Qalib Qurbanov

Qalib Qurbanov
Qalib Qurbanov
Zaqatala Rayon İcra Hakimiyyətinin başçısı
	1991 – 19 may 1992
Əvvəlki	Vəzifə təsis olundu.
Sonrakı	İbadulla Qurbanov
Zaqatala Rayon Sovetinin sədri
	1991 – 1991
Əvvəlki	Vəzifə yaradıldı.
Sonrakı	Vəzifə ləğv olundu.
Azərbaycan Kommunist Partiyası Zaqatala Rayon Komitəsinin birinci katibi
	1990 – 1991
Sonrakı	Vəzifə ləğv olundu.
Şəxsi məlumatlar
Doğum tarixi	1945 (80–81 yaş)
Təltifləri

Qalib İslam oğlu Qurbanov (1945) — Zaqatala Rayon İcra Hakimiyyətinin başçısı, Zaqatala Rayon Sovetinin sədri, Azərbaycan Kommunist Partiyası Zaqatala Rayon Komitəsinin birinci katibi.

Həyatı

Qurbanov Qalib Islam oğlu 1945-ci ildə anadan olub. 1952-ci ildə Zaqatala şəhəri 2 nömrəli orta məktəbə daxil olub və 1963-cü ildə oranı bitirib. Həmin il Azərbaycan Neft-Kimya İnstitutunun energetika fakultəsinə qəbul olunub və 1969-cu ildə institutu bitirərək mühəndis-elektromexanik ixtisası alıb. Əmək fəaliyyətini 1965-ci ildə başlayıb. Müvafiq olarak "AzərDənizNeftTikinti" Trestinin 3 nömrəli TQİ-də fəhlə, "VOTQEO" Ümümittifaq Elmi Tədqiqat İnstitutunda, Elmlər Akademiyası Aşqarlar Kimyası İnstitutunda, Azərbaycan Dəmir Yollarında, Ət və Süd Sənayesi Nazirliyi SMK-da müxtəlif texniki-mühəndis vəzifələrində işləyib. 1971–1972-ci illərdə hərbi xidmətdə olub.

1972–1979-cu illərdə "Azerenerji"nin enerjisatış idarəsində mühəndis-müfəttiş, qrup rəhbəri, "Dövlətenerjinazarət"in rəis müavini vəzifələrində işləyib.

Evlidir. İki övladı var.

Siyasi fəaliyyəti

Qalib Qurbanov 1979-cu ildən Azərbaycan Kommunist Partiyası Mərkəzi Komitəsinin sənaye-nəqliyyat və maşınqayirma şöbələrində təlimatçı, şöbə müdürünün müavini vəzifəsində işləyib. 1988-ci ildə Azərbaycan Kommunist Partiyası Yevlax Şəhər Komitəsinin 2-ci katibi seçilib.

Azərbaycan Kommunist Partiyasının XXXII Qurultayında Mərkəz Komitəsinin üzvü seçilib. 1990–1991-ci illərdə Azərbaycan Kommunist Partiyası Zaqatala Rayon Komitəsinin 1-ci katibi, 1991-ci ildə Zaqatala Rayon Sovetinin Sədri, 1991-ci ildən isə Zaqataıa Rayon İcra Hakimiyyətinin başcısı vəzifələrində işləyib. Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri İsa Qəmbərovun 19 may 1992-ci il tarixli fərmanı ilə vəzifəsindən azad edilmişdir.^[1]

Qalib Qurbanov 1990-cı ildə Azərbaycan SSR Ali Sovetinin XII çağırış deputatı seçilmişdir. 1992-ci ilin iyununda Azərbaycan Respublikası Milli Məclisinın üzvü seçilmişdir. Parlamentdə iqtisadiyyat komissiyasının sədr müavini olub.

İctimai fəaliyyəti

1997-ci ildən Rabitə Nazirliyinin (51%) təsisçiliyi ilə yaranmış "Azerin" MMC-nin təsisçilərindən biri, eyni zamanda baş direktorudur.^[2]

2000-ci ildən bu günədək Azərbaycan İnternet Cəmiyyətinin sədridir.^[3]^[4]

2013-ci ildən İnformasiya Texnologiyalarının İnkşafı Dövlət Fondunun Muşahidə Şurasının üzvüdür. 2015-ci ildən Rabitə və Yüksək Texnologiyaları Nazirliyinin "Yüksək Texnologiyalar Parkı"-nın Ekspertlər Şurasının üzvüdür.^[5]

Qalib Qurbanov 2021-ci ilin iyul ayında Nəqliyyat, Rabitə və Yüksək Texnologiyalar Nazirliyi yanında İctimai Şuraya üzv, daha sonra isə İctimai Şuranın sədr müavini seçilmişdir.^[6]

Mükafatları

21 aprel 1995-ci il tarixində Azərbaycan Respublikası Ali Sovetinin fəxri fərmanı ilə təltif olunmuşdur.

20 may 2015-ci il tarixində NETTY Milli İnternet Mükafatının qalibi elan olunub və İnformasiya texnologiyaların inkişafının zənginləşdirilməsi üzrə mükafatlandırılıb.^[7]^[8]

6 dekabr 2021-ci il tarixində Azərbaycan Respublikasının rabitə və informasiya texnologiyaları sahəsi işçilərinin təltif edilməsi haqqında Azərbaycan Respublikası Prezidentinin Sərəncamı ilə "Tərəqqi" medalı ilə təltif olunmuşdur.^[9]

İstinadlar

↑ http://www.e-qanun.az/framework/7241^{[ölü keçid]}
↑ "Arxivlənmiş surət". 7 dekabr 2021 tarixində arxivləşdirilib. İstifadə tarixi: 24 yanvar 2022.
↑ "Arxivlənmiş surət". 14 iyul 2021 tarixində arxivləşdirilib. İstifadə tarixi: 24 yanvar 2022.
↑ "Arxivlənmiş surət". 16 iyul 2021 tarixində arxivləşdirilib. İstifadə tarixi: 24 yanvar 2022.
↑ http://emag.iis.ru/arc/infosoc/emag.nsf/BPA/44535a3007d73089442581100044cc12^{[ölü keçid]}
↑ "Arxivlənmiş surət". 11 yanvar 2022 tarixində arxivləşdirilib. İstifadə tarixi: 24 yanvar 2022.
↑ "Azerin. NETTY Milli İnternet Mükafatının qalibi". 16 may 2025 tarixində arxivləşdirilib. İstifadə tarixi: 16 may 2025.
↑ "NETTY 2015-in qalibləri təyin olundu". 26 dekabr 2024 tarixində arxivləşdirilib. İstifadə tarixi: 16 may 2025.
↑ "Arxivlənmiş surət". 11 yanvar 2022 tarixində arxivləşdirilib. İstifadə tarixi: 24 yanvar 2022.

[1] ttp://www.e-qanun.az/framework/7241^{[ölü keçid]}

[2] "Arxivlənmiş surət". 7 dekabr 2021 tarixində arxivləşdirilib. İstifadə tarixi: 24 yanvar 2022.

[3] "Arxivlənmiş surət". 14 iyul 2021 tarixində arxivləşdirilib. İstifadə tarixi: 24 yanvar 2022.

[4] "Arxivlənmiş surət". 16 iyul 2021 tarixində arxivləşdirilib. İstifadə tarixi: 24 yanvar 2022.

[5] ttp://emag.iis.ru/arc/infosoc/emag.nsf/BPA/44535a3007d73089442581100044cc12^{[ölü keçid]}

[6] "Arxivlənmiş surət". 11 yanvar 2022 tarixində arxivləşdirilib. İstifadə tarixi: 24 yanvar 2022.

[7] "Azerin. NETTY Milli İnternet Mükafatının qalibi". 16 may 2025 tarixində arxivləşdirilib. İstifadə tarixi: 16 may 2025.

[8] "NETTY 2015-in qalibləri təyin olundu". 26 dekabr 2024 tarixində arxivləşdirilib. İstifadə tarixi: 16 may 2025.

[9] "Arxivlənmiş surət". 11 yanvar 2022 tarixində arxivləşdirilib. İstifadə tarixi: 24 yanvar 2022.

[1]

[2]

[3]

[4]

[5]

[6]

[7]

[8]

[9]