Rəhim Tağıyev adına Tarix-Diyarşünaslıq Muzeyi

Vikipediya, açıq ensiklopediya
Jump to navigation Jump to search
Rəhim Tağıyev adına Tarix-Diyarşünaslıq Muzeyi
Fotoqrafiya
Əsası qoyulub 1952[1]
Mövzu tarix, diyarşünaslıq
Yerləşir Azərbaycan, Masallı, Hişkədərə
Kolleksiyası 19000-dən çox eksponat[1]

Rəhim Tağıyev adına Tarix-Diyarşünaslıq MuzeyiMasallı rayonunun Hişkədərə kəndində yerləşən muzey.[1] Muzeyin direktoru Əntiqə Tağıyevadır.[1]

Tarixi[redaktə | əsas redaktə]

Muzey 1952-ci ildən fəaliyyət göstərir.[1] Muzey bu kəndin tanınmış ziyalısı, Əməkdar müəllim, hazırda adı bu muzeyə verilmiş Rəhim Tağıyevin şəxsi təşəbbüsü və misilsiz əməyi ilə yaradılmışdır.[1]

15 il ictimai əsaslarla - Hişkədərə kənd məktəbinin muzeyi kimi fəaliyyət göstərdikdən sonra onun üçün 1975-ci ildə ayrıca bina tikilmişdir.[1] Məktəb muzeyində olan eksponatlar həmin binaya köçürülmüş və bundan sonra muzey artıq ölkəşünaslıq muzeyi kimi fəaliyyətini davam etdirmişdir.[1]

Azərbaycan SSR Nazirlər Sovetinin 13 avqust 1977-ci il tarixli, 283 nömrəli qərarı və Azərbaycan SSR Mədəniyyət Nazirliyinin 16 sentyabr 1977-ci il tarixli, 299 nömrəli əmri ilə muzey dövlət statusu almış və Tarix-Diyarşünaslıq Muzeyi kimi fəaliyyət göstərmişdir.[1] 2005-ci ildən muzey onu yaradanının - Rəhim Tağıyevin adını daşıyır.[1]

Mövcud vəziyyəti[redaktə | əsas redaktə]

Hazırda bu muzey xeyli böyümüş və onun palentologiya, etnoqrafiya, numizmatika və arxeologiya şöbələrində 19 mindən çox qiymətli eksponat toplanmışdır.[1]

Müxtəlif illərdə rayonun Ərkivan, Hişkədərə, Mişkəmi, Boradigah, Tatyanoba, Hacıtəpə, Şəhriyar, Xırmandalı, Mahmudavar, Bambaşı, Çaxırlı, Ərəb, Qızılağac, Qəriblər, Öncəqala, Köhnə Alvadı kəndlərinin yaxınlığında qədim şəhər, qala kurqanı, türbə məqbərə yerlərindən tunc, dəmir, antik və orta əsrlər dövrünə aid maddi-mədəniyyət nümunələri bu Tarix-Diyarşünaslıq Muzeyində mühafizə olunur.[1]

Hazırda Masallı şəhərinin mərkəzində Tarix-Diyarşünaslıq Muzeyi üçün daha geniş, ən müasir tələblərə cavab verən yeni bina tikilir. Binanın 2016-cı ildə istifadəyə veriləcəyi gözlənilir.[1]

İstinadlar[redaktə | əsas redaktə]

  1. 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 Tofiq Babayev, Tahir Şahbazov. MASALLI — tarixlə müasirliyin qovuşduğu diyar. xalqqazeti.com, 08.02.2016  (azərb.)