Qambit (komiks)

Vikipediya, açıq ensiklopediya
(Qambit (personaj) səhifəsindən istiqamətləndirilmişdir)
Jump to navigation Jump to search
Qambit
ing. Gambit
Newgambit.jpg
Nəşriyyat ABŞ Marvel Comics
Yayım tarixi Tam: "Əsrarəngiz İks-adamlar" #266 (avqust, 1990)
Kameo: "İllik Əsrarəngiz İks-adamlar" #14 (iyul, 1990)
Yaradıcı(lar) Kris Klermont
Cim Li
Maykıl Kollins
Xüsusiyyətlər
Əsl adı Remi Eten Lebo
Doğum yeri Flag of New Orleans, Louisiana.svg Nyu-Orlean, Flag of Louisiana.svg Luiziana, ABŞ ABŞ
Cinsiyyəti kişi
Boyu 188 sm[1]
Çəkisi 81 kq
Göz rəngi qara (qırmızı göz bəbəkləri ilə)
Saç rəngi qəhvəyi
Növü mutant
Vətəndaşlıq
Komiks bioqrafiyası
Kainat 616
Üzvlükləri X-Faktor
İks-adamlar
Maradorlar
Qiyamət süvarisi
Lebo klanı
Cin Qrey məktəbi
X-Treme Sanctions Executive
Oğrular Birliyi
Partnerləri Rouq
Ləqəbləri Ağ şeytan
Robert Lord
Ölüm
Gücləri Kinetik enerji kontrolu və manipulyasiyası
Statik generasiya

Qambit (ing. Gambit) — ABŞ-ın Marvel Comics nəşriyyatı tərəfindən yaradılan İks-adamlar personajı. Kris Klermont və Cim Li tərəfindən yaradılmış və ilk dəfə "Əsrarəngiz İks-adamlar"nin 266-cı sayında (avqust, 1990) görünmüşüdür.

IGN Qambiti "Bütün dövrlərin ən yaxşı komiks personajları" siyahısında 64-cü yerdə göstərmişdir.[2] 2013-cü ildə isə ComicsAlliance-nin "50 ən cazibədar kişi komiks personajı" siyahısında 4-cü yeri tutmuşdur.[3]

Nəşr olunma tarixi[redaktə | əsas redaktə]

Qambit ilk dəfə "Əsrarəngiz İks-adamlar" komiksinin 266-cı sayında (avqust, 1990) görünmüş və Mayk Kollins tərəfindən təsvir edilmişdir. Amma bundan əvvəl "İllik Əsrarəngiz İks-adamlar" komiksinin 14-cü sayında (iyul, 1990) kameo görüntüsü peyda olmuşdu. Qambit "Əsrarəngiz İks-adamlar" komiksində komandanın 281-ci sayda dağılmasına qədər bir çox dəfə yer almışdır. Bundan sonra Qambit İks-adamlar komandasına qoşulmuşdur. "X-treme İks-adamlar" komiksinin 5-ci buraxılışında da peyda olmuşdur.

"İks-adamlar" komiksinin 8-ci sayında (1992) Qambitin həyat hekayəsi açıqlanmışdır. 1999-cu ildə Qambitin adını daşıyan "Qambit" komiksi nəşr olunmuşdur.[4] "İks-adamlar" komiksinin 184-cü sayında (2006) "Ölüm" adı ilə peyda olmuşdur.

Bioqrafiya[redaktə | əsas redaktə]

"Əsrarəngiz İks-adamlar" #266 (avqust, 1990) — Qambitin göründüyü ilk komiks.

İlk illəri[redaktə | əsas redaktə]

Əsl adı Remi Eton Lebodur.[5] Luiziana ştatının Nyu-Orlean şəhərində anadan olur. Kiçik uşaqkən Oğrular Birliyi tərəfindən xəstəxanadan oğurlanır.

Oğrular Birliyi ilə Qatillər Birliyini birləşdirəcəyi rəvayət olunan uşaq olduğuna inanıldığından "Ağ şeytan" ləqəbi ilə tanınır. Onu Faqan klanının əmanətinə verirlər, burada oğurluğun sirlərinə yiyələnir və böyüyür. 10 yaşına qədər yetim qalan Qambit Oğrular Birliyinin patriarxı Cin-Luk Lebonun pul kisəsini oğurlamaq istəyərkən yaxalanır. Cin-Luk Lebo onu himayəsinə götürür, onu ailəsinə daxil edir.

Qambitin gücləri onun yeniyetmə dövründə özünü büruzə verir. Remi bunu dostlarından və ailəsindən gizlədir, gizlicə gücləri üzərində işləyir. 15 yaşında Qambit Oğrular Birliyinin qəbul etmə testini keçmək üçün xalaoğlusu Eten Marseo ilə birləşir. Onlar ölməz mutant Kandradan bir şey oğurlamaq üçün göndərilir, amma hər ikisi yaxalanır. Kandra Reminin daha sonra XIX əsrə edəcək zaman səyahətində onunla rastlaşdığını xatırlayır. Kandra onları eybəcər mutant qanqsteri və uşaq əlverçisi Donuza satır. Donuz onları əngər kimi HYDRA-ya satmaq istəyir. Remi güclərindən istifadə edərək Donuzun qəfəsindən qaçır, amma qaçarkən Donuz tərəfindən yenə yaxalanır. Qambit məşhur fəndindən istifadə edərək oyun kartlarını gücü vasitəsilə Donuzun sifətinə doğru atır və onun gözünü çıxarır. Remi dənizə tullanır və Oğrular Birliyi tərəfindən xilas edilir. Eten isə itkin düşür.

Daha sonra Remi əvvəlcə Mister Zalım kimi tanınan Natanial Esseksdən tərəfindən işə alınır. Natanial Esseks ondan Silah X layihəsinə aid olan gündəlikləri oğurlamasını istəyir. Remi və Oğrular birliyi bu təklifi qəbul edir. Soyuq havada Qambit Silah X bazasına daxil olur. Bu missiyadan sonra Qambit soyuğa davam gətirməyərək Nyu-Orleanda məşhur paltosunu oğurlayacaqdır. Bazada Qambit Şimal porsuğunun skeletinə adamantium elementinin daxil edilməsinə və onun qaçmasına şahid olur. Qambit sonda gündəlikləri tapır. Amma Qambit Esseksə tam güvənmir və gündəlikləri yandırır. Evə geri qayıdanda məyus olmuş Oğrular Birliyi və Esseks ilə qarşılaşır.[6]

Remi Qatillər Birliyi və Oğrular Birliyi arasındakı razılaşmaya görə 8 yaşında rastlaşdığı Qatillər Birliyinin liderinin nəvəsi Bella Donna Boudro ilə evlənir. Buna etiraz edən Bellanın qardaşı Culiyan Qambitə hücum edir. Qambit özünü müdafiə edərkən onu səhvən öldürür. Bu hadisədən sonra Qambit Oğrular Birliyi tərəfindən şəhərdən qovulur, Bella ilə evliliyi ləğv edilir.[7]

Mutant qətliamı[redaktə | əsas redaktə]

"Qambit" komiksi

Nyu-Orleandan qovulduqdan sonra Qambit bütün dünyanı gəzir, usta oğru olur, bir çox düşmən qazanır. Bu dövrdə Qambit özündə idarə edə bilməyəcəyi kinetik enerji kəşf edir. Buna görə kömək üçün Mister Zalımın yanına gedir. Mister Zalım ona kömək edir, onun gücünü azaldır, amma Qambitin idarə edə biləcəyi səviyyəyə gətirir.[8] Qambitin XIX əsrə etdiyi zaman səyahətində Mister Zalımın gənc versiyası tərəfindən yenə bütün gücləri qaytarılır.[9]

Qambit onun etdiyi yaxşılığın əvəzinə onun bir neçə tapşırığını yerinə yetirir. Onun tapşırığına görə Qambit Maradorlar adlı və muzdlu qəhrəmanlardan ibarət komanda yığır. Ona komandanı Nyu York tunellərində idarə etməsi tapşırılır. Qılıncdiş, Blokbastr, Prizma, Riptayd, Skalphanter, Elektrik qövsü, Qarpun, Qəzəb, Dırmaşan, Baş gicəllənmə bu komandanın üzvü olurlar. Komandanın əsas məqsədi yeraltı tunellərdə məskunlaşan Marlokları yox etməkdir. Amma Qambit komandanın üzvlərinin xeyli sayda Marlok tərəfindən öldürülməsinə mane ola bilmir. O ancaq daha sonra Merrou olacaq Sara adında qız uşağını xilas edə bilir.[10]

İks-adamlar[redaktə | əsas redaktə]

Bütün dünyanı gəzdikdən sonra Qambit Fırtına ilə qarşılaşır və ona Kölgə kralından qaçmağa kömək edir.[11] Bundan sonra Qambit İks-adamlar komandasına qoşulur.[12] Komandaya Genoşa ilə döyüşdə kömək edir.[13] Komanda yoldaşı Rouqa aşiq olur.

Digər mediada[redaktə | əsas redaktə]

Filmlər[redaktə | əsas redaktə]

Teylor Kitç "İks-adamlar: Başlanğıc. Şimal porsuğu" (2009) filmində Qambit rolunda.

2003-cü ildə çəkilən "İks-adamlar" seriyasının 2-ci filmi olan "X2" filmində Qambit görsənməsə də, Mistikin Uilyam Straykerin sistemini hak etdiyi səhnədə komputerin ekranında adı görsənmişdi.

2006-cı ildə çəkilən "İks-adamlar: Son müqavimət" filmində Qambit personajının çəkilməsi planlaşdırılmışdı. Əvvəlcə bu rol üçün Kianu Rivz düşünülsə də, daha sonra imtina edilmişdir. Coş Hollovey də bu rol üçün namizəd olsa da "Sağ qalmaq" teleserialına görə bu variant da baş tutmamışdır. Çanninq Tatum da rol üçün namizəd olmuşdur. Sonda Qambit personajı filmdə yer almamışdır.

Qambitin ilk dəfə ciddi rol aldığı film "İks-adamlar: Başlanğıc. Şimal porsuğu" filmi olmuşdur. Filmdə Qambit Şimal porsuğunun yanında dost kimi göstərilmişdir. Filmdə Qambiti Teylor Kitç canlandırmışdır.

2014-cü ilin 13 mayında 20th Century Fox 2016-ci ildə ayrıca "Qambit" filminin çəkiləcəyini açıqlamışdır. Qambit rolunu bu filmdə Çanninq Tatum oynayacaqdır.[14][15]

Televiziya[redaktə | əsas redaktə]

  • "İks-adamlar: Animated Series"
  • "İks-adamlar: Evolution"
  • "Wolverine and the İks-adamlar"

İstinadlar[redaktə | əsas redaktə]

  1. "Remy LeBeau (Earth-616)".
  2. "Gambit is number 65". IGN.
  3. Wheeler, Andrew "ComicsAlliance Presents The 50 Sexiest Male Characters in Comics". ComicsAlliance (14 fevral 2013).
  4. "Gambit. Marvel.com".
  5. David, Peter (w), Di Giandomenico, Carmine (a), X-Factor (vol. 4) #1. (2014). Marvel Comics.
  6. Weapon X: First Class #3. Marvel Comics.
  7. İks-adamlar Origins: Gambit #1. Marvel Comics.
  8. İks-adamlar Origins: Gambit #2. Marvel Comics
  9. Gambit Volume 3, #12-14. Marvel Comics
  10. Uncanny İks-adamlar #350. Marvel Comics
  11. Uncanny İks-adamlar #266. Marvel Comics
  12. Uncanny İks-adamlar Annual #14. Marvel Comics.
  13. Uncanny İks-adamlar #270-272. Marvel Comics
  14. "Lauren Shuler Donner confirms Channing Tatum Gambit casting". Total Films (May 13, 2014).
  15. http://time.com/3655713/gambit-movie-release-date/

Xarici keçidlər[redaktə | əsas redaktə]