Rəhim Cəmilov
| Rəhim Cəmilov | |
|---|---|
| Cəmilov Rəhim Cəlil oğlu | |
| Şəxsi məlumatlar | |
| Doğum tarixi | 1941 |
| Doğum yeri |
Zaqatala  Azərbaycan |
| Milliyyəti | azərbaycanlı |
| Partiya |
 Kommunist partiyası |
Cəmilov Rəhim Cəlil oğlu — Azərbaycan SSR taxıl məhsulları naziri[1].
Həyatı və təhsili[redaktə | mənbəni redaktə et]
Cəmilov Rəhim Cəlil oğlu 1941-ci ildə Azərbaycan SSR Zaqatala şəhərində anadan olmuşdur. 1960-cı ildə Zaqatala şəhər 1 nömrəli tam orta məktəbi bitirmişdir. 1960-1965-ci ildə Azərbaycan Kənd Təsərrüfatı İnstitutunda mühəndis ixtisasi üzrə ali təhsil almışdır.
Fəaliyyəti[redaktə | mənbəni redaktə et]
1965-1967-ci illərdə Azərbaycan Elmi-Tədqiqat Kənd Təsərrüfatının İqtisadiyyatı və Təşkili İnstitutunda kiçik elmi işçi vəzifəsində işləmişdir. 1967-1972-ci illərdə aspirant olmuş və namizədlik dissertasiyasını müdafiə edərək kənd təsərrüfatı elmləri namizədi alimlik dərəcəsi almışdır. 1972-ci ildə böyük elmi işçi vəzifəsinə irəli çəkilmişdir. 1974-1978-ci illərdə Azərbaycan SSR Nazirlər Soveti Dövlət Plan Komitəsinin Kənd təssərüfatı idarəetmə şöbəsinin rəis müavini, 1978-1980-ci illərdə Təbiətin mühafizəsi şöbəsinin rəisi olmuşdur. 1980-1983-ci illərdə Kommunist Partiyası Mərkəzi Komitəsinin Kənd təsərrüfatı şöbəsinin müdir müavini və müdiri, 1983-1986-cı illərdə Yeyinti sənayesi şöbəsinin müdiri işləmişdir. 1980 və 1985-ci illərdə Zəngilan seçki dairəsindən Azərbaycan SSR Ali Sovetinə deputat seçilmişdir. 1986-cı ildə Azərbaycan Kommunist Partiyasının XXXI qurultayında Nəzarət Təftiş Komissiyasına üzv seçilmişdir. 1986-1991-ci illərdə Azərbaycan SSR Taxıl məhsulları naziri olmuşdur.[2] 1991-1992-ci illərdə Azərbaycan Respublikası Prezidenti Aparatının Aqrar sənaye kompleksləri sahələri şöbəsinin müdiri vəzifəsində çalışmışdır.
Mükafatları[redaktə | mənbəni redaktə et]
SSRİ Ali Sovetinin qərarına əsasən Xalq təsərrüfatının inkişafında nail olduğu uğurlara görə “Gümüş” medal və “Fəxri nişan” ordeni ilə təltif olunmuşdur. Respublikanın aqrar-sənaye kompleksində uzun illər səmərəli işlədiyinə görə Azərbaycan Respublikasının “Fəxri fərmanı” ilə təltif edilmişdir[3].
İstinadlar[redaktə | mənbəni redaktə et]
- ↑ "Azərbaycan Respublikası nazirlərinin və Dövlət komitələri sədrlərinin təyin edilməsinə razılıq verilməsi haqqında". 2018-08-09 tarixində arxivləşdirilib. İstifadə tarixi: 2017-09-17.
- ↑ R. C. Cəmilovun Azərbaycan Respublikasının taxıl məhsulları naziri vəzifəsindən azad edilməsi haqqında
- ↑ R. C. Cəmilovun Azərbaycan Respublikasının Fəxri fərmanı ilə təltif edilməsi haqqında