Qəhrəman Qəhrəmanzadə

Vikipediya, azad ensiklopediya
Jump to navigation Jump to search
Qəhrəman Qəhrəmanzadə
Qəhrəman Rüstəm oğlu Qəhrəmanzadə
Doğum tarixi
Doğum yeri İran, Qaradağ mahalı
Vəfat tarixi (76 yaşında)
Vəfat yeri Azərbaycan SSR, Bakı
Vətəndaşlığı SSRİ SSRİ
Milliyyəti azərbaycanlı
Fəaliyyəti nasir

Qəhrəman Qəhrəmanzadə (Tam adı:Qəhrəman Rüstəm oğlu Qəhrəmanzadə; d.22 mart 1913; İran, Qaradağ mahalı, Əhər, Vərdin k. - ö.23 yanvar 1990, Bakı) — nasir, Azərbaycan Yazıçılar Birliyinin üzvü (1974).

Həyatı[redaktə | əsas redaktə]

Qəhrəman Qəhrəmanzadə 1913-cü ildə martın 22-də İranın Şərqi Azərbaycan ostanı ilə Araz çayının cənub qisimində yerləşən Qaradağ mahalında, Əhər deyilən yerdə Vərdin kəndində doğulub. Kiçik yaşlarından Azərbaycanın Gəncə şəhərinə köçmüş, 1928-33-cü illərdə burada 6 saylı birinci dərəcəli ibtidai məktəbi bitirib Bakı pedaqoji texnikumunda təhsil almışdır. İki il Lək və Çobanabdallı kəndlərində ədəbiyyat müəllimi olmuş, 1935-37-ci illərdə APİ-də təhsilini davam etdirmişdi. 1943-44-cü illərdə "İran-Sovtrans"ında yanğınsöndürən vəzifəsində işləyib. 1945-ci ildə Hızbı-Tudeyi İran partiyası sıralarına daxil olub. Təbriz şəhər partiya komitəsinin büro üzvü seçilmiş, İranın cənubunda Düiful şəhərində iki il sürgündə qalmışdır. 1956-58-ci illərdə siyasi fəaliyyəti səbəbində ailəlikcə zindana salınmış 7 ay Tehranda işlədikdən sonra 1958-ci ilin oktyabrında Bakıya köçmüş, burada 1959-63-cü illər Bakı ali partiya məktəbində təhsil almış, 1963-1990-cı illərdə isə Azərittifaqda işləmişdir. 1990-cı ildə yanvarın 23-də Bakıda vəfat etmişdir.

Fəaliyyəti[redaktə | əsas redaktə]

Bədii yaradıcılığa 1935-ci ildə "Qızıl Gəncə" qəzetində dərc etdirdiyi ilk hekayəsi ilə başlamışdır. Hekayələri dövri mətbuatda müntəzəm çap olunurdu. 1941-42-ci illərdə "Vətən yolunda" qəzeti redaksiyasında əməkdaş olmuş, həmçinin "Azərbaycan" demokratik jurnalında redaktor müavini işləmişdir.

Əsərləri[redaktə | əsas redaktə]

  • "Mühacirlər dastanı" (1944)
  • "İftira" (1963)
  • "Tozlu palto" (1965)
  • "Ayrılıq" (1971)
  • "Qırmızı başmaq" (1974)
  • "Bayraqsız adam" (1981)

İstinadlar[redaktə | əsas redaktə]

Ədəbiyyat[redaktə | əsas redaktə]

  • Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı; "Nurlar", Bakı - 2011