Qum və dumandan ev (film, 2003)

Vikipediya, azad ensiklopediya
Naviqasiyaya keçin Axtarışa keçin
Qum və dumandan ev
ing. House of Sand and Fog
Janr dram
Rejissor Vadim Perelman
Prodüser Maykl London
Ssenari müəllifləri Vadim Perelman
Şon Lourens Otto
Baş rollarda Cenifer Konneli
Ben Kinqsli
Şöhrə Ağdaşlı
Operator Rocer Dikins
Bəstəkar Ceyms Horner
İstehsalçı DreamWorks
Distribütor DreamWorks, Netflix
İlk baxış tarixi 19 dekabr 2003[1], 17 fevral 2005[2]
Filmin növü bədii film
Müddət 126 dəqiqə
Büdcə 16 500 000 $
Gəlir 16 942 795 $
Ölkələr ABŞ ABŞ
Dillər ingilis dili
fars dili
İl 2003
Rəng rəngli
Çəkiliş yeri San-Fransisko, Kaliforniya, Malibu
IMDb ID0315983

Qum və dumandan ev (ing. House of Sand and Fog) — 2003-cü ildə çəkilmiş amerikalı rejissor Vadim Perelmanın debüt filmidir. Film dram janrındadır. Əsas rollarda Cennifer KonneliBen Kinqsli çəkilmişlər.

Məzmun[redaktə | mənbəni redaktə et]

Filmin süjet xəttini 2 insanın bir evə sahib durmaq uğrunda mübarizəsi təşkil edir. Bu kiçik bunqalo onların həyatında unudulmaz bir iz qoyur. Keti Nikolo (Cenifer Konneli) üçün bu ev atasından miras qalmış yeganə şeydir və narkotik aludəçiliyindən azad olduqdan sonra yenidən normal həyata qayıtmaq üçün yeganə şansdır. Lakin bürokratik səhv nəticəsində Ketini evdən çıxarırlar və ev auksionda İran əsilli Məsud Əli Behraniyə (Ben Kinqsli) ucuz qiymətə satılır. Onun üçün bu ev — bütün arzuların reallaşması deməkdir. Bu səbəbdən, o ailəsi ilə birlikdə İranı tərk edib, Amerikaya yollanmışdır. İranda Hərbi Hava Qüvvələrinin polkovniki olmuş Behrani İran inqilabından sonra oranı tərk etməyə məcbur olur. Amerikada böyük zəhmət bahasına topladığı pullara bu evi almaq qərarına gəlir. Hər iki tərəf fundamental məqsəd uğrunda mübarizə aparırlar. Bu bunqalo təkcə ev demək deyil — bu ev ailənin mövcud olduğu məkandır. O ailənin ki, Keti itirib, Behrani isə dağılmaqdan qorumağa çalışır. Hamı bilir ki, Ketinin evi haqsız yerə onun əlindən alınıb, lakin Behrani də günahsızdır — o yalnız ailəsini xoşbəxt və qayğısız görmək arzusundadır. Burada sadə hərəkət yoxdur, istənilən səhv addım böyük faciəyə səbəb ola bilər.

Qiymətləndirmə[redaktə | mənbəni redaktə et]

Film tamaşaçılar arasında populyarlıq qazanmasa da, kinokritiklər filmə yüksək qiymət vermişlər.Filmin real insan taleyini əks etdirməsi, dərin mənaya malik olması ona çoxlu sayda mükafatlara sahib olmağı təmin etmişdir.

  1. Freebase Data Dumps. Google.
  2. http://www.zelluloid.de/filme/index.php3?id=4498.