Rəşad İlyasov

Vikipediya, azad ensiklopediya
Jump to navigation Jump to search
RƏŞAD İLYASOV
Rəşad İlyasov.jpg
Sənətçi məlumatları
Doğum tarixi 1974
Doğum yeri Bakı
Peşəsi musiqiçi

Rəşad İlyasov — Azərbaycan musiqiçisi, Azərbaycanın əməkdar artisti (2018).

Həyatı[redaktə | əsas redaktə]

Rəşad İlyasov 1974-cü il noyabrın 1-də Bakı şəhərində ziyalı ailəsində anadan olub. 1981-ci ildən 20 nömrəli orta məktəbdə təhsil almağa başlayıb. Valideyinləri musiqiçi olmasa da (atası İlyasov Mirzə Rüstəm oğlu - mühəndis, anası Eyvazova Zərifə Alxas qızı Azərbaycan Dövlət Teleradio şirkətində jurnalist kimi çalışıblar), Rəşadda hələ uşaqlıqdan musiqiyə böyük həvəs olub. Belə bir həvəsin əsas səbəblərindən biri də Rəşadın gözünü açandan daima ətrafında sənətçiləri görməsi olub. Onun xalası - Şəfiqə Eyvazova Azərbaycanın xalq artisti, kaman ustası, dayısı Yasəf Eyvazov isə ud ifaçısıdır. Beləliklə Rəşad orta məktəbdə oxumaqla bərabər 16 nömrəli musiqi məktəbinin fortepiano sinfində təhsil almağa başlayıb. Lakin 1990-ci ildən gənc musiqiçi yeni seçim edir: o, kanon alətində ifa etməyə başlayır. Artıq 90-cı illərdən Rəşad Zeynəb Xanlarova, Nisə Qasımova kimi sənətçilərlə çalışmaşa başlayır. O, "Ümid" ansamblının üzvü olur. 1994-cü ildə "Çardaş" əsərini (Monti) kanonda ifa edib buna klip də çəkdirir. Daima yenilik etməyi xoşlayan Rəşad artıq solist kimi çalışmağa başlayır. Və 1997-ci ildə "Bakı-Raks" Birgə Müəssisəsi ilə "Anaram səni" albomunu hazırlayıb ərsəyə gətirir. Bu albomda o, nostalji mahnıları ifa edir. Azərbaycan Dövlət İncəsənət və Mədəniyyət Universitetinin Rejissorluq fakültəsini bitirən musiqiçi Azərbaycan Dövlət Teleradio Verilişləri Şirkətində rejissor kimi də fəaliyyət göstərir. 2001-ci ildə Rəşad ailə həyatı qurmuşdur. 2012-ci ildə "Mənə əllərini ver" adlı klip çəkdirmiş və onun təqdimat mərasiminin keçirmişdir. 2013-cü ildə Misirə qastrol səfərinə yollanmışdır. Qastrol zamanı "Nil" televiziyasında verilişlərin birində iştirak etmişdir.

27 may 2018-ci ildə Azərbaycanın əməkdar artisti fəxri adına layiq görülmüşdür.[1]

Filmoqrafiya[redaktə | əsas redaktə]

  1. Kişiləri qoruyun (film, 2006)
  2. 3 bacı (film, 2012-2014) (bədii serial) (rol: özü)

İstinadlar[redaktə | əsas redaktə]

Mənbə[redaktə | əsas redaktə]