Qubanın ağ alması

Vikipediya, azad ensiklopediya
Jump to navigation Jump to search
“Qubanın ağ alması”

Mahnı

Dil Azərbaycan dili
Sözlərin müəllifi Xalq mahnısı

"Qubanın ağ alması"Azərbaycan xalq mahnısı. Mahnı məşhur müğənni Səxavət Məmmədov tərəfindən ifa olunduqdan sonra məşhurlaşmışdı.

Haqqında[redaktə | əsas redaktə]

Bu mahnı ilə bağlı da folklor araşdırıcıları arasında müxtəlif fikirlər mövcud[1] olsa da, əsas iki mövqe hakimdir:

  • Onların bir qisminin fikrincə "Qubanın ağ alması" misrasının heç də bu mahnının hansısa bir qubalı sənətkar tərəfindən deyilməsinə dəlalət etmir[1]. Hər hansı bir azərbaycanlı el sənətkarı da ağ almanın Qubaya xüsusi şöhrət gətirməsi baxımından çıxış edib, onu öz deyiminə qafiyə kimi tərəf müqabili seçə bilərdi.
  • İkinci fikirdə olanlar isə mahnının məhz Qubada dünyaya gəlməsi fikrinə tərəfdardırlar[1].

Bəzi tədqiqatçıların fikrincə "Qubanın ağ alması" ilk dəfə Azərbaycan müğənnisi Cahan Talışinskayanın ifasından yazılmış və ifa edilmişdir. Qeyd edilir ki, o, bu mahnını Qubaya etdiyi qastrol səfərində eşitmişdir. Başqa bir versiyaya görə isə Cahan xanıma "Qubanın ağ alması" mahnısını akademik Mustafa bəy Topçubaşovun həyat yoldaşı olan qubalı qızı Reyhan xanım oxumuşdur[2].

Sözləri[redaktə | əsas redaktə]

Qubanın ağ alması

I

Qubanın ağ alması,
Yeməyə var alması,
Yarım gələnə qalıb,
Yaramın sağalması.

II

Qubadan alma aldım,
Yarıma yola saldım.
Yarım gələnə kimi,
Heyva kimi saraldım.
Sevirəm, yar sevirəm.

Anonimlik iddiası[redaktə | əsas redaktə]

Türkiyədə keçirilən "O Səs Türkiyə" musiqi yarışmasının ikinci turunda iştirak edən Manolya Girişkenin ifasında "Iğdırın ağ alması" mahnısı səsləndirilmişdir. Sözləri türk dilinə uyğunlaşdırılmış mahnı ifadan əvvəl anonim kimi təqdim olunmuşdur[3]. Hadisə ilə bağlı bir sıra azərbaycanlı bəstəkar və sənətkarlar musiqinin anonim kimi təqdim olunmasına öz etirazını bildirmişdir[4].

İstinadlar[redaktə | əsas redaktə]

  1. 1 2 3 Maşallah Xudubəyli (2012). Nəğməli, muğamlı dünyam (PDF). Bakı: "Elm və təhsil".
  2. Cahan Talışınskaya xalq mahnılarının və muğamların gözəl ifaçısı idi. "Xalq Cəbhəsi", 16 mart 2012, səh. 13.  (azərb.)
  3. Manolya Girişken - Iğdır'ın Al Alması | O Ses Türkiye
  4. "O Səs Türkiyə"də "Qubanın ağ alması" qalmaqalı (VİDEO). istipress.com, 27.01.2017  (azərb.)

Həmçinin bax[redaktə | əsas redaktə]