Qaralama:Əvəz Əlibəyov
![]() | Bu səhifədə iş davam etməkdədir. |
Əvəz Əlibəyov | |
---|---|
Əvəz Mahmud oğlu Əlibəyov | |
Şəxsi məlumatlar | |
Doğum tarixi | |
Doğum yeri | Merdinli, Yelizavetpol quberniyası, Rusiya imperiyası |
Vəfat tarixi | (83 yaşında) |
Vəfat yeri | Merdinli, Füzuli rayonu, Azərbaycan SSR |
Vətəndaşlığı |
![]() ![]() ![]() |
Milliyyəti | azərbaycanlı |
Hərbi fəaliyyəti | |
Rütbəsi | mayor |
Vəzifəsi | eskadron, polk və briqada komandiri |
Döyüşlər |
Birinci dünya müharibəsi Rusiyada vətəndaş müharibəsi Böyük Vətən Müharibəsi |
Təltifləri |
Əlibəyov Əvəz Mahmud oğlu — Birinci Dünya müharibəsi, Rusiya Vətəndaş müharibəsi və Böyük Vətən müharibəsi iştirakçısı.[1]
Həyatı
[redaktə | mənbəni redaktə et]Əvəz Əlibəyov 1895-ci ildə Cəbrayıl qəzasının Merdinli obasında anadan olub.[1]
1914–1917-ci illərdə Çar ordusu sıralarına səfərbər olunmuş, bu müddətdə podporuçik rütbəsinə yüksəlmişdir. Birinci Dünya müharibəsində müsəlmanlardan ibarət "Vəhşi diviziya"nın (rus. Дикая дивизия) tərkibində Avstriya cəbhəsində döyüşlərdə fərqlənmişdir. Rusiyada vətəndaş müharibəsi zamanı Birinci Süvari orduda eskadron, polk, briqada komandiri olmuş, Rostov, Kuban, Saritsın və Şimali Qafqazın əks-inqilabi qüvvələrdən təmizlənməsində iştirak etmişdir.
1918-ci ildə könüllü olaraq Qırmızı Ordu sıralarına qoşulmuşdur.
1926-cı ildən Sovet İttifaqı Kommunist Partiyasının üzvü olmuşdur. 1923–1927-ci illərdə Azərbaycanın və Dağıstanın milis orqanlarında, 1928–1940-cı illərdə partiya, sovet və təsərrüfat orqanlarında çalışmışdır.
Böyük Vətən müharibəsində 1941-ci ilin avqustundan 1942-ci ilin iyun ayının 1-dək Birinci Süvari Ordunun 4-cü eskadron, 142-ci süvari alayı, 34-cü süvari diviziyasının komandiri olmuşdur.[2][3] O, Qafqaz, Kuban və Ukraynada gedən döyüşlərdə iştirak etmiş, 1942-ci ilin 17 mayında Xarkov vilayətinin Barvenkovski rayonunun Qusarovka və Veselovka kəndləri yaxınlığındakı döyüşdə sol qolundan mərmi yarası almışdır.[2] İki il sonra isə 1944-cü ildə Polşa uğrundakı vuruşmalarda ağır yaralanmışdır. 1944–1945-ci illərdə Qaryagin rayonunun (indiki Füzuli rayonu) hərbi komissarlığında 2 saylı hərbi hissənin rəisi kimi, 1946-cı ildən isə müxtəlif sovet və təsərrüfat vəzifələrində çalışmışdır.[4]
Əvəz Əlibəyov 1978-ci ildə doğma kəndində vəfat etmişdir.[2]
Mükafatları
[redaktə | mənbəni redaktə et]Ə.Əlibəyov 1961-ci ildən respublika əhəmiyyətli fərdi pensiyaçı idi. "Lenin" ordeni və 3 dəfə (II, III, IV dərəcəli) Georgi medalları ilə təltif olunmuşdur.[2] O, həmçinin Birinci Dünya müharibəsindəki xidmətlərinə görə 4 dəfə (II, III, IV dərəcəli) Georgi xaçı ordeni almışdır.[4][5]
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ 1 2 "БОЙЦЫ И КОМАНДИРЫ — А-Г". Саваш — Военно-исторический сайт.
- ↑ 1 2 3 4 Минаев, Дмитрий Николаевич. Георгиевские кавалеры против Третьего Рейха и его союзников (С С С Р). В вооружённых силах А - Г // Журнал "Самиздат" (rus). 01-01-2019.
- ↑ "Герои СССР". КСАМ: Азербайджанская диаспора РФ. 04-26-2006.
- ↑ 1 2 Әлибәјов Әлибәј Гулубәј оғлу // Азәрбајҹан Совет Енсиклопедијасы: [10 ҹилддә]. IV ҹилд: Елдәҝәз—Итабира. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1980. С. 168.
- ↑ Ҝеорҝи хачы // Азәрбајҹан Совет Енсиклопедијасы: [10 ҹилддә]. VI ҹилд: Куба—Мисир. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1982. С. 69.
Kateqoriya:Azərbaycan hərbçiləri Kateqoriya:Azərbaycanlı hərbçilər Kateqoriya:Birinci Dünya müharibəsi iştirakçıları Kateqoriya:Füzuli rayonunda doğulanlar Kateqoriya:Füzulidə vəfat edənlər Kateqoriya:Böyük Vətən müharibəsi iştirakçıları