Rəfail Tağızadə

Vikipediya, azad ensiklopediya
Jump to navigation Jump to search
Rəfail Tağızadə
Rəfail Alı oğlu Tağızadə
Rəfail Alı oğlu Tağızadə.png
Doğum tarixi (63 yaş)
Doğum yeri Sofulu, Ağdam rayonu
Vətəndaşlığı Azərbaycan Azərbaycan
Atası Alı Tağızadə
Milliyyəti azərbaycanlı
Təhsili Azərbaycan Politexnik İnstitutu (Texniki Uni.)
Fəaliyyəti şair
Mükafatları "Şah İsmayıl Xətai", "Rəsul Rza" mükafatı laureatı (2000)

Rəfail Tağızadə (azərb. Rəfail Alı oğluTağızadə‎; d. 11 fevral 1958-ci il, Ağdam rayonu, Sofulu kəndi) — şair, publisist, Yazıçılar Birliyinin üzvü, Rəsul Rza mükafatı (2006) və Ümid Partiyası Ali Məclisinin sədri. [1]

Həyatı[redaktə | əsas redaktə]

Rəfail Tağızadə 11 fevral 1958-ci ildə Ağdam rayonunun Sofulu kəndində anadan olub. 1964-1974-cü illərdə Ağdam rayonu Boyəhmədli kənd orta məktəbini bitirib. 1974-1979-cu illərdə Azərbaycan Politexnik İnstitutunun (indiki Texniki Universitetdə) Avtomatika və Hesablama Texnikası fakültəsində təhsil alıb.

Əmək fəaliyyəti[redaktə | əsas redaktə]

Rəfail Alı oğlu Tağızadə 11 fevral 1958-ci ildə Ağdam rayonunun Sofulu kəndində anadan olub. Ağdam rayonu Boyəhmədli kənd orta məktəbini bitirib. Azərbaycan Politexnik İnstitutunda (indiki Texniki Universitetdə) təhsil alıb. Müxtəlif vəzifələrdə çalışıb. Azərbaycan Milli Ordusunda döyüş bölgəsində zabit kimi xidmət edib. Ordu komandanlığı tərəfindən "Şah İsmayıl Xətai" və başqa Fəxri Fərmanlarla və qiymətli hədiyyələrlə təltif olunub.

"Qapı" (2004) və "Qarabağ rüzgarları" (2009), "Gecə xəyalları" (2013), “Su üzərində bahar (2019)” şeir kitablarının müəllifidir. Dünya şöhrətli alim Rafiq Əliyev haqqında “Su kimi sakit və güclü” (2019) kitabının tərtibçisi və redaktorudur. Dünyanın çağdaş avanqard şairlərinin, xüsusən çağdaş polyak şairlərinin şeirlərini Azərbaycan dilinə tərcümə edib. "Qəfil görüş" Çağdaş polyak şeir antologiyası kitabının həmmüəllifidir. Çağdaş polyak şairlərinin şeirlərini tərcümə edərək "Şairlər eyni dildə danışırlar" adlı şeir antologiyası kitabını hazırlayıb.

“Şopenin ürəyi” poemasına və dahi polyak bəstəkarı Şopenin 200 illik yubileyi ilə əlaqədar Şopenin Azərbaycanda təbliğinə görə Polşa Respublikasının Mədəniyyət və Milli İrs naziri tərəfindən Diploma layıq görülüb. Ədəbiyyat üzrə Nobel Mükafatçısı Çeslov Miloşun Polşada keçirilən 100 illik yubileyində Azərbaycanı təmsil edib. Şeirləri ingilis, alman, italyan, rus, polyak, ukrayna və özbək dillərinə tərcümə olunub. [2]

Mükafatları[redaktə | əsas redaktə]

  • Rəfail Tağızadə ordu komandanlığı tərəfindən "Şah İsmayıl Xətai" və başqa Fəxri Fərmanlarla təltif olunub. Həmçinin 2000-ci ildə Beynəlxalq "Rəsul Rza" mükafatı ilə təltif olunub.
  • Beynəlxalq "Rəsul Rza" mükafatına layiq görülüb (2006). (“Qarabağ qazisi haqqında ballada” poemasına görə).

Həmçinin bax[redaktə | əsas redaktə]

İstinadlar[redaktə | əsas redaktə]

  1. Teymur Əhmədov (2011). "Azərbaycan yazıçıları (XX-XXI yüzillikdə)". Bakı: "Nurlar" NPM. 1056. ISBN 978 9952 460 06 3.
  2. Azərbaycan Yazıçılar Birliyi

Xarici keçidlər[redaktə | əsas redaktə]