranı məşqçi üçün işini görə biləcəyi bir otağa çevirdi. Şenkli və digərləri Coe Faqan, Ruben BennetBob Peysli klubu yenidən dəyişdirməyə başladılar.

Klub 1962-ci iidə birinci divizyona geri qayıtdı və 17 ildən sonra 1964-cü ildə burada qalib oldu. 1965-ci ildə klub tarixində ilk dəfə Federasiya kubokunu qazandı. Liverpul finalda Lids klubuna 2-1 hesabı ilə qalib gəlməklə kuboku başı üzərinə qaldırmışdır. Növbəti il 1966-cı ildə klub Birinci divizyonun qalibi oldu amma buna baxmayaraq Kukoklar kuboku turnirinin finalında Borussiya Dortmunda komandasına 2-1 hesabı ilə məğlub oldu.[3] Finalda Liverpulun yeganə qoluna Rocer Hant imza atmışdır. Liverpul 1972-73 mövsümündə ölkə çempionluğunu, federasiya kubokunu qazanmaqla bərabər həmçinin uefa kubokunuda qazanmağı bacardı. Uefa kubokunun finalında onlar Almaniyanın Borussiya Münhenqladbax FK klubuna iki oyunun yekun nəticəsində 3-2 hesabı ilə qalib gəldilər. Sonradan tezliklə Şenkli təqaüdə çıxdı və onu postunda Bob Peysli əvəz etdi.[4] 1976-cı ildə Peisleyin ikinci məşqçilik dövründə Liverpul yenidən liqa çempionluğunu və uefa kubokunu qazandı. Uefa kubokunun finalında onlar Belçikanın Brügge klubuna iki oyunun yekun nəticəsində 4-3 hesabı ilə qalib gəldilər. Növbəti mövsüm klub liqa çempionluğunu qorudu və tarixində ilk dəfə çempionlar liqası turnirini qazandı. Belə ki finalda Borussiya Münhenqladbax klubuna 3-1 hesabı ilə qalib gəldilər. Amma Federasiya kubokunun finalında onlar məğlub oldular. Liverpul 1978-ci ildə sahib olduğu çempionlar liqası qalibi titulunu qorumağı bacardı və 1979-cu ildə liqa çempionluğu titulunu yenidən qazandı.

Komandanın ən uğurlu illəri keçən əsrin 70-ci, 80-ci illərinə tәsadüf edir, hansıda müvafiq olaraq Şenkli və Peysli başçılıq edib. Bill Şenkli və Bob Peysli ümumilikdə "Liverpul"a 11 liqa çempionluğu və 7 avrokubok qazandırıb. "Liverpul" Avropada ən çox uğur qazanan ingilis komandadır. "Qırmızılar" 5 dəfə Çempionlar Liqasını qazanıblar, bu isə rekorddur(İngiltərə klubları üçün). Ümumilikdə "Liverpul" düz 11 dəfə avrokubok qazanıb. "Liverpul"dan daha çox avrokubok qazanan klub "Milan", "Real" Madrid və "Barselona"dır(hər üç klubda 12 avrokubok). Üstəlik Mersisayd klubu 18 qat İngiltərə çempionudur("Mançester Yunayted"dən sonra ən yaxşı göstərici) "Liverpul"un azarkeşləri 2 böyük faciənin şahidi olublar - "Eyzel"(1985) və "Hillsboro"(1989) faciəsi. "Qırmızılar"ın 2 barışmaz rəqibi var - "Everton" və "Mançester Yunayted". Klubun himni isə "You'll Never Walk Alone"dur(Sən heç vaxt tək qalmayacaqsan). Komandanın stadionu isə "Enfild"dir. Komandanın ən çılğın azarkeşləri "Kop" tribunasında məskunlaşırlar. "Forbes" jurnalının 2012-ci ildə yaydığı xəbərə görə, "Liverpul" dünyanın ən bahalı 8-ci komandasıdır. 25 may 2005 tarihxi UEFA Çempionlar Liqasında Atatürk Olimpiyat Stadionunda italyan komandası "Milan" ilə qarşılaşan ingilis klubu ilk hissəsi 3-0 "Milan"ın üstünlüyü ilə sona çatan oyunda, ikinci hissədə vurduğu qollarla oyunu 3-3, bərabər edə bilmişdi. Uzatmalarda sonra penaltilərdə "Milan"ı 3-2 məğlub eden "Liverpul" UEFA Çempionlar Liqası kubokunu qazana bilmişdi . O oyunda möhtəşəm bir geri dönüş edən ingilis təmsilçisinin bu müvəffəqiyyətində ən böyük payı kapitan Stiven Cerrardın olmuşdur ve oyunun ən yaxşısı elan edilmişdir. Bu oyun Çempionlar Liqasının ən maraqlı oyunu hesab edilir.

  • Devizi – You'll never walk alone
  • Simvolu – Layver quşu
  • Sponsoru – Standart Chartered

Tarix[redaktə | əsas redaktə]

1892—1959[redaktə | əsas redaktə]

Con Houldinq "Liverpul" Futbol Klubunun yaradıcısı

"Liverpul"un əsası "Everton"un prezidenti və "Enfild"in sahibi Con Houldinq arasında olan mübahisəsi nəticəsində yaranmışdı. 1891-ci ildə “Everton” İngiltərə çempionu olur. Həmin vaxt Con Holdinq sözügedən komandanın ev oyunlarını keçirdiyi “Enfild Roud” stadionuna sahib çıxır və arenanın icarə haqqını 2 dəfə artırır. “Everton” rəhbərliyi bu məbləği ödəməkdən boyun qaçırır və “Qudison Park”a köçür. Con Holdinq şəxsi klubunu yaratmaq qərarına gəlir. Beləliklə, 1892-ci ildə futbol dünyasında “Liverpul” adlı futbol klubu təşrif buyurur. Holdinq Şotlandiyaya gedərək, oradan 13 peşəkar futbolçunu komandasına gətirir.

"Liverpul" Lankaşır liqasında çıxış etməyə başladı. Artıq 2 il sonra, 1893/94 sezonunda, "Liverpul" 2-ci diviziona qalxaraq, İngiltərənin Futbol Liqasına daxil oldu.

İlk çempionluq titulunu 1900/01 sezonunda qazanan "Liverpul", 5 il sonra, 1905/06 sezonunda, eyni uğuru təkrarlaya bildi. Klubun ilk kubok finalı isə 1914-cü ilə təsadüf edib. İngiltərənin kubokunun finalında "Liverpul" "Bernli"yə 0:1 hesabı ilə məğlub oldu. Buna baxmayaraq 1921/22, 1922/23 sezonlarında "Liverpul" 2 dəfə çempionluq titulunu qazanmışdı. 1922/23 sezonundakı çempionluq 1947-ci ilə kimi "Liverpul"un son nailiyyəti idi. 1947-ci ilə kimi "Liverpul" 1 dənə də olsun kubok qazana bilməmişdi. 1946/47 sezonunda "Liverpul" 5-ci dəfə İngiltərə çempionu oldu. 1950-ci ildə isə "Liverpul" 2-ci dəfə İngiltərə Kubokunun finalında oynadı. 2-ci finalda da "Arsenal"a məğlub oldu - 0:2.

1959-1985[redaktə | əsas redaktə]

Bill Şenklinin "Enfild"in qarşısındakı heykəli.

Pis göstəricilərə görə "Liverpul"a yeni məşqçi gəlir - Bill Şenkli. Şenklinin gəlişindən sonra, "Liverpul"un heyəti yeniləndi. Komandaya nə az, nə çox, düz 24 futbolçu cəlb olunmuşdu. Şenkli "Enfild"dəki zirzəmini yeniləyərək, məşqçilərin müzakirə otağı etmişdi - Buts otağı (Boot room).

"Liverpul" 1-ci diviziona 1961/62 sezonunda qalxa bildi. Şenklinin komandası 17 illik çempionsuzluğu son qoyaraq, 1963/64 sezonunda İngiltərə çempionu olmuşdu. 1965-ci ildə finalda "Lids Yunayted"i məğlub edən "Liverpul", tarixində ilk dəfə İngiltərə Kubokunu qazanmışdı. 1965/66 sezonunda "Liverpul" 7-ci dəfə İngiltərə çempionu olur. 1973-cü ildə, finalda "Borussiya Mönxenqladbax"ı məğlub edərən "Liverpul", UEFA Kubokunu qazanmışdı. Növbəti ildə isə "Liverpul" İngiltərə Kubokunu qazanmışdı. Bundan sonra Şenkli futbolu buraxdı, və öz işini köməkçisi olan, Bob Peysliyə təhvil verdi.

Bob Peyslinin dövründə "Liverpul" daha çox kubok qazandı. 1975/76 sezonunda "Liverpul" həm çempionatı, həm də UEFA Kubokunu qazana bilmişdi. Bob Peyslinin 9 illik başçılığı altında "Liverpul" 6 dəfə İngiltərə çempionu olmuşdu, 3 dəfə İngiltərə Liqa Kubokunu, 3 dəfə İngiltərə Superkubokunu, 3 dəfə Çempionlar Liqasını, 1 dəfə UEFA Kubokunu, 1 dəfə də UEFA Superkubokunu qazana bilmişdi. Bob Peysli 3 dəfə Çempionlar Liqasının qalibi olan yeganə baş məşqçidir. O, İngiltərə Futbol Tarixində olan ən yaxşı məşqçilərdən biri sayılır.

1983-cü ildə Bob Peysli "Liverpul"u tərk etdi. O da Bill Şenklini kimi, öz işini köməkçisinə təhvil verdi. "Liverpul"un yeni baş məşqçisi Co Feqan olur. Feqan ilk sezondaca "Liverpul"u çempion edə bilir. Həmin sezon "Liverpul" həm çempion olur, həm də İngiltərə Liqa Kubokunu və Çempionlar Liqasını qazana bilir. Elə həmin vaxtlar Mersisayd klubunda növbəti ulduz parlamağa başladı. Söhbət Yan Raşdan gedir.

1985-indiki zaman[redaktə | əsas redaktə]

1985-ci ildəki Eyzel faciəsinə görə, məşqçi Feqan istefa verdi. Co Feqandan sonra, baş məşqçilik postuna Kenni Dalqliş keçir. O, oynayan məşqçi olur. Kenninin dövründə "Liverpul" 3 dəfə liqada 1-ci olur, 2 dəfə İngiltərə kubokunu qazana bilir. 1985/86 sezonunda "Liverpul" klassik dublya imza atır. Həmin sezon "Liverpul" həm çempionatı, həm də İngiltərə Kubokunu qazana bilir. 15 aprel 1989-cu ildə "Hillsboro" faciəsi baş verir. 96 "Liverpul"lu həlak olur.

1988/89 sezonu "Liverpul" pərəstişkarları üçün ən drammatik sezon oldu. "Arsenal"ın "Liverpul"la eyni xalı olmasına baxmayaraq, top fərqində "kanonirlər" "qırmızılar"dan üstün oldular. Çempion "Arsenal" olur.

1989/90 mövsümündə Dalqliş mersisaydlılarla 5-ci mövsümündə 3-cü dəfə İngiltərə çempionu oldu. Həmin vaxtdan bəri 20 ildən çox vaxt keçsə də, bu hələ ki “Liverpul”un sonuncu qızıl medallarıdı.

1991-ci il fevralın 22-də Dalqliş istefa verdi. Ondan sonra bir neçə il ərzində komandaya müxtəlif məşqçilər gətirilsə də, onların nəzərə çarpan uğuru olmadı. Nəhayət, “Liverpul” axtardığı çalışdırıcını 1998-ci ildə tapdı. Fransa millisinin sabiq baş məşqçisi Jerar Ulye çətin tapşırığın öhdəsindən gəlməyi bacardı. Məhz onun rəhbərliyi altında qırmızılar klub tarixinin ən uğurlu mövsümlərindən birini keçirdilər. 2000-2001 mövsümündə “Liverpul” İngiltərə Liqa kubokunu, İngiltərə kubokunu, Uefa kuboku və superkubokunu qazandı. Məhz Ulyenin dövründə Mersisayd klubunda Stiven Cerrard və Maykl Ouen kimi istedadlı futbolçuların ulduzu parlamağa başladı. Amma tədricən Ulye mediyanın təzyiqinə tab gətirməməyə başladı. Fransalı mütəxəssis müdafiə futboluna üstünlük verdiyi üçün tənqid olunurdu. 2003-04 mövsümünün gedişində komanda uzun müddət qələbəyə həsrət qalanda isə rəhbərliyin səbr kasası daşdı. Nəticədə Ulye istefaya göndərildi.

Bundan sonra “Liverpul”da Rafael Benites erası başladı. İspaniyalı məşqçinin gəlişiylə bərabər Maykl Ouen 8 milyon funt sterlinq müqabilində Madrid “Real”ına keçdi. Əvəzində isə Milan Baroş, Xabi Alonso və Luis Qarsiya kimi futbolçular gətirildi. Bu cür dəyişiklik avtomatik olaraq Benitesi qınaq obyektinə çevirdi. Ancaq ispaniyalı çalışdırıcı təzyiqlərə fikir vermirdi. Müəyyən vaxtdan sonra o, özünü doğrultdu. Çünki Benites futbol dünyasının bəlkə də heç vaxt unutmayacağı o möhtəşəm qələbənin memarlarından biri oldu.

Jürgen Klopp

Beləliklə, 2005-ci il mayın 25-i. Çempionlar Liqasının finalı. İstanbulun “Atatürk” stationu. “Liverpul” “Milan”a qarşı. Ilk hissədən sonra İtaliya klubu 3:0 hesabıyla öndə idi. Sonrasını isə Stiven Cerrardın dilindən eşidək: “Fasilə zamanı hamımız məğlubiyyətlə barışmışdıq. Yalnız Rafael Benites bizi hələ heç nəyin itirilmədiyinə inandırmağa çalışırdı. Düzü, onun sözləri də bizə kömək etmirdi. Çox məyus idik. Amma fasilədən sonra meydana qayıdarkən baş verənləri sözlə ifadə etmək çox çətindi. Tribunalarda olan “Liverpul” azarkeşləri bir ağızdan klubun himnini oxuyurdular. Həmin vaxt başa düşdük ki, qələbəyə hələ də inananlar var”. “Liverpul” həqiqətən də həmin unudulmaz oyundan qələbəylə ayrıldı. Bütün İngiltərə, futbol dünyası mersisaydlıları alqışlamağa başladı.

Amma bundan sonra “qırmızılar” İngiltərə və Avropa futbolunda mövqelərini itirməyə başladılar. O vaxtdan bəri komandada bir neçə məşqçi dəyişib, bir sıra ulduz futbolçular oynayıb, amma bütün bunlar nəticə vermir. Hazırda “Liverpul”u Jürgen Klopp çalışdırır. Almaniyalı mütəxəssis öz oyun fəlsəfəsi ilə azarkeşlərdə böyük ümidlər yaradıb.

Stadion[redaktə | əsas redaktə]

Əsas məqalə: Enfild

"Enfild" 1884-cü ildə Stenli Park rayonunda tikilib. Stadion ilk olaraq "Everton"un ev stadionu idi. İcarənin pulu vaxtında ödənilmədiyi üçün "Everton" "Enfild"i tərk edir. Komandasız qalan Con Houldinq yeni klub yaradır - "Liverpul". Klubun ev stadionu isə "Enfild" olur. 1892-ci ildə "Enfild"in tamaşaçı tutumu 20000 idi. 1906-cı ildə stadionun tribunası Spion Kop adlanır. Tribunanı Spion Kop adında təpəyə bənzadiblər.

Möhtəşəm "Enfil Roud" stadionu

1990-cı ilə qədər stadiona 60000-ə qədər tamaşaçı yerləşirdi. "Hillsboro" faciəsindən sonra bəzi dəyişikliklər edildi. Stadionun tutumu 45522-yə qədər azalır.

2002-ci ildə "Liverpul" rəhbərliyi "Stenli Park" stadionunu tikməyə qərar verdi. Amma 300 milyonluq borclara görə, stadionun tikilişi dayandı. 2012-ci ildə isə rəhbərlik rəsmi qərar verdi: "Stenli Park" tikilməyəcək. "Liverpul" "Enfild"də qalır. Əvəzində isə klubun yeni sahibləri Enfildin bir tribunasını (Main Stand) yenidən təmir edərək stadionun ümumi tutumunu 54,167-yə çatdırdılar. Yenilənmiş Enfilddə ilk görüş 10 sentyabr 2016-cı ildə Lester Sitiyə qarşı baş tutub.

Azarkeşlər[redaktə | əsas redaktə]

"Liverpul" dünyanın ən məşhur futbol klublarından biridir. Hər oyunda "Enfild" stadionu azarkeşlərlə dolur. Stadion 45 min 354 tamaçı tutur."Liverpul"un 30 ölkədə 200 filialı var.

"Liverpul"un çılğın azarkeşləri

Uğurları[redaktə | əsas redaktə]

"Liverpul" 5 dəfə Çempionlar Liqasını qazana bilib.
  • 18 dəfə İngiltərə çempionu: 1901, 1906, 1922, 1923, 1947, 1964, 1966, 1973, 1976, 1977, 1979, 1980, 1982, 1983, 1984, 1986, 1988, 1990.
  • 7 dəfə İngiltərə FA kubokunun qalibi: 1965, 1974, 1986, 1989, 1992, 2001 ,2006
  • 5 dəfə Çempionlar Liqasinin qalibi: 1977, 1978, 1981, 1984, 2005
  • 3 dəfə UEFA Kubokunun qalibi: 1973, 1976, 2001
  • 3 dəfə UEFA Avropa Superkubokunun qalibi: 1977, 2001, 2005
  • 8 dəfə İngiltərə Liqa Kubokunun qalibi : 1980/81, 1981/82, 1982/83, 1983/84, 1994/95, 2000/01, 2002/03 , 2011/12

Klub son çempionluğunu Dalqlişin rəhbərliyi altında 1990 - cı ildə qazanmışdır. 25 ildir istədiyi uğurları əldə edə bilməməsinə baxmayaraq hələ də İngiltərənin Avropada və ölkə içindəki ən çox uğur qazanmış klubudur.

İstinadlar[redaktə | əsas redaktə]

  1. "Real Madrid top Deloitte Money League list featuring 17 Premier League clubs in top 30". Sky Sports (BSkyB). 21 January 2016. http://www.skysports.com/football/news/11095/10137543/real-madrid-top-deloitte-money-league-list-featuring-17-premier-league-clubs-in-top-30. İstifadə tarixi: 1 August 2016.
  2. DeSantis, Nick (11 May 2016). "The 20 Most Valuable Soccer Teams Of 2016". Forbes. http://www.forbes.com/sites/nickdesantis/2016/05/11/the-20-most-valuable-soccer-teams-of-2016-visualized/#6d7de450b613. İstifadə tarixi: 1 August 2016.
  3. "1965/66: Stan the man for Dortmund". Union of European Football Associations (UEFA). http://en.archive.uefa.com/competitions/ecwc/history/season=1965/intro.html.
  4. Kelly 1999, səh.: 86.

Xarici keçidlər[redaktə | əsas redaktə]