Qonşum Totoro

Qonşum Totoro
Yapon poster
Anime
Rejissor	Hayao Miyazaki
Ssenarist	Hayao Miyazaki
Bəstəkar	Co Hisayşi
Studiya	Studio Ghibli
Vaxt	88 dəqiqə

Qonşum Totoro (となりのトトロ Tonari no Totoro) - Hayao Miyazakinin 1988-ci ildə yaratdığı tammetrajlı animasiya filmi.

Məzmun

Film doqquz yaşlı Satsuki və beş yaşlı Meyın meşənin gözətçisi ruh Totoro ilə gorüşdən bəhs edir. Ailə kəndə köçəndən sonra qızlar yaşadığı evdə susuvatari ruhları ilə qarşılaşırlar. Kiçik Mey evdə tək olarkən meşənin yanında kiçik bir ruh görür.. Kiçik ruh onu böyuk ruhun, boyük ruh isə nəhəng Totoronun yanına gətirir. Ardınca Setsuki də avtobus dayancağında atasını gözləyərkən Totoro ilə tanış olur.

Totoro onlara bambuk yarpaqlarına bükülmüş tumlar verir, qızlar tumları əkir, Totoro isə tumların boy artmağına kömək edir. Gələn gün xəstəxanadan xəbər gəlir, ki qızların anası gələcək bazar günü evə qayıda bilməyəcək. Əhvali-ruhiyyəsi pozulmuş Mey bacısından küsür və anasını axtarmağa gedir və yolda itir. Satsuki və qonşuları Meyın axtarışına düşür, lakin onu tapa bilmirlər. Satsuki Totorodan Meyı tapmağı xahiş edir. Nekobus Mey və Satsukini Sitikoku xəstəxanasına aparır və qızlar analarını görurlər.

Başqa əsərlərdə qeyd olunması

• Hayao Miyazakinin başqa animesi “Kikinin çatdırma xidmətində” atası yataqda oturan kadrda plüşdan hazırlanmış Totoronu görmək olar.
• “Ponyo” animesində Risa openinqdəki mahnını zümzümə edir. Həmçinin, soyuducunun üstündəki çoxsaylı maqnitlərin arasında Totoro da var
• Makoto Şinkayın “5 santimetr saniyəyə” animesində Nekobus formasında maqnit var.
• Pixar studiyasının Oyuncaqların hekayəsi 3 çizgi filmində Totoro yumşaq oyuncağı var

Ayrıca

• Totoronun adına Vyetnamdan olan peripatus var, Eoperipatus totoro Oliveira et al., 2013. O, Totoronun hərəkət etdiyi onurğasıza oxşayır. Həmçinin Totoronun adına asteroid var (10160 Totoro).