Qaçaq Kərəm (roman)

Vikipediya, azad ensiklopediya
Jump to navigation Jump to search
Qaçaq Kərəm
Qaçaq Kərəm (roman).jpg
Əsərin 2015-ci il azərbaycanca nəşrinin üz tərəfi
Müəllif(lər) Fərman Eyvazlı
Janr Roman
Orijinalın dili Azərbaycanca
Ölkə Azərbaycan SSR
Orijinalın nəşr ili 1986-1987
Nəşriyyat Bakı Kitab Klubu (2015)
Səhifə I hissə: 490; II hissə: 224
Tiraj 100
Romanın 2-ci hissəsinin üzü

Qaçaq KərəmFərman Eyvazlının Qaçaq Kərəmdən bəhs edən romanı.

Məzmun[redaktə | əsas redaktə]

Romanda XIX əsrin sonlarında Azərbaycanda uzun illər kasıb təbəqənin, əsasən də kəndlilərin haqlarının tapdanmasına qarşı çıxmış xalq qəhrəmanı Kərəmin həyat və mübarizəsindən bəhs olunur. Bu qəhrəman özü kimi cəsur və qoçaq insanları ətrafına toplayaraq qaçaq dəstəsi yaratmış, o zamankı Rusiya imperiyasına qarşı çıxmış, haqq-ədalət uğrunda mübarizəyə qalxmışdı. O torpaqsızlara torpaq, kimsəsizlərə dolanacaq verir, bəylərin, tacirlərin və başqa varlıların var-dövlətini talayıb yoxsullara paylayırdı...

Bütün roman boyu qatı kasıbçılıq, düşmənçilik və xainlik fonunda Azərbaycan kişilərinin necə öz mərdliklərini qoruyub saxlamaqları oxucunu kitabdan ayrılmağa qoymur...

Roman bəy-rəiyyət qarşıdurması kimi saxta Sovet təbliğatından xali deyil, amma Azərbaycanın yaxın tarixi keçmişi və real dövlətçilik həyatından götürülmüş çoxlu zəngin material istifadəsi baxımından indiki dövr üçün də tamamilə aktuallığını saxlayır.

Nəşr və tərcümə[redaktə | əsas redaktə]

Əsər ilk dəfə Bakıda kiril qrafikalı Azərbaycan əlifbası ilə 1986, 1987, 1990-cı illərdə, latın qrafikalı Azərbaycan əlifbası ilə isə 2015-ci ildə Bakı Kitab Klubunda 2 hissədə nəşr edilib. 2-ci kitaba ʺQaçaq Kərəmʺ romanının ikinci hissəsindən parçalar olan ʺDüyünlü günlərʺ və ʺBir kisə qızılʺ povestləri, İsrafil ağanın həyatla vidalaşması səhnəsinə həsr olunmuş ʺAğanın ölümüʺ hekayəsi və ədibin İran səfəri əsasında yazılmış ʺXoy səfəriʺ publisistik yazısı daxil edilmişdir.[1]

İstinadlar[redaktə | əsas redaktə]

  1. "Qaçaq Kərəm (2‐ci hissə)"(azərb.)). bbclub.az. 2020-02-03 tarixində arxivləşdirilib. İstifadə tarixi: 2020-07-03.

Xarici keçidlər[redaktə | əsas redaktə]