Rüstəm Arifcanov
| Rüstəm Arifcanov | |
|---|---|
| Arifcanov Rüstəm Mustafa oğlu | |
| Doğum adı | Rüstəm |
| Doğum tarixi | |
| Doğum yeri | Özbəkistan SSR |
| Vətəndaşlığı |
 SSRİ |
| Təhsili | Bakı Dövlət Universiteti |
| İxtisası | tarix |
| Fəaliyyəti | jurnalistika |
| Fəaliyyət illəri | 1985-indi |
| Əsərlərinin dili | azərbaycanca, rusca |
Rüstəm Arifcanov (Arifcanov Rüstəm Mustafa oğlu; d. 22 fevral 1958, Özbəkistan SSR) — Azərbaycan və Rusiya jurnalisti; "Al‑RTV" ilk ictimai müsəlman kanalının baş redaktoru (2012), Avrasiya Televiziya və Radio Akademiyasının vitse-prezidenti, Jurnalistlərin “Mediakratiya” Milli Assosiasiyasının Müşahidə Şurasının sədri, Şimali Qafqaz Federal Dairəsi İctimai Şurasının üzvü.
Həyatı[redaktə | mənbəni redaktə et]
Arifcanov Rüstəm Mustafa oğlu 1958-ci il fevralın 22-də Özbəkistanda anadan olub. 1980-ci ildə S.M.Kirov adına Azərbaycan Dövlət Universitetinin (indiki Bakı Dövlət Universiteti) tarix fakültəsini bitirib.[1]
1985-ci ildən R.Arifcanov “Komsomolskaya Pravda” qəzetinin Qərbi Sibir üzrə xüsusi müxbiri, 1988-ci ildən “Sobesednik” həftəlik qəzetinin şöbə redaktoru, redaksiya heyətinin üzvü olub. 1990-cı ildən “Meqapolis” jurnalında şöbə redaktoru, daha sonra “Meqapolis-Metro” qəzetinin baş redaktoru vəzifələrində çalışıb. 1993-cü ildə R.Arifcanov “İzvestiya” qəzetinin şərhçisi olub. 1989-cu ildə “Surqutskaya alternativa” siyasi birliyinin fəaliyyətində iştirak edib. 1996-1997-ci illərdə o, “Kommersant. İzdatelskiy dom” QSC-nin “Stolitsa” publisistik jurnalının şef-redaktoru, redaksiya heyətinin üzvü vəzifələrini daşıyıb.
1998-ci il fevralın 18-dən sentyabr ayına qədər R.Arifcanov “İzvestiya” qəzetinin baş redaktorunun müavini işləyib.
1998-ci ildə “Soverşenno sekretno” Nəşriyyat Evinə məxsus olan həftəlik “Soverşenno sekretno. Versiya” qəzetinin şef-redaktoru təyin edilib. 1999-cu ilin oktyabrında “Soverşenno sekretno”, “Versiya” qəzetlərini və “Litsa” jurnalını nəşr edən “Soverşenno sekretno informatsionno-izdatelskaya qruppa” QSC-nin baş redaktoru vəzifəsinə təyin edilib.
2002-ci ildə TVS telekanalında MDB ölkələrinin problemlərini işıqlandıran “Materik” proqramının aparıcısı olub. 2003-cü ildən “Agentura”da R.Arifcanovun köşə yazıları dərc edilir. 2004-cü ilin yazında, o, “Nasional” informasiya-nəşriyyat holdinqini yaradıb və “Nasional” jurnalının baş redaktoru olub.
2006-2007-ci illərdə R.Arifcanov “NTK Zvezda” ASC baş direktorunun birinci müavini və baş prodüser vəzifələrində çalışıb.
2012-ci ildən bu günədək “Al-RTV” ilk ictimai müsəlman kanalının baş redaktorudur. R.Arifcanov Avrasiya Televiziya və Radio Akademiyasının vitse-prezidenti, Jurnalistlərin “Mediakratiya” Milli Assosiasiyasının Müşahidə Şurasının sədri, Şimali Qafqaz Federal Dairəsi İctimai Şurasının üzvüdür.
Rusiya və Azərbaycanda nəşr edilən 10 publisistik kitabın müəllifidir.
İstinadlar[redaktə | mənbəni redaktə et]
- ↑ Bağıyeva, Mətanət. Xaricdə yaşayan azərbaycanlılar. Qısa bioqrafik məlumat kitabçası (PDF) (az.). Bakı: "Papirus NP". 2016. ISBN 978-9952-8299-1-4. 2017-10-21 tarixində arxivləşdirilib (PDF). İstifadə tarixi: 2017-10-21.