Qodesiya

Qodesiya
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Malvids Dəstə: Mərsinçiçəklilər Fəsilə: Yağıotukimilər ???: Qodesiya
Beynəlxalq elmi adı
Clarkia amoena A.Nelson & J.F.Macbr., 1918
Şəkil axtarışı ITIS   27572 NCBI   76120 EOL   585540

Qodesiya — yaşıllaşdırmada açıq və örtülü şəraitdə əkilir.

Haqqında

Bitki əksər hallarda qələmlə çoxaldılır. Qələmlər torpaqda tez kök atır. Bitkinin budaqlı olması və yaxşı çiçəkləməsi üçün təpə tumurcuğunu qopartmaq lazımdır. Bitkiyə yabanı halda Şimali Amerikanın qərb və cənub hissələrində rast gəlmək olar. Bu bitkinin adını isveçrəli botanik C.X.Qode vermişdir. Gülçülükdə 2 növündən istifadə edilir. İrigüllü qodesiyanın (Q.qrandiflora)-çoxsaylı iri çiçəkləri zoğların uclarında salxımçiçək qrupuna toplanmışdır. Bitkinin bir neçə qrupu vardır. Onlardan ən qiymətlisi çoxləçəkli gülləri olan Azaliya qrupudur. Kaliforniyada yabanı halda bitən gözəl qodesiya (Q.amoena) növü hazırda yaşıllaşdırmada az istifadə olunur. Bu bitkinin sortları və formaları çoxluq təşkil edir. Gözəl qodesiyanın hündürlüyü 60 sm-ə çatır, yarpaqları isə növbəli lansetə oxşardır, çiçəkləri kasaşəkilli, sadə və çoxləçəkli ola bilər. Əgər qodesiyanın toxumları bir-birindən 10 sm aralı məsafədə əkilsə, bitkilər hündür, azsaylı, iri güllü və budaqlı olacaqdır. Bitkilərdən dəstə bağlamaq olar.

Məlumat mənbəsi

1. Tofiq Məmmədov (botanik) "Gülçülük ensiklopediyası": Bakı: "Azərbaycan"-2016. http://dendrologiya.az/?page_id=112 Arxivləşdirilib 2019-11-17 at the Wayback Machine