Qeysər Xəlilov

Qeysər Xəlilov
Azərbaycan Respublikası Nazirlər Kabineti yanında Tarix və Mədəniyyət Abidələrinin Mühafizəsi və Bərpası Komitəsinin sədri
aprel 1992 – 21 iyul 1992
Əvvəlki	vəzifə təsis edilib
Sonrakı	Fəxrəddin Miralayev
Azərbaycan Respublikası Dövlət Teleradio Verilişləri Şirkətinin sədri
12 mart 1991 – 12 sentyabr 1991
Əvvəlki	vəzifə təsis edilib
Sonrakı	Məmməd Murad
Azərbaycan SSR Dövlət Televiziya və Radio Verilişləri Komitəsinin sədri
1 fevral 1990 – 12 mart 1991
Əvvəlki	Elşad Quliyev
Sonrakı	vəzifə ləğv edilib
Şəxsi məlumatlar
Doğum tarixi	9 oktyabr 1929(1929-10-09)
Doğum yeri	Nuxa, Zaqatala-Nuxa dairəsi, Azərbaycan SSR, ZSFSR, SSRİ
Vəfat tarixi	7 aprel 2000(2000-04-07) (70 yaşında)
Vəfat yeri	Bakı, Azərbaycan
Dəfn yeri	Yasamal qəbiristanlığı
Partiya	Sovet İttifaqı Kommunist Partiyası (–1991)
Təhsili	Azərbaycan Dövlət Universiteti (1947–1951)
Elmi fəaliyyəti
Elmi dərəcəsi	fəlsəfə elmləri doktoru (1984)
Elmi adı	professor (1989)
Təltifləri

Qeysər Veysəl oğlu Xəlilov (9 oktyabr 1929, Nuxa, Zaqatala-Nuxa dairəsi – 7 aprel 2000, Bakı) — fəlsəfə elmləri doktoru (1984), professor (1989), Azərbaycan SSR əməkdar elm xadimi (1990), Azərbaycan Dövlət Televiziya və Radio Verilişləri Komitəsinin (Şirkətinin) sədri (1990–1991).

Həyatı

Qeysər Veysəl oğlu Xəlilov 1929-cu ildə Nuxada (hazırkı Şəki) sənətkar ailəsində anadan olmuşdur. Yeddiəppəklər nəslindəndir. 1936–1946-cı illərdə Nuxa şəhər 10 saylı orta məktəbdə təhsil aldıqdan sonra Azərbaycan Dövlət Universitetinin Hüquq fakültəsinə daxil olmuş və buranı 1951-ci ildə fərqlənmə diplomu ilə bitirmişdir. 1963-cü ilədək Azərbaycan radiosunda jurnalist, uşaq və gənclər şöbəsinin müdiri işləmiş, Azərbaycan SSR Nazirlər Soveti yanında Dövlət Radio və Televiziya Verilişləri Komitəsində partiya komitəsinin katibi seçilmişdir.

1963-cü ildə Qeysər Xəlilov Azərbaycan SSR "Bilik" cəmiyyəti sədrinin birinci müavini seçilmiş və 1990-cı ilədək bu vəzifədə çalışmışdır. 1990-cı il fevralın 1-də Azərbaycan SSR Dövlət Televiziya və Radio Verilişləri Komitəsinin sədri vəzifəsinə təyin edilmiş, elə həmin gün "Azərbaycan SSR əməkdar elm xadimi" fəxri adına layiq görülmüşdür. 1991-ci ilin mart ayında o, Azərbaycan Respublikası Dövlət Teleradio Verilişləri Şirkətinin sədri təyin edilmiş, 1991-ci ilin sentyabr ayından isə Azərbaycan Respublikası Prezidentinin müşaviri olmuşdur. 1992-ci ildə Azərbaycan Respublikası Nazirlər Kabineti yanında Tarix və Mədəniyyət Abidələrinin Mühafizəsi və Bərpası Komitəsinin sədri işləmidir. 1993-cü ildə təqaüdə çıxmışdır.

Qeysər Xəlilov 1961-ci ildə fəlsəfə elmləri namizədi, 1984-cü ildə fəlsəfə elmləri doktoru elmi dərəcələrini, 1989-cu ildə isə professor elmi adını adını almışdır. 40-dan artıq elmi əsərin, 10-a yaxın monoqrafiyanın müəllifi olmuşdur.

Qeysər Xəlilov 2000-ci ildə Bakı şəhərində vəfat etmişdir.