Qreta Saloume
| Qreta Saloume | |
|---|---|
| isl. Greta Salóme | |
 Qreta Saloume 2016-cı ildə | |
| Ümumi məlumatlar | |
| Doğum adı |
Qreta Saloume Stefansdottir isl. Greta Salóme Stefánsdóttir |
| Doğum tarixi | |
| Doğum yeri | Mosfedlsbayr, İslandiya |
| Vətəndaşlığı |
 İslandiya |
| Musiqiçi məlumatları | |
| Fəaliyyəti | müğənni, bəstəkar, skripkaçı |
| Fəaliyyət illəri | 2011-ci ildən |
| Janrlar | pop, soul, folk |
| Musiqi aləti | skripka |
| Albom şirkəti | Hands Up Music |
| Əlaqəsi | Younsi |
 Vikianbarda əlaqəli mediafayllar | |
Qreta Saloume Stefansdottir (isl. Greta Salóme Stefánsdóttir; d. 11 noyabr 1986, Mosfedlsbayr, İslandiya) — İslandiya müğənnisi, bəstəkarı və İslandiya simfonik orkestrının skripkaçısı. O, Younsi ilə duet şəklində ifa etdiyi "Never Forget" mahnısı ilə Azərbaycanın paytaxtı Bakıda keçirilən 2012 Avroviziya Mahnı Müsabiqəsində İslandiyanı təmsil etmiş və final mərhələsində İslandiyaya 20-ci yeri qazandırmışdır.[1] Saloume növbəti dəfə solo ifaçı olaraq İsveçin paytaxtı Stokholmda keçirilən 2016 Avroviziya Mahnı Müsabiqəsində ölkəsini "Hear Them Calling" mahnısı ilə təmsil etmiş, lakin yarımfinal mərhələsində məğlub olmuşdur.
Musiqi karyerası[redaktə | mənbəni redaktə et]
2012-ci ilin noyabr ayında Qreta Saloumenin In the Silence adlı debüt albomu işıq üzü görmüşdür. Albomda onun Avroviziya 2012 mahnısının ingilis və island dilində ("Mundu Eftir Mér") olan versiyaları da yer almışdır.
2016-cı ildə ifaçının "Raddirnar" mahnısı İslandiyanın Avroviziya 2016 üçün keçirdiyi milli seçim turunda iştirak edəcəyi təsdiqlənmişdir. Həmin mahnı ilə seçim turunun finalına vəsiqə qazanan Saloume finalda mahnının ingilis dilində olan versiyasını ("Hear Them Calling") ifa etmişdir. Nəticədə isə qalib gələrək, ikinci dəfə ölkəsini Avroviziyada təmsil etmək fürsətini qazanmışdır.[2] Avroviziyada Saloume 10 may tarixində baş tutan yarımfinal mərhələsində 16-cı nömrə altında çıxış etmişdir. Nəticədə 51 xalla 14-cü yerdə qərarlaşaraq, final mərhələsinə adlaya bilməmişdir. Hal-hazırda o, ikinci studiya albomunun üzərində işləyir.
Diskoqrafiya[redaktə | mənbəni redaktə et]
Albomlar[redaktə | mənbəni redaktə et]
| Albom adı | İl |
|---|---|
| In the Silence | 2012 |
Sinqllar[redaktə | mənbəni redaktə et]
| Mahnı adı | İl |
|---|---|
| "Never Forget" (Younsi ilə duet) |
2012 |
| "Fleyið" | 2015 |
| "Raddirnar" | 2016 |
| "Hear Them Calling" | |
| "Row" | |
| "Running Out of Time" | |
| "My Blues" | 2017 |
İstinadlar[redaktə | mənbəni redaktə et]
- ↑ "Victory for Gréta Salóme & Jónsi in Iceland". eurovision.tv. Avropa Yayım İttifaqı. 11 fevral 2012. 2016-06-20 tarixində arxivləşdirilib. İstifadə tarixi: 2016-05-07.
- ↑ "Greta Salome to represent Iceland again!". eurovision.tv. AYİ. 20 fevral 2016. 2016-02-21 tarixində arxivləşdirilib. İstifadə tarixi: 2016-05-07.
| Əvvəlki: Mariya Olafs "Unbroken" |
İslandiya Avroviziya Mahnı Müsabiqəsində  2016 |
Sonrakı: Svala "Paper" |