Qəmbər Bəybalayev

Vikipediya, açıq ensiklopediya
Jump to navigation Jump to search
Qəmbər Bəybalayev
Qəmbər Bəylər oğlu Bəybalayev
Qəmbər Bəybalayev.PNG
portret
Doğum tarixi 1 mart 1957 (1957-03-01) (62 yaş)
Doğum yeri Flag of the Soviet Union.svg SSRİ
Flag of the Azerbaijan Soviet Socialist Republic.svg Azərbaycan SSR, Quba, Əlik
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan

Bəybalayev Qəmbər Bəylər oğlu — "Azərpoçt"un sabiq baş direktoru; texnika elmləri namizədi, dosent; Azərbaycan Respublikasının "Əməkdar Mühəndis"i[1]

Həyatı[redaktə | əsas redaktə]

Qəmbər Bəybalayev 1 mart 1957-ci ildə Azərbaycanın Quba rayonunun Əlik kəndində anadan olmuşdur.

1973-cü ildə Çingiz İldırım adına Azərbaycan Politexnik İnstitutunun Avtomatik elektrik rabitəsi ixtisası üzrə elektrotexnika fakultəsinə daxil olmuşdur. 1978-ci ildə həmin institutu bitirərək təyinatla Respublika Elektrik Rabitəsi və Radiolaşdırma Qovşağında mühəndis, böyük mühəndis vəzifələrində işləmişdir.

1985-1988-cı illərdə Respublika Elektrik və Radiolaşdırma Qovşağının rəisi, 1988-1997-ci illərdə "Rayon Rabitəsi" İstehsalat Birliyinin baş mühəndisi, 1998-ci ildə "Aztelekom" İB-nin baş mühəndisi, 27 aprel 1998-ci ildən 23 aprel 2001-ci il tarixədək isə "Aztelekom" İB-nin baş direktoru vəzifəsində işləmişdir.

2001-ci ildən hal hazıradək "Azərpoçt" DM-nin Baş direktoru vəzifəsində çalışır.

Elmi fəaliyyəti[redaktə | əsas redaktə]

13 noyabr 2002-ci ildə Azərbaycan Respublikası Prezidenti yanında Ali Attestasiya Komissiyasının qərarı ilə texnika elmləri namızədi alimlik dərəcəsi almışdır. Bir dərs vəsaitinin, dörd kitabın, beş ixtira üzrə patentin və 15 texniki məqalənin müəllifidir. Azərbaycan Respublikasının Baş Naziri Artur Rasizadənin 22 iyun 2005-ci il tarixli 115 saylı Qərarı ilə Rabitə və İnformasiya Texnologiyaları Nazirliyinin Kollegiya üzvü təyin edilmişdir[2].

Azərbaycan Texniki Universitetinin dosentidir.

Qarabağ müharibəsində[redaktə | əsas redaktə]

"Rayon Rabitəsi" İstehsalat Birliyinin baş mühəndisi işlədiyi dövrdə, 1991-1992-ci illərdə bütün döyüş bölgələrində, həmçinin Dağlıq Qarabağ və onun ətraf rayonlarında rabitə əlaqəsinin yaradılmasında bilavasitə iştirak etmişdir. Kapitan rütbəsindədir. Müharibə veteranıdır.

Mükafatları və fəxri adları[redaktə | əsas redaktə]

Azərbaycan Rabitə və İnformasiya Texnologiyaları Nazirliyi tərəfindən rabitə sahəsində səmərəli fəaliyyətinə görə dəfələrlə fəxri fərmanlarla təltif edilmişdir.

  • Azərbaycan Rabitə nazirinin 28 yanvar 2002-ci il tarixli, KŞ-17 saylı Əmri ilə "Rabitə Ustası" adına layiq görülmüşdür.
  • Azərbaycan Respublikası Prezidentinin 1 dekabr 2011-ci il tarixli, 1864 nömrəli Sərəncamı ilə ona Azərbaycanda rabitə və informasiya texnologiyaları sahəsində xidmətlərinə görə "Əməkdar Mühəndis" fəxri adı verilmişdir.

Həbsi[redaktə | əsas redaktə]

3 noyabr 2015-ci ildə Baş prokuror yanında Korrupsiyaya qarşı Mübarizə Baş İdarəsi əməkdaşları tərəfindən saxlanılıb. Barəsində həbs qətimkan tədbiri seçilib.[3][4]

Mənbə[redaktə | əsas redaktə]

İstinadlar[redaktə | əsas redaktə]

  1. "Azərbaycan Respublikasında rabitə və informasiya texnologiyaları sahəsində çalışan şəxslərə “Əməkdar Mühəndis” fəxri adının verilməsi haqqında" Azərbaycan Respublikası Prezidentinin 1 dekabr 2011-ci il tarixli, 1864 nömrəli Sərəncamı  (azərb.)
  2. Azərbaycan Respublikası Rabitə və İnformasiya Texnologiyaları Nazirliyinin kollegiyasının tərkibi haqqında Azərbaycan Respublikası Nazirlər Kabinetinin 22 iyun 2005-ci il tarixli, 115 nömrəli Qərarı
  3. ""Azərpoçt"un baş direktoru həbs olunub"(azərb.)). sputnik.az. 2015-11-03. Arxivləşdirilib: [1] saytından 2015-11-04 tarixində. https://web.archive.org/web/20151104053427/http://sputnik.az/incidents/20151103/402590280.html. İstifadə tarixi: 2015-11-04.
  4. ""Azərpoçt"un baş direktoru barəsində həbs qətimkan tədbiri seçilib"(azərb.)). trend.az. 2015-11-03. Arxivləşdirilib: [2] saytından 2015-11-04 tarixində. https://web.archive.org/web/20151104053953/http://az.trend.az/azerbaijan/society/2452286.html. İstifadə tarixi: 2015-11-04.