Qənimət Zahid

Vikipediya, azad ensiklopediya
Jump to navigation Jump to search
Qənimət Zahid
Qənimət Səlim oğlu Zahidov
Qənimət Zahid.jpg
Doğum tarixi (57 yaş)
Doğum yeri Qurdtəpə, Şamaxı
Vətəndaşlığı
Təhsili
Fəaliyyəti jurnalist

Qənimət Zahid (tam adı: Zahidov Qənimət Səlim oğlu) — "Azadlıq" qəzetinin baş redaktoru, Turan TV-nin prezidenti, yazıçı.

Həyatı[redaktə | əsas redaktə]

Qənimət Zahid 1963-cü il fevralın 10-da Şamaxının Qurdtəpə kəndində anadan olub. 1970-78-ci illərdə Qurdtəpə kənd orta məktəbində oxuyub. 1978-ci ildə Sumqayıt Kimya Texnologiya Texnikumunda oxuyub və təyinatla Çeçenistanın paytaxtı Qroznı şəhərinə, neftayırma zavoduna işləmək üçün göndərilib. 1985-ci ildə Bakı Dövlət Universitetinə daxil olub və 1990-cı ildə Bakı Dövlət Universitetini bitirərək Xalq Cəbhəsinin lideri Əbülfəz Elçibəyin məktubu əsasında verilən təyinatla "Azadlıq" qəzetinə gəlib. Tələbəlik dövründə "YURD" birliyinin (1987) yaradılmasında fəal iştirak edib və Azərbaycanda tələbə hərəkatının liderlərindən olub. 1990-cı ildə 20 yanvar hadisələrindən sonra Tbilisidə "YURD" adlı gizli qəzet buraxıb və tələbə hərəkatının xətti ilə bu qəzet bütün Azərbaycanda yayılıb. 1990-cı ilin iyununda "Azadlıq" qəzeti nəşrini bərpa edəndən sonra burada işə başlayıb və həmin ilin axırlarında qəzetin baş redaktorunun müavini olub. 1991-ci ilin noyabrında "Azadlıq" qəzetinin baş redaktoru olub, 1992-ci ilin əvvəllərindən isə də isə baş redaktor seçilib. 1994-cü ildə redaktorluqdan istefa verərək qəzetdə məsləhətçi vəzifəsinə keçib. 1994-cü ildə "Yeni Nəsil" Jurnalistlər Birliyini təsis edib və onun ilk sədri olub. 1998-ci ildə "Azad Söz" Jurnalistlər Birliyini təsis edib və onun ilk sədri olub. 2002-ci ildə "Bakı Həftəliyi" adlı qəzet nəşr edib. 2003-cü ildə yenidən "Azadlıq" qəzetinin rəhbərliyinə qayıdıb[1].

Xuliqanlıq və qəsdən sağlamlığa az ağır zədə vurma ittihamları ilə 2007-ci il noyabrın 11-də həbs olunub, 4 il cəza alıb, 2010-cu ilin martın 17-nə qədər həbsxanada olub. Yerli və beynəlxalq hüquq müdaifə təşkilatları onu siyasi səbəblərlə həbs edilən vicdan məhbusu olaraq tanıyıblar. Uydurma ittihamla verilən cəza müddətini 17 saylı cəzaçəkmə müəssisəsində keçirib[2].

2006-cı ildə Qənimət Zahid Həcc ziyarətində olub.

2012-ci ilin aprel ayının 6-dan başlayaraq efirdə olan "Azərbaycan saatı" adlı həftəlik televiziya proqramının müəllifi və yaradıcısıdır. "Azərbaycan saatı" Azərbaycanda siyasi senzuranı tanımayan ilk televiziya proqramıdır. Ardıcıl və prinsipal jurnalist fəaliyyətinə görə "Sərhədsiz Reportyorlar" beynəlxalq Jurnalist təşkilatının "Dünyanın 100 informasiya qəhrəmanı" siyahısına daxil edilib. 2016-cı ilin oktyabr ayının 8-dən efirə çıxan Turan TV-nin yaradıcısıdır. Turan TV "Azərbaycan Saatı" proqramının bazasında yaradılıb, Azərbaycanın ilk müstəqil peyk televiziyasıdır.

Qənimət Zahid eyni zamanda, bədii yaradıclıqla məşğuldur. Həbsxana mövzusunda yazdığı "Ölüm korpusu" adlı romanı ingilis dilinə də çevrilib. "The Death Building"[1] adlı bu kitab Amazon online satış bazası üzərindən satışdadır. 2019-cu ilin sonlarında onu "Son dərviş" adlı daha bir romanı da Azərbaycanda çap edildi. "Son dərviş" tarixi- fəlsəfi mövzuda, postmodern üslubda yazılmış əsərdir.

Qənimət Zahid "Sərhədsiz Reportyorlar" beynəlxalq Jurnalist təşkilatının köməyi ilə 2011-ci ildə Fransaya köçüb. Hazırda ailəsi ilə birlikdə Fransada yaşayır.

Ailəsi[redaktə | əsas redaktə]

Ailəlidir. Ayəndə Mürsəliyeva ilə ailə həyatı qurub. Dörd övladı var.

İstinadlar[redaktə | əsas redaktə]

  1. QƏNİMƏT ZAHİD “QURAN”ı AVAZLA OXUMAĞI ÖYRƏNİR
  2. JURNALİSTLƏR HƏBSDƏ QALDI

Xarici keçidlər[redaktə | əsas redaktə]