Qoşqar Sarıyev

Vikipediya, açıq ensiklopediya
Jump to navigation Jump to search
Qoşqar Sarıyev
Ümumi məlumatlar
Doğum yeri
Vəfat yeri

Qoşqar Sarıyev (tam adı: Sarıyev Qoşqar Nadim oğlu; d. 1980 – ö. 30 may 2017, Qazax, Azərbaycan) — Azərbaycanlı futbolçu, karyerası boyu yalnız "Göyəzən"də çıxış etmiş, bu komandanın kapitanı olmuşdur[1].

Karyerası[redaktə | əsas redaktə]

Qoşqar Sarıyev uzun illər "Göyəzən" futbol klubunda çıxış etmiş və komandanın kapitanı olmuşdur[1]. Uzun illər bu komandanın heyətində I divizionla yanaşı, Premyer Liqa yarışlarında da oynamışdır[2]. Hətta bir dəfə "Qəbələ"yə baxışa çağırmış; amma getməmiş, komandasına sadiq qalmışdır[2].

Səhhəti ilə əlaqədar futbolu tərk etmişdir[1].

Həyatının son illəri[redaktə | əsas redaktə]

Futbolu tərk edəndən sonra yaşadığı Qazax rayonunun Xanlıqlar kəndində mağazada satıcılıq etmiş; doğma kəndində qablaşdırılan bulaq sularının satışı ilə məşğul olan mağazada işləmişdir[1].

Vəfatı[redaktə | əsas redaktə]

Qoşqar Sarıyev 30 may 2017-ci ildə – 37 yaşında ikən vəfat etmişdir[1]. Belə ki, ürək xəstəliyindən əziyyət çəkən Sarıyevin səhhəti mayın 30-da kəskin pisləşmiş; o, Qazax Müalicə Diaqnostika Mərkəzinə aparılarkən yolda dünyasını dəyişmişdir[3].

Ailəsi[redaktə | əsas redaktə]

Ailəli olub, 2 övladı var. Onun həyat yoldaşı tibb bacısı işləyir[1].

İstinadlar[redaktə | əsas redaktə]