Məzmuna keç

Qahir Rəsulzadə

Vikipediya, azad ensiklopediya
Qahir Rəsulzadə
tac. Қоҳир Расулзода
Tacikistan Respublikasının Baş naziri
Vəzifədədir
23 noyabr 2013-cü ildən
ƏvvəlkiOqil Oqilov[d]
Şəxsi məlumatlar
Doğum tarixi 8 mart 1961(1961-03-08) (65 yaş)
Doğum yeri
Təhsili
Fəaliyyəti hökumət başçısı[d]
Dini İslam
Təltifləri "Şərəf" ordeni "Fədakar xidmətlərə görə" ordeni
Vikianbarın loqosu Vikianbarda əlaqəli mediafayllar

Qahir Rəsulzadə (Rəsulzodə, tac. Қоҳир Расулзода, 2007-ci il may ayına qədər — Əbdülqahir Əbdürəsul oğlu Nəzirov, tac. Абдуқоҳир Абдурасулович Назиров[1]; 8 mart 1961, Kistakuz[d], Soqd vilayəti) — Tacikistanlı siyasətçi, Tacikistanın 8-ci Baş naziri. 2013-cü il 23 noyabr tarixində bu vəzifəyə təyin olunmuşdur[2].

Bioqrafiyası

[redaktə | vikimətni redaktə et]

Əbdülqahir Nəzirov 8 mart 1961-ci ildə Tacikistanın Suğd vilayətinin Qafurov rayonunun Kistakuz kəndində (indiki Histevarz icması) anadan olmuşdur.

1982-ci ildə Tacikistan Kənd Təsərrüfatı İnstitutunu (indiki Tacikistan Aqrar Universiteti) hidravlik mühəndisliyi ixtisası üzrə bitirmişdir. Əmək fəaliyyətinə Kuder şəhərində, "Tacikirsovxozstroy" dərnəyinin inşaat laboratoriyasının texniki-nəzarətçisi kimi başlamışdır. Daha sonra Qafurov rayonunda istehsalat şöbəsinin mühəndisi, baş mühəndisi, PMK-4 rəisi, "Tacirsovxozstroy" müəssisəsinin rəisi vəzifələrində çalışmışdır.

2000-ci ilin yanvarından 2006-cı ilin dekabrına qədər Tacikistan Respublikasının meliorasiya və su təsərrüfatı naziri olmuşdur.

2008-ci ildə Rusiya Federasiyası Prezidenti yanında Dövlət İdarəçilik Akademiyasını bitirmiş, Texniki elmlər namizədi elmi dərəcəsinə layiq görülmüşdür[3].

Tacikistan Prezidentinin 2 dekabr 2006-cı il tarixli sərəncamı ilə Suğd vilayətinin icra hakimiyyəti başçısı vəzifəsinə təyin olunmuş, 27 fevral 2007-ci ildən 23 noyabr 2013-cü ilə qədər bu vəzifədə çalışmışdır.

2007-ci ilin may ayında adını Əbdülqahir Əbdürəsul oğlu Nəzirovdan Qahir Rəsulzadəyə dəyişdirmişdir[4][5].

2007-ci ilin dekabrında və ikinci dəfə 2010-cu ilin aprelində Tacikistan Ali Məclisinin (Məclisi Oli) Milli Şurasının (Məclisi Milli) sədrinin birinci müavini seçilmişdir.

2012-ci ildə Suğd vilayətinin rəhbəri olaraq, SSRİ və Tacikistanın xalq artisti Jurabek Murodova Xucənd şəhərinin mərkəzində iki otaqlı mənzil hədiyyə edərək, sənətçini 70 illik yubileyi münasibətilə təbrik etmişdir.

2013-cü il 23 noyabr tarixində Qahir Rəsulzadə Tacikistanın Baş naziri olaraq Okil Okilovu əvəz etmişdir. Ukraynanın o dövrkü baş naziri Mikola Azarov bu münasibətlə onu təbrik etmişdir[6].

İstinadlar

[redaktə | vikimətni redaktə et]
  1. ↑ "Расулзода (Назиров) Кохир (Абдукохир Абдурасулович)". ЦентрАзия. 24 sentyabr 2015 tarixində arxivləşdirilib. İstifadə tarixi: 24 noyabr 2013.
  2. ↑ "Премьер-министром Таджикистана назначен экс-глава Согдийской области Кохир Расулзода". ТАСС. 23 noyabr 2013. 2 mart 2020 tarixində arxivləşdirilib. İstifadə tarixi: 2 mart 2020.
  3. ↑ "Николай Азаров направил поздравление Премьер-министру Республики Таджикистан Кохиру Расулзода // Правительственный портал Украины". 28 noyabr 2018 tarixində arxivləşdirilib. İstifadə tarixi: 28 iyul 2021.
  4. ↑ "Премьером Таджикистана назначен Кохир Расулзада // Вести.Ру". 23 noyabr 2013 tarixində arxivləşdirilib. İstifadə tarixi: 28 iyul 2021.
  5. ↑ "Указ Президента Республики Таджикистан «О назначении Кохира Расулзода Премьер-министром Республики Таджикистан» // сайт Президента Таджикистана". 11 noyabr 2017 tarixində arxivləşdirilib. İstifadə tarixi: 28 iyul 2021.
  6. ↑ "Кохир Расулзода подарил квартиру Народному артисту СССР и Таджикистана Джурабеку Муродову // Независимое мнение". 3 dekabr 2013 tarixində arxivləşdirilib. İstifadə tarixi: 28 iyul 2021.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Qahir_Rəsulzadə&oldid=8785469"