Elşad Quliyev

Vikipediya, azad ensiklopediya
Jump to navigation Jump to search
Elşad Quliyev
Elşad Heybət oğlu Quliyev
Elşad Quliyev.png
Şəxsi məlumatlar
Doğum tarixi 23 yanvar 1941(1941-01-23)
Doğum yeri
Vəfat tarixi 27 may 2008(2008-05-27) (67 yaşında)
Vəfat yeri
Vəfat səbəbi şəkərli diabet
Partiya
Təltifləri "Azərbaycan SSR əməkdar incəsənət xadimi" fəxri adı — 1989
"Şərəf nişanı" ordeni "Qırmızı əmək bayrağı" ordeni

Elşad Quliyev (tam adı: Elşad Heybət oğlu Quliyev; 23 yanvar 1941, Astarxanbazar – 27 may 2008, Bakı) — professor, Əməkdar incəsənət xadimi (1989), Beynəlxalq Ekoenergetika Akademiyasının elmlər doktoru, Beynəlxalq Televiziya Akademiyasının həqiqi üzvü.[1][2][3]

Həyatı[redaktə | mənbəni redaktə et]

Elşad Quliyev 23 yanvar 1941-ci ildə Cəlilabad şəhərində anadan olub. ADU-nun Filologiya fakültəsini və Moskva İctimai Elmlər Akademiyasını bitirib. 3 il Lənkəranda müəllimlik edəndən sonra Azərbaycan Dövlət Televiziya və Radio Verilişləri Komitəsində işləyib. 1966-cı ildə dublyaj şöbəsində tərcüməçi, sonra isə televiziya proqramları baş redaktoru olub. 1972-ci ildə Televiziya Komitə sədrinin birinci müavini təyin edilib. 1983-cü ildən 1990-cı ilədək Azərbaycan Dövlət Televiziya və Radio Verilişləri Komitəsinin sədri vəzifəsində çalışıb.[1][2][3]

1992-ci ildə yenidən Azərbaycan Dövlət Teleradio Şirkətinə sədr təyin olunub. 1993-cü ildən 1994-cü ilə qədər Azərbaycanda ilk müstəqil televiziya kanalı olan BMTİ-nin baş direktoru işləyib. 1990–2008-ci illərdə həm də Bilik Maarifçilik Cəmiyyətinin sədri olub. Ayrı-ayrı illərdə kütləvi informasiya vasitələri sahəsində xidmətlərinə görə orden və medallarla təltif edilib.[1][3]

Azərbaycan SSR Əməkdar incəsənət xadimi (1989), tarix elmləri namizədi (1991), Beynəlxalq Ekoenergetika Akademiyasının elmlər doktoru, professoru, Beynəlxalq Televiziya Akademiyasının həqiqi üzvü olmuşdur.[2]

Telefilm Yaradıcılıq Birliyi tərəfindən Elşad Quliyevin həyat və yaradıcılığına həsr olunmuş "Ömrün teleformatı" adlı film çəkilmişdir. Həmçinin onun haqqında "Telefenomen Elşad Quliyev ilə 16 saat söhbət" adlı kitab işıq üzü görüb.[1][2]

Rejissor Cəmil Quliyevin atasıdır.

Kitabları[redaktə | mənbəni redaktə et]

  • "Telekamera və mikrofonla" (1985)
  • "Televiziya iki əsrin ayrıcında" (1993)
  • "Televiziya: nəzəriyyə, inkişaf meyilləri" (2004)[2][3]

Vəfatı[redaktə | mənbəni redaktə et]

Elşad Quliyev 27 may 2008-ci ildə ağır xəstəlikdən vəfat edib.[3]

Filmoqrafiya[redaktə | mənbəni redaktə et]

  1. Azərbaycan iri addımlarla addımlayır (film, 1979)
  2. Xuraman (film, 1978)
  3. Qızılı yamaclar (film, 1982)
  4. Muğanda bir kənd var (film, 1978)
  5. Nəbi Xəzri (film, 1987)
  6. Oxu, tar (film, 1989)
  7. Sovet Azərbaycanı (film, 1977)
  8. Şəki (film, 1977)[2]

Mükafatları[redaktə | mənbəni redaktə et]

Elşad Quliyev akademik Vavilov adına Beynəlxalq medala layiq görülmüşdü.[2]

İstinadlar[redaktə | mənbəni redaktə et]

  1. ↑ 1 2 3 4 Xatirə Qasım. "Elşad Quliyevsiz 1 il" (Azərbaycan). anl.az. 2021-06-22 tarixində arxivləşdirilib.
  2. ↑ 1 2 3 4 5 6 7 Aydın Kazımzadə. "Yaxşı əməllər, işıqlı düşüncələr sahibi" (Azərbaycan). anl.az. 22-6-2021 tarixində arxivləşdirilib.
  3. ↑ 1 2 3 4 5 Akif Cabbarlı. "O, teleradio məkanında bənzərsiz peşəkar idi" (Azərbaycan). anl.az. 22-6-2021 tarixində arxivləşdirilib.
Mənbə — "https://az.wikipedia.org/w/index.php?title=Elşad_Quliyev&oldid=6540392"