Fırtına (Marvel Comics)

Vikipediya, açıq ensiklopediya
(Fırtına (personaj) səhifəsindən istiqamətləndirilmişdir)
Jump to navigation Jump to search
Fırtına
ing. Storm
Fırtına-komiks.png 2005-ci ildə çəkilmiş Fırtına təsviri[1]
Nəşriyyat Flag of the United States.svg Marvel Comics
Yayım tarixi "Böyük ölçülü İks-adamlar" #1 (may, 1975)
Yaradıcı(lar) Len Veyn
Deyv Kokrum
Xüsusiyyətlər
Əsl adı Ororo Munroe
Doğum yeri Manhetten, Nyu York, ABŞ
Cinsiyyəti qadın
Boyu 180 sm
Çəkisi 58 kq
Göz rəngi göy
ağ (güclərindən istifadə edərkən)
Saç rəngi
Növü mutant
Vətəndaşlıq
Təhsili kollec
Komiks bioqrafiyası
Üzvlükləri İks-adamlar
Qisasçılar[2]
Fantastik Dördlük
On ikilik
X-Treme İks-adamlar
Leydi Xilaskarlar
Morloklar
Cəhənnəm atəşi klubu
X-Treme Sanctions Executive
Partnerləri Qara pantera
Ləqəbləri Ororo İquadi T'Çala[3], İlahə, Element cadugəri, N'Dare şəhzadəsi
Gücləri havanı idarə etmək

Fırtına (ing. Storm) — Marvel Comics nəşriyyatı tərəfindən yaradılmış super qəhrəman personajı. İks-adamlarin ən tanınmış üzvlərindən biridir. 20th Century Fox tərəfindən çəkilən 5 İks-adamlar filminin 4-ündə yer almışdır. Len Veyn və Deyv Kokrum tərəfindən yaradılmış və ilk dəfə "Böyük ölçülü İks-adamlar"[4] komiksinin ilk sayında (may, 1975) görünmüşdür.

Bioqrafiya[redaktə | əsas redaktə]

"Böyük ölçülü İks-adamlar" komiksinin ilk sayı (may, 1975)

Əsl adı Ororo Munroedir.[5] Anası N'Dare Keniyadakı bir qəbilənin şahzadəsi, atası Deyvid Munroe ABŞ fotoqrafıdır. Onlar evləndikdən sonra Manhettendə yaşamağa başlayırlar. Ororo burada anadan olur. Amma ailəsi ilə çox vaxt keçirmir. Ororo 6 aylıq ikən ailə Misirin paytaxtı Qahirəyə köçür. 5 yaşında ikən Süveyş böhranında evlərinə düşən qırıcı təyyarənin partlaması nəticəsində Ororonun ata və anası həyatını itirir.

Kimsəsiz qalan Ororo uşaq ikən bir oğru dəstə başçısı olan Əhməd əl-Qibar tərəfindən tapılır və ona oğurluq etmək öyrədilir. Yaşadığı yerin ən yaxşı oğrularından birinə çevrilir. Uzun müddət Qahirədə yaşadıqdan sonra anasının vətəninə — Serenqeti ovalığına yola düşür. Saxara səhrasından keçərkən az qala öləcəkkən mutant gücləri ortaya çıxır və bunun sayəsində həyatda qalır. Bu hadisədən qısa müddət sonra evlənəcəyi və ölkəsinin kraliçası olacağı Qara pantera ilə tanış olur.[6]

Afrikada yaşadığı müddətdə yerli qəbilələr ona daim hörmət və qorxu ilə yanaşırlar. İsti iqlimə sahib Afrikada istənilən an yağış yağdıra bilən Ororonu ilahə kimi görürlər. Həm gözəlliyi, həm güclərinə görə bərəkətin simvolu olur, özünə Fırtına adını götürür, İks-adamlarin üzvü kimi Afrikadan ayrılana qədər ilahə kimi xatırlanır.

Bir gün Fırtına Professor X-dən telepatik mesaj alır. İks-adamlarə qatılmaq qərarına gəlir və komandanın ən sadiq üzvlərindən biri olur. Nyu Yorkun kanalizasiya sistemində yaşayan Morlokların lideri Kallistonu təkə-tək döyüşdə məğlub edir, Morlokların lideri olur, amma liderliyi Kallistoya qaytarır.

Strom İks-adamlar komandasının ən etibarlı üzvlərindən biridir. Çətin anlarda qərar alma bacarığı, xarizmatik şəxsiyyətə sahib olması onu Kiklopsdan sonra İks-adamlarin ikinci lideri etmişdir.

Gücləri[redaktə | əsas redaktə]

Fırtına omeqa səviyyəli mutantdır və omeqa səviyyəli mutantlar ən güclü mutantlar hesab olunurlar. Fırtınanın əsas mutant gücü havanı idarə etməsidir. İqlimi idarə edə bilir, yağış, qar, dolu yağıdırır, çən və duman yaradır, fırtınalara səbəb olur. Havanın temperaturuna nəzarət edə və ildırım çaxdıra bilir. Zəif də olsa telepatik bacarığı vardır. Hava axını ilə cisimləri hərəkət etdirə və özü uça bilir. Suyun içində özü üçün lazımı qədər oksigen yaradıb nəfəs alır. Güclərindən istifadə edərkən gözləri rəngdə olur. Bundan başqa əla döyüşçü və oğrudur.

Maraqlı faktlar[redaktə | əsas redaktə]

  • Uşaq yaşlarında itirdiyi anası ilə birlikdə dağıntılar altında qalması üzündən Fırtınada qapalı yerlərdən qorxmaq fobiyası — klaustrofobiya yaranmışdır.
  • Fırtınanın Vakanda kralı Qara panter ilə olan evliliyi "Qisasçılar vs. İks-adamlar" adlı komiks seriyasında bitmişdir. Bu seriyada Qara panter Fırtınaya evliliklərinin Vakanda baş rahibi tərəfindən bitirildiyini bildirir. Vakandanın baş rahibi isə elə Qara panterdir.
  • Fırtına mutant irqinin gələcəyi üçün İks-adamlarin üzvü Kiklops ilə döyüşməyə məcbur olmuşdur və güclərindən istifadə etmədən ona qalib gəlmişdir.
  • Loki bir dəfə Fırtınaya yeni İldırım ilahəsi olmağı təklif etmişdir və hətta ona "Stormkaster" adlı çəkic vermişdir. Amma bunun Lokinin hiyləsi olduğunu görən Ororo təklifi rədd etmişdir.
  • Qara panterdən başqa Dəmirçi və Porsuqla münasibətlər yaşamışdır.

Digər mediada[redaktə | əsas redaktə]

Filmlər[redaktə | əsas redaktə]

Fırtına indiyə qədər 20th Century Fox tərəfindən çəkilmiş 4 İks-adamlar filmində yer almışdır: "İks-adamlar" (2000), "X2" (2004), "İks-adamlar: Son Dirəniş" (2006), "İks-adamlar: Gələcəyin keçmiş günləri" (2014). Bütün bu filmlərdə Fırtına rolunda Helli Berri çıxış etmişdir.[7] Lakin 2016-cı ildə tamamlanacaq "İks-adamlar: Apokalipsis" filmində Fırtına rolunu Aleksandra Şipp oynayacaqdır.

Televiziya[redaktə | əsas redaktə]

Helli Berri "İks-adamlar: Son dirəniş" (2006) filmində Fırtına rolunda.
  • "Porsuq və İks-adamlar"
  • "Hörümçək-adam və onun heyranedici dostları"
  • "İks-adamlar"
  • "İks-adamlar: Təkamül"
  • "Marvel super qəhrəman heyəti"
  • "Qara panter"
  • "Marvel anime"
  • "İks-adamlar: İks-adamlar praydı"[8]
  • "Hörümçək-adam: Anime edilmiş seriyalar"
  • "Növbəti Qisasçılar: Sabahın qəhrəmanları"
  • "Marvel Disk müharibələri: Qisasçılar"
  • "Mükəmməl Hörümçək-adam"

Video oyunlar[redaktə | əsas redaktə]

  • "X-Men"
  • "Spider-Man/X-Men: Arcade's Revenge"
  • "X-Men: Children of the Atom"
  • "X-Men vs. Street Fighter"
  • "Marvel vs. Capcom"
  • "Marvel vs. Capcom 2: New Age of Heroes"
  • "X-Men: The Ravages of Apocalypse"[9]
  • "X-Men: Mutant Academy"
  • "X-Men: Mutant Academy 2"
  • "X-Men: Next Dimension"
  • "X-Men Legends"
  • "X-Men Legends II: Rise of Apocalypse"
  • "Marvel Nemesis: Rise of the Imperfects"
  • "X-Men: The Official"
  • "Marvel: Ultimate Alliance"
  • "The Amazing Spider-Man 2"
  • "Spider-Man: Web of Shadows"
  • "Marvel: Ultimate Alliance 2"
  • "Marvel Super Hero Squad"
  • "LittleBigPlanet"[10]
  • "Marvel vs. Capcom 3: Fate of Two Worlds"
  • "Ultimate Marvel vs. Capcom 3"
  • "Marvel Super Hero Squad Online"
  • "Marvel: Avengers Alliance"
  • "Marvel Avengers: Battle for Earth"[11]
  • "MMORPG Marvel Heroes"
  • "Lego Marvel Super Heroes"

İstinadlar[redaktə | əsas redaktə]

  1. İks-adamlar: Phoenix - Endsong #3, Marvel Comics, April 2005.
  2. Avengers vol. 4 #19
  3. Astonishing İks-adamlar #25
  4. Giant Size İks-adamlar #1, 1975
  5. İks-adamlar: Worlds Apart #1 by Christopher Yost, October 2008.
  6. Storm (vol. 2) #1-6 miniseries, Apr-Nov 2006
  7. "İks-adamlar: Days of Future Past suit".
  8. "İks-adamlar: Pryde of İks-adamlar".
  9. "Marvel Video Game Hub".
  10. "Little Big Planet".
  11. "Comicssallience".

Xarici keçidlər[redaktə | əsas redaktə]