Reyhan Topçubaşova

Vikipediya, açıq ensiklopediya
Jump to navigation Jump to search
Reyhan Topçubaşova
Reyhan İbrahim qızı Topçuboşova
Reyhan Topçubaşova.png
Doğum tarixi 15 dekabr 1905(1905-12-15)
Doğum yeri Quba, Rusiya İmperiyası Rusiya İmperiyası
Vəfat tarixi 5 mart 1970 (64 yaşında)
Vəfat yeri SSRİ SSRİ
Azərbaycan Azərbaycan SSR, Bakı
Vətəndaşlığı SSRİ SSRİ
Fəaliyyəti rəssam
Janrı Portret, məişət, mənzərə

Reyhan Topçubaşova — (tam adı: Topçubaşova Reyhan İbrahim qızı; 15 dekabr 1905, Quba, Rusiya İmperiyası - 5 mart 1970, Bakı, Azərbaycan SSR) — Azərbaycanın ilk qadın rəssamı[1]; Azərbaycan SSR-in əməkdar incəsənət xadimi (1943).[2]

Həyatı[redaktə | əsas redaktə]

Reyhan Topçubaşova 15 dekabr 1905-ci ildə Qubada anadan olmuşdur.

1931-1935-ci illərdə Azərbaycan Dövlət Rəssamlıq Texnikumunda oxumuşdur. 1941-1945-ci illərdə Azərbaycan Rəssamlar İttifaqı İdarə Heyətinin sədr müavini olmuşdur.

1943-cü ildən Azərbaycan SSR-in əməkdar incəsənət xadimi idi.

1923-cü ildə həkim Mustafa bəy Topçubaşovla ailə həyatı qurur. Bu evlilikdən 1924-cü ildə İbrahim adlı oğlu doğulur, 1927-ci ildə isə əkiz Zemfira və Elmira dünyaya gəlir. Reyhan xanım İbrahim Topçubaşovun anasıdır.

İbrahim atasının yolu ilə getdi, Azərbaycanın məşhur cərrahı oldu, 1970-ci ildə vəfat etdi. İbrahimin oğlu Ceyhun Topçubaşov da Azərbaycanın məşhur həkimlərindəndir, hazırda Mərkəzi Klinik Xəstəxanada çalışır.

Reyhan Topçubaşova 5 mart 1970-ci ildə Bakıda vəfat etmişdir.

Yaradıcılığı[redaktə | əsas redaktə]

“Toy” – (1936)

Əsərləri 1936-cı ildən respublika sərgilərində nümayiş etdirilmişdir.

Portret, məişət, mənzərə janrlarında işləmiş, eləcə də süjetli komposiziyalar və natürmortlar çəkmişdir. Mənzərələrində Abşeron təbiətinin təsviri əsas yer tutur. Mahnı və rəqs ansamblları üçün geyim eskizləri də hazırlamışdır.

Boyakarlığın portret (“M.Ə.Sabir”, “Q.Almaszadə” və s.), məişət (“Köhnə bazar”, “Toy”, “Küçə” və s.) və mənzərə (“Qız qalası”, “Dəniz”, “Mərdəkanın görünüşü”, “Gecə vaxtı dənizin mənzərəsi” və s.) janrlarında fəaliyyət göstərmiş, eləcə də süjetli kompozisiyalar və natürmortlar çəkmişdir. Mahnı və rəqs ansamblları üçün geyim eskizləri də işləmişdir.

İstinadlar[redaktə | əsas redaktə]

  1. Reyhan Topçubaşova kimdir?
  2. Топчубашова (азерб.) // Азербайджанская советская энциклопедия / Под ред. Дж. Кулиева. — Б.: Главная редакция Азербайджанской советской энциклопедии, 1986. — C. IX. — S. 317.