Quido Verbek

Vikipediya, azad ensiklopediya
Jump to navigation Jump to search
Quido Verbek
Guido Herman Fridolin Verbeck.jpg
Doğum tarixi 28 yanvar 1830(1830-01-28)
Doğum yeri
Vəfat tarixi 10 may 1898(1898-05-10) (68 yaşında)
Vəfat yeri
Vəfat səbəbi ürək tutması
Vətəndaşlığı
Fəaliyyəti maarifpərvər, missioner
Vikianbarın loqosu Vikianbarda əlaqəli mediafayllar

Quido Herman Fridolin Verbek (nid. Guido Herman Fridolin Verbeck; 28 yanvar 1830, Zeyst[d], Utrext10 may 1898, Tokio) – Yaponiyada fəaliyyət göstərmiş holland missioner. Meyci hökumətinin məsləhətçilərindən biri olmuşdur.

Həyatı[redaktə | mənbəni redaktə et]

Quido Verbek 1830-cu ildə Niderlandda doğulmuşdur.[1] O, 1859-cu ildə Holland Reformist Kilsəsi tərəfindən Yaponiyaya göndərilmişdir.[1] Yaponiyada dini fəaliyyətlər ilə yanaşı ingilis dili, sosial elmlər və Qərb texnologiyasını tədris etməklə məşğul olmuşdur.[1] İto Hirobumi, Okubo Toşimiçi, Okuma Şiqenobu, Soecima Taneomi kimi tələbələri Meyci hökumətinin əhəmiyyətli şəxsləri olmuşdur.[1] 1869-cu ildə Okumanın məsləhəti ilə Tokioya getmiş və müasir Tokio Universitetinin sələfi olan tədris müəssisəsində köməkçi başçı vəzifəsinə təyin olunmuşdur.[1] O, yeni hökumətin etibarlı məsləhətçilərindən biri olmuşdur.[1]

Verbekin məsləhətləri əsasında Yaponiyada prefektura sistemi qurulmuş (1871), Qərb dünyasına İvakura missiyası göndərilmiş (1871), təhsil haqqında qanun (1872) və hərbi xidmət haqqında sərəncam (1873) qəbul edilmişdir.[1] David Murreyin 1873-cü ildə Təhsil Nazirliyinin məsləhətçisi seçildikdən sonra Verbek hüquq məsləhətçisi və hüquq məcəllələrinin rəsmi tərcüməçisi kimi işləmişdir.[1] 1877-ci ildə hökuməti tərk etmiş və həyatının qalan hissəsini missionerliyə həsr etmişdir.[1]

Bibliyanın tərcüməsi[redaktə | mənbəni redaktə et]

Verbek Bibliyanın yapon dilinə tərcümə edilməsində iştirak etmişdir.[2] O, 1880-ci ildə Zəburu fərdi olaraq tərcümə etmişdir.[2] Verbek Bibliyanı tərcümə etmək üçün 1882-ci ildə yaradılmış komitənin üzvü olmuşdur.[2] Komitənin görüşləri Verbekin Tsukicidə yerləşən evində baş tutmuşdur.[2]

İstinadlar[redaktə | mənbəni redaktə et]

  1. 1 2 3 4 5 6 7 8 9 Kodansha Encyclopedia of Japan. səh. 189
  2. 1 2 3 4 Mullins, 2003. səh. 211

Ədəbiyyat[redaktə | mənbəni redaktə et]

  • Kodansha Encyclopedia of Japan (ingiliscə). VIII cild (Temp–Z). Tokio: Kodansha. 1983. səh. 189-190. ISBN 0-87011-628-2. İstifadə tarixi: 13 avqust 2022.
  • Mullins, Mark, Handbook of Christianity in Japan, Brill, 2003, ISBN 90-04-13156-6