Qurban Yusifzadə
| Qurban Yusifzadə | |
|---|---|
 | |
 .svg){kind=small} | |
| 29 yanvar 1970 – 4 iyun 1982 | |
| Əvvəlki | İmran Mirzəyev |
| Sonrakı | Elşad Quliyev |
| Şəxsi məlumatlar | |
| Doğum tarixi | 1913 |
| Doğum yeri | |
| Vəfat tarixi | 4 iyun 1982 |
| Dəfn yeri | |
| Partiya |
|
| Təhsili | |
| Fəaliyyəti | jurnalist, redaktor, pedaqoq |
| Elmi fəaliyyəti | |
| Elmi dərəcəsi |
|
| Elmi adı | |
|
|
|
| Təltifləri |
  |
Qurban Yusif oğlu Yusifzadə (1913, Naxçıvan – 4 iyun 1982) — Azərbaycan jurnalisti və dövlət xadimi, professor (1967), Azərbaycan SSR Dövlət Televiziya və Radio Verilişləri Komitəsinin sədri (1970–1982), Azərbaycan SSR Ali Sovetinin 8–10-cu çağırış deputatı.
Həyatı
[redaktə | mənbəni redaktə et]Qurban Yusif oğlu Yusifzadə 1913-cü ildə Naxçıvan şəhərində fəhlə ailəsində anadan olmuşdur. 1931-ci ildə Naxçıvan Pedaqoji Texnikumunu bitirdikdən sonra kənd məktəbində müəllimlik etmiş, jurnalistika ilə məşğul olmuş, 1932-ci ildə "Şərq qapısı" qəzetinin şöbə müdiri təyin edilmişdir.[1]
1941-ci ildə Azərbaycan Dövlət Universitetini bitirən Qurban Yusifzadə uşaq-gənclər nəşriyyatının direktoru, sonra isə baş redaktoru vəzifələrində işləmişdir. 1942–1944-cü illərdə o, SSRİ Xalq Müdafiə Komissarlığı hərbi nəşriyyatının Zaqafqaziya cəbhəsi yanında nəşriyyat redaktoru olmuşdur. 1947–1950-ci illərdə "Təbliğatçı", "Azərbaycan" jurnallarının məsul katibi, Azərbaycan Kommunist Partiyası Mərkəzi Komitəsinin təlimatçısı vəzifələrini tutmuşdur.[1]
1953-cü ildə Qurban Yusifzadə Sov.İKP MK yanında İctimai Elmlər Akademiyasını bitirərək fəlsəfə elmləri namizədi alimlik dərəcəsini almaq üçün dissertasiya müdafiə etmişdir. 1953–1954-cü illərdə isə Bakı Ali Partiya Məktəbində işləmiş, bir çox illər ərzində burada marksizm-leninizm fəlsəfəsi kafedrasına başçılıq etmişdir. 1967-ci ildə ona professor adı verilmişdir. Filosof alim və jurnalist kimi o, 60-dan artıq əsərin müəllifi olmuşdur. 1970-ci ildən ömrünün axırınadək Azərbaycan SSR Dövlət Televiziya və Radio Verilişləri Komitəsinin sədri vəzifəsində işləmişdir.[1]
Qurban Yusifzadə 1944-cü ildən Sov.İKP üzvü olmuş, Azərbaycan Kommunist Partiyası Mərkəzi Komitəsinin üzvü[2] və KP Təftiş Komissiyasının üzvü seçilmiş, Azərbaycan SSR Ali Sovetinin VIII, IX, X çağırış deputatı olmuşdur. "Qırmızı əmək bayrağı" və "Şərəf nişanı" ordenləri, eləcə də SSRİ medalları ilə təltif edilmişdir.[1]
Qurban Yusifzadə uzun sürət ağır xəstəlikdən sonra 4 iyun 1982-ci ildə vəfat etmişdir.[1] İyunun 7-də Fəxri Xiyabanda dəfn olunmuşdur.[3]
İstinadlar
[redaktə | mənbəni redaktə et]- ↑ 1 2 3 4 5 Гурбан Јусиф оғлу Јусифзадә // Коммунист. № 133 (18067). 6 ијун 1982-ҹи ил. С. 3.
- ↑ Јусифзадә Гурбан Јусиф оғлу // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 175.
- ↑ Г. Ј. Јусифзадәнин дәфни // Коммунист. № 134 (18068). 8 ијун 1982-ҹи ил. С. 2.
Xarici keçidlər
[redaktə | mənbəni redaktə et]- "AzTV-yə kimlər sədrlik edib... - Dövlət Televiziyasına gəlib-getmiş 12 RƏHBƏR". modern.az. 5 sentyabr 2019. 2022-06-13 tarixində arxivləşdirilib. İstifadə tarixi: 13 iyun 2022.
Həmçinin bax
[redaktə | mənbəni redaktə et]- 1913-cü ildə doğulanlar
- Naxçıvanda doğulanlar
- 4 iyunda vəfat edənlər
- 1982-ci ildə vəfat edənlər
- II Fəxri Xiyabanda dəfn olunanlar
- Sovet İttifaqı Kommunist Partiyasının üzvləri
- Bakı Dövlət Universitetinin məzunları
- Sov.İKP MK yanında İctimai Elmlər Akademiyasının məzunları
- Fəlsəfə elmləri namizədləri
- Professorlar
- SSRİ-nin "Qırmızı əmək bayrağı" ordeni ilə təltif edilənlər
- "Şərəf nişanı" ordeni ilə təltif edilənlər
- Əlifba sırasına görə vəzifəli şəxslər
- Azərbaycan Televiziyasının sədrləri
- Azərbaycan SSR Ali Sovetinin VIII çağırış deputatları
- Azərbaycan SSR Ali Sovetinin IX çağırış deputatları
- Azərbaycan SSR Ali Sovetinin X çağırış deputatları
- Azərbaycan Kommunist Partiyası Mərkəzi Komitəsinin üzvləri
- Azərbaycan Kommunist Partiyası Təftiş Komissiyasının üzvləri