Qumarxana

Vikipediya, açıq ensiklopediya
Keçid et: naviqasiya, axtar

Qumarxana — Kütləvi şəkildə qumar oyunlarının təşkil edildiyi və ya keçirildiyi yerlərə verilən ümumi ad. Bir çox ölkələrdə qumarxanalara daxil olmaq üçün şəxslərdən yetkinlik yaşına çatmaları tələb olunur. Amerika Birləşmiş Ştatları başda olmaqla Almaniya, Çin, Fransa, İngiltərə, Kipr, İsveçrə, Avstraliya, İtaliyaMonakoda 18 yaşından aşağı şəxslər qumarxanalara bıraxılmır. Günümüzdə qumarxanaları ifadə etmək üçün daha müasir bir termin olan Kazino sözündən istifadə olunur. ABŞ-ın Nevada ştatında yerləşən Las-Veqas şəhəri və Avropada yerləşən Monako ümumdünya qumarxana paytaxlarından hesab olunur.

Qumarxanaların tarixi[redaktə | əsas redaktə]

ABŞ-ın Nevada ştatında Las-Veqas şəhərində yerləşən Mirage kazino-hotel kompleksi.

Qumarxanaların dəqiq tarixi məlum deyil. Tarixi mənbələrdə Qədim Çində bir çox mərc oyunlarının oynanıldığı məlumdur. Həmin oyunlar hələ eramızdan əvvəl 2.300-cü ildə təşkil edililirdi. Qədim YunanıstanQədim Romada da Qədim Çində olduğu kimi müxtəlif növ şans oyunları keçirilmişdir. İntibah dövrü Avropasından etibarən isə şans oyunları həvəskarlarının toplaşdığı ilk qumarxanalar meydana qəlməyə başladı. Tarixə məlum olan ilk qumarxana İtaliyanın Venesiya şəhərində 1638-ci ildə açılmışdır. Belə ki, hər il şəhərdə təşkil edilən karnavallar zamanı ölkənin müxtəlif yerlərindən gələn qumar həvəskarlarına nəzarət etmək üçün şəhərin mərkəzində ilk qumarxana fəaliyyətə başladı. Ridotto olaraq adlandırılan bu qumarxana 1770-ci ildən etibarən şəhərdə varlı və kübar insanların azalmasından sonra bağlanmışdır.

Şimali Amerikaya Avropadan kütləvi köçün başlamasından sonra Amerika qitəsində də ilkin qumarxanalar yaradılırdı. Salon olaraq adlandırlan bu tip yerlərdə kovboylar həm içki içir, həmdə qumar oynayırdılar. Vəhşi Qərb mədəniyyətinin ayrılmaz tərkib hissələrindən olan Salonlar sırf qumarxanalar kimi əyləncə mərkəzləri kimi fəaliyyət göstərirdi. ABŞ müstəqillik əldə etdikdən sonra ölkənin müxtəlif bölgələrində qumar mərkəzləri yaranmağa və formalaşmağa başladı. Nyu-Orlean, Çikaqo, Sent-LüisSan-Fransisko XIX əsr boyunca və XX əsrin ortalarına qədər Amerika qumar mərkəzləri hesab olunurdu. 1931-ci ildə Nevada ştatında qumar biznesi qanuniləşdirilir. Bununlada ABŞ ərazisində qumar biznesinin bir ştatın ərazisində cəmləmək hədəflənmişdir. 1978-ci ildə isə Nyu-Cersi ştatının Atlantik Siti şəhərində də qumarxanaların açılmasına rəsmən icazə verilir.

Həmçinin bax[redaktə | əsas redaktə]

İstinadlar[redaktə | əsas redaktə]


Vikianbarda Qumarxana ilə əlaqəli mediafayllar var.