Rəfiqə Əzimova

Rəfiqə Əzimova
Doğum tarixi	17 iyul 1938(1938-07-17) (86 yaş)
Doğum yeri	Bakı, Azərbaycan SSR, SSRİ
Elm sahələri	Fəlsəfə, sosiologiya
Elmi dərəcəsi	Fəlsəfə üzrə elmlər doktoru
İş yerləri	AMEA Fəlsəfə və Hüquq İnstitutunun Sosiologiya və sosial psixologiya şöbəsinin müdiri
Təhsili	Ali
Tanınır	Əməkdar Elm Xadimi

Əzimova Rəfiqə Cəlil qızı (17 iyul 1938, Bakı) — tədqiqatçı alim, fəlsəfə araşdırmaçısı, sosioloq.

Elmi fəaliyyəti

1958-ci ildə Azərbaycan Dövlət Universitetinin "Tarix" fakültəsinə daxil olmuş və 1964-cü ildə tarixçi, tarix müəllimi və ictimaiyyətçi ixtisası üzrə bitirmişdir.

1967–1970-ci illərdə AMEA-nın Fəlsəfə və Hüquq İnstitutunun aspiranturasını bitirəndən sonra 1971-ci ildə namizədlik, 1989-cu ildə isə Moskva şəhərində doktorluq dissertasiyasını müdafiə etmişdir.

1971-ci ildən başlayaraq Fəlsəfə və Hüquq institutunda çalışmış, elmi işçidən baş elmi işçiyə qədər yüksəlmişdir.

2002-ci ildən "Sosiologiya" şöbəsinin müdiri seçilmiş və hazırda bu vəzifəni icra edir.

Əsas tədqiqat obyekti "Müasir cəmiyyətin sosioloji problemləridir".

Beynəlxalq, regional və ölkədaxili elmi konfranslarda məruzələrlə çıxış edir.

1999–2005-ci illərdə MDB ölkələrində "Regionumuzdakı yeni münaqişələrdən çıxış yolları" ilə bağlı regional konfranslarda iştirak etmişdir.

Elmi fəaliyyəti müddətində çoxlu sayda aspirant və dissertantın elmi rəhbəri olmuşdur. 7 monoqrafiya və 150-dən çox məqalə müəllifidir. Əsərləri Azərbaycanda, ABD-də, Almaniyada, Rusiyada, İranda dərc edilmişdir.

Dövlət xidməti

1995-ci ildə Azərbaycan Respublikasının yeni Konstitusiyasının hazırlanması üzrə Konstitusiya Komissiyasının üzvü olmuşdur.

1998-ci ildə BMT-nın 42-ci Sessiyasında Nyu-York şəhərində "Qadın və münaqişələr" mövzusunda Ekspert kimi məruzə ilə çıxış etmişdir.

BMT-nın Təhlükəsizlik Şurasının 1325 Sənədinin təbliği ilə bağlı UNİFEM səyi ilə yaranmış regional "1325 koalisiyasının" üzvüdür.

Təltifləri və fəxri adları

2003-cü il 2 iyul tarixli № 18/7–205 nömrəli Sərəncam ilə Gənc kadrların hazırlanmasında şəxsi səylərinə görə AMEA-nın Rəyasət Heyətinin fəxri fərmanı ilə təltif olunmuşdur.

2005-ci ildə Azərbaycan Respublikası Prezidentinin 2005-ci il 14 dekabr tarixli 1157 nömrəli Sərəncamı ilə Azərbaycan Respublikasının "Əməkdar elm xadimi" fəxri adı verilmişdir.

Elmi əsərləri

Monoqrafiyalar

• Şəxsiyyətin mənəvi şüuru. Bakı, 1977 "Elm" nəşriyyatı (rus dilində).
• Müxtəlif səviyyəli kollektivlərdə mənəvi proseslərin idarə edilməsi. Bakı, 1985 "Elm" nəşriyyatı. (rus dilində)
• Keçid dövrü cəmiyyətinin sosial statifikasiyasında orta təbəqə. Bakı, 2007 (rus dilində).
• Keçid dövrü cəmiyyətinin sosial stratifikasiyasında orta sinif. Bakı: Avropa (rus dilindən tərcümə), 2014.
• İnsanşünaslıq – XXI əsrin elmidir. Bakı 2012 (rus və azərb.dilində).
• Человековедение — наука XXI века. Berlin:Palmarium Academic Publishing, 2016.

Seçilmiş məqalələri

• Семья как нравственно-психологический феномен. Преемственность поколений, М.,1977.
• Национальное сознание как форма проявления моральной культуры личности. Вопросы нравственной культуры, Вильнюс, 1981.
• Духовно – нравственное состояние общества и моральные ценности личности. Современная цивилизация и моральные ценности, М.,1982.
• Мера нравственного поведения. От теории морали к практик, М., 1986.
• Структурно-функциональные особенности коллектива. Стратегия ускорения и совершенствования нравственных отношений, М., 1988.
• Проблемы жизни и смерти. Этика, № 1, М, 1990.
• Ailə sağlamlığı – cəmiyyətin sağlamlığının bünövrəsidir. Qadın və cəmiyyət, BMT-nın bülleteni, Bakı, № 3, 1998.
• Hərbi münaqişələr və qadın taleyi. BMT-nın bülleteni. New-York,1998.
• Демократический стиль мышления – фундамент демократических процессов. Личность в процессе демократизации общества, Баку, 2001.
• Социология и идеология сквозь призму современного общества. Fəlsəfə və sosial elmlər, № 1–2, Bakı, 2003.
• Потери женщин – потери всего человечества. İstanbul: Evraziya, 2005.
• A philosophical and sociological basis for upbringing and education microsystems in modern society. Russian Studies in Philosophy 53 (3). USA, 2016.
• Социология труда (к истории вопроса). İqtisadiyyat jurnalının Elmi əsərlər toplusu № 1, Bakı, 2017.
• İnsan potensialı insan kapitalının fundamental əsası kimi. Bakı, 2017.
• İnsanın hüquq və vəzifələri sintetik anlayış kimi.Bakı, 2018. Дата обращения 13.05.19.

Xarici keçidlər

• Rəfiqə Cəlil qızı Əzimova // AMEA-nın rəsmi saytı