Yunus Oğuz

Vikipediya, azad ensiklopediya
Jump to navigation Jump to search
Yunus Oğuz
Yunus Oğuz.jpg
Doğum tarixi 22 iyul 1960(1960-07-22) (60 yaş)
Doğum yeri Şirvan, Azərbaycan
Vətəndaşlığı Azərbaycan Azərbaycan
Təhsili Rostov Dövlət Universiteti
Fəaliyyəti yazıçı
Fəaliyyət illəri 1975 - günümüz
Əsərlərinin dili azərbaycanca
rusca
Janr Şeir, tarixi roman və dramaturgiya
Mükafatları "Azərbaycan Respublikasının əməkdar mədəniyyət işçisi" fəxri adı — 2010

Yunus Oğuz (azərb. Yunus İsaxan oğlu Əliyev‎) — 1960-cı il iyulun 22-də Şirvan şəhərində anadan olub. 1977-ci ildə orta məktəbi bitirdikdən sonra bir il Şirvan DRES-də fəhlə işləyib. 1978-1979-cu illərdə Bakı şəhəri 6 nömrəli texniki peşə məktəbində təhsil alib. 1979-1981-ci illərdə sovet ordusunda xidmət edb. Ordudan tərxis olunduqdan sonra 1983-cü ilin avqust ayına qədər Şirvan şəhər pambıq təmizləmə zavodunda mülku müdafiə qərargahının rəisi vəzifəsində çalısıb.

Həmin müddətdə ictimai əsaslarla zavodun komsomol təşkilat katibi secilib. 1983-cü ildə Rostov Dövlət Universitetinə daxil olub və 1988-ci ildə RDU-nun fəlsəfə fakultəsini bitirərək filosof ixtisasina yiyələnib. Ali təhsilini bitirdikdən sonra təyinatla Azərbaycan SSR Elmlər Akademiyasının Fəlsəfə və hüquq institutuna göndərilib və burada kiçik elmi işçi vəzifəsində çalışıb. 1988-ci ildən də Milli Azadlıq hərəkatına aktiv qoşulub. Fəlsəfə və hüquq institutunda kiçik elmi işçi işləməklə yanaşı 1989-cu ildən 1991-ci ilədək Azad söz qəzetinin, həmçinin Xüsusi bulletenlərin qeyri-leqal nəşrinə rəhbərlik edib. 1990-ci ilin yanvarında akademiyanın bir qrup gənc alimi ilə Xalq Azadliq Partiyasının (XAP) yaradıb və onun sədri seçilib.

1991-1992-cı illərdə Ordu qəzetinin baş redaktoru vəzifəsində çalışıb. 1990-cı ildə AXC Ali Məclisinə, sonra AXC idarə heyətinə üzv seçilib. 1992-ci ildə AXC idarə heyəti ləğv olunduqdan sonra AXC sədrinin müavini təyin olub. 1993-cü ildə Azərbaycan Respublikası Prezidentinin müşaviri təyin edilib. 1994-cü ildə AXC –ni tərk edərək Azərbaycan Bütövlüyü Uğrunda Cəmiyyəti və eyni adlı partiyanı təsis edib və onun sədri seçilib. Yunus Oğuzun təşəbbüsü ilə 1997-ci ildə ABUP və XAP birləşib və o, Xalq Azadlıq Partiyasınin sədri seçilib.

1998-ci ildə XAP və Vəhdət Partiyası birləşib və bu dəfə partiya sədrinin birinci müavini seçilib. 2000-ci ildən Vəhdət Partiyası adını Milli Vəhdət Partiyası elan edib və qurultayda Yunus Oğuz Milli Vəhdət Partiyasının sədri seçilib. 1995-ci ildən bu günə qədər "Olaylar" İnformasiya Agentliyinin baş direktoru və eyni adlı qəzetin baş redaktoru vəzifəsində çalışır. Yüzlərlə elmi və publisistik məqalələrin müəllifidir. 15 oktyabr 2003-cü ildə keçirilən prezident seçkilərində namizədliyi qeydə alınıb və Azərbaycan Respublikasının hazırki prezidenti İlham Əliyevin xeyrinə namizədliyini geri götürüb.2005-ci ildə prezident İlham Əliyev tərəfindən Tərəqqi medalına, 2010-cu ildə Əməkdar mədəniyyət işçisi adına layiq görülüb.

2009-cu ildə Nadir şah romanı Azərbaycan Mədəniyyət Nazirliyi tərəfindən Qızıl kəlmə mükafatının Şans ödülünə layiq görülüb.2010-cu ildə "Nadir şah", “Təhmasib şah”, “Attila”  və “Qədim türklər və passionarlıq nəzəriyyəsi” Türkiyə türkcəsinə çevrilib və bu ölkədə böyük tirajla nəşr olunub.

"Nadir şah" romanı 2010-cu ildə ingilis dilində Londonda işıq üzü görüb.  

“Türkün tarixinə yeni bir baxış” kitabı 2008-ci ildə Təhsil Nazirliyinin qərarı ilə ali məktəblərdə dərs vəsaiti kimi çap olunub. 2011-ci ildə yenə Təhsil Nazirliyinin qərarı ilə “Nadir şah” və “Təhmasib şah” tarixi romanları sinifdənxaric oxu ədəbiyyatı kimi sifariş edilib və çapdan çıxıb.

“Nadir şah” dörd dəfə, “Təhmasib şah” isə üç dəfə yenidən nəşr olunub.

2011-ci ildə Milli Elmlər Akademiyası Tarix İnstitutunun Elmi Şurasının qərarı ilə “Qədim türklər və passionarlıq nəzəriyyəsi L.N.Qumilyovun tədqiqatlarında” adlı elmi kitabı işıq üzü görüb və TN-i tərəfindən dərs vəsaiti kimi çap olunub. Bu kitab eyni zamanda 2012-ci ildə İstanbulda nəşr olunub.

2011-2012-ci illərdə iki cildlik “Əmir Teymur – zirvəyə doğru” və “Əmir Teymur  - dünyanın hakimi” tarixi romanı dərc olunub.

Əsərləri dünyanın 20-dən çox ölkəsində dərc olunub. Dünyanın bir çox ölkəsində mükafatlara layiq görülüb.

Əsərləri Nyu-Yorkda, Londonda, Moskvada, İstanbulda, Kiyevdə, Daşkənddə, Almaatada, Bişkekdə və başqa şəhərlərdə nəşr edilib.

Bütövlükdə 22 ölkədə 47 kitabı dərc olunub. Kitabları haqqında iki monoqrafiya yazılıb.

Kitabları[redaktə | əsas redaktə]

  1. Qarabağ nəzarətsiz zona (2003) (ingiliscə)
  2. Siyasi hakimiyyətin idarəetmə prinsipləri (1994)
  3. Qadın ulduzu (1996)
  4. Qədim Anadolu və Azərbaycan türkləri (2002)
  5. Türkün tarixinə yeni bir baxış (2006)
  6. Atilla pyesi (2007)
  7. Nadir Şah (tarixi roman) (2008)
  8. Təhmasib Şah (tarixi roman) (2009)
  9. Türkün gizli tarixi (2010)
  10. Əmir Teymur zirvəyə doğru (2011)
  11. Qədim Türklər və passionarlıq nəzəriyyəsi Qumilyovun tədqiqatlarında (2011)
  12. Əmir Teymur dünyanın hakimi (2012)
  13. "Şah arvadı və Cadugər" tarixi romanı (2013)
  14. Sultan Alp Arslan (tarixi roman) (2015)
  15. Azərbaycanın geosiyasəti Əli Həsənovun tədqiqatlarında (2016)
  16. Atabəy Eldəniz (tarixi roman) (2017)
  17. Ovçu (2018)[1]
  18. Nadir Şah pyesi
  19. Səfəvi şeyxi[2] (tarixi roman)
  20. Altun dəftər pyesi

İstinadlar[redaktə | əsas redaktə]

  1. APA TV (19.07.2018). "Yunus Oğuzun aprel döyüşlərinə həsr etdiyi romanının müzakirəsi keçirilib" (azərb.). Youtube.com. İstifadə tarixi: 2018-07-19.
  2. APA TV (26.12.2019). ""Səfəvi şeyxi" romanı oxuculara təqdim olunub" (azərb.). Youtube.com. İstifadə tarixi: 2019-12-26.