Rafiq Nağıyev (mayor)
| Rafiq Nağıyev | |
|---|---|
| Nağıyev Rafiq Heydər oğlu | |
| Şəxsi məlumatlar | |
| Doğum tarixi | 5 oktyabr 1957 (67 yaş) |
| Doğum yeri | |
| Təhsili |
|
| Hərbi fəaliyyəti | |
| Qoşun növü | piyada |
| Hərbi hissə | 811 saylı Laçın dağ-atıcı alayı |
| Xidmət illəri | 1991—2003 |
| Rütbəsi | Mayor |
| Vəzifəsi | Qərargah rəisi |
| Döyüşlər | Qarabağ müharibəsi |
| İstefada | 2003-cü ildən |
Rafiq Heydər oğlu Nağıyev (5 oktyabr 1957, Seyidlər, Laçın rayonu) — Qarabağ müharibəsi iştirakçısı, 811 saylı Laçın dağ-atıcı alayının qərargah rəisi (1992–1994), mayor.[1]
Həyatı
[redaktə | mənbəni redaktə et]Rafiq Nağıyev 5 oktyabr 1957-ci ildə Laçın rayonunun Seyidlər kəndində anadan olub. 1963–1967-ci illərdə Seyidlər kənd ibtidai məktəbində, 1967–1973-cü illərdə Pircahan kənd orta məktəbində, 1973–1976-cı illərdə isə Şuşa Kənd Təsərrüfatı Texnikomunda təhsil alıb.
1976–1978-ci illərdə Belarusiya SSR-də sovet ordu sıralarında hərbi xidmətdə olub. 1978–1979-cu illərdə Gəncə Aliminium zavodunda operator vəzifəsində, 1980–1981-ci illərdə Laçın rayon Baytarlıq müalicəxanasında çalışıb.
1981-ci ildə Azərbaycan Pedaqoji İnstitutunun Hərbi hazırlıq fakültəsinə daxil olub, 1985-ci ildə institutu bitirib. 1985-ci ildən 1991-ci ilə qədər Laçın şəhər 1 saylı orta məktəbində hərbi rəhbər vəzifəsində çalışıb. Həmçinin 1988–1991-ci illərdə Laçın şəhərində yaradılmış Müdafiə Komitəsinin sədr müavini olub.
Qarabağ müharibəsində iştirakı
[redaktə | mənbəni redaktə et]1 oktyabr 1991-ci ildə 01 saylı əmrlə Laçın Ərazi Özünü Müdafiə Batalyonunun qərargah rəisi, 27 mart 1992-ci ildən 15 oktyabr 1993-cü ilədək 811 saylı Laçın Dağ Atıcı Alayının qərərgah rəisi, 20 oktyabr 1993-cü ildən isə 896 saylı Cəbrayıl Alayının qərargah rəisinin döyüş hazırlığı üzrə müavini vəzifəsində fəaliyyət göstərib.[2].
Sarıbaba dağında və Tığik kəndində keçirilən hərbi əməliyyatlarda uğur qazanmışdır.
Müharibədən sorakı fəaliyyəti
[redaktə | mənbəni redaktə et]1996-cı ilin yanvarından 2000-ci ilin avqustuna kimi Bakı Dövlət Universitetində hərbi kafedrada baş müəllim işləyib.
2000-ci ilin sentyabrından 2003-cü ilin iyununadək Azərbaycan Respublikası Müdafiə Nazirliyi Mülkü Müdafiə İdarəsində Əməliyyat növbətçisi vəzifəsində xidmət edib. 2003-cü ilin iyunundan yaşa görə ehtiyata buraxılıb.
Rütbələri
[redaktə | mənbəni redaktə et]1985-ci ildə leytenant, 1988-ci ildə baş leytenant, 11 noyabr 1991-ci və 19 yanvar 1994-cü ildə (iki dəfə) kapitan, 19 yanvar 1998-ci ildə mayor rütbəsi almışdır.
Təltifləri
[redaktə | mənbəni redaktə et]2021-ci ildə "Laçın" döş nişanı ilə təltif olunmuşdur.
Ailəsi
[redaktə | mənbəni redaktə et]Ailəlidir. 3 qız övladı, 2 nəvəsi var.
İstinadlar
[redaktə | mənbəni redaktə et]- ↑ Sultan Laçın. "Surət Hüseynovdan məxfi əmr gəldi…" — Qərargah rəisinin gündəliyindən Arxivləşdirilib 2020-10-31 at the Wayback Machine. moderator.az saytı, 12/09/2018
- ↑ Arif Məmmədli, Ramil Cəbrayıl, Mübariz Məmmədov. "Laçının işğalı ilə bağlı həqiqətlər — Laçın alayının sabiq qərargah rəisi danışır (MÜSAHİBƏ) Arxivləşdirilib 2019-01-29 at the Wayback Machine. karabakhmedia.az saytı, 16–05–2017
Xarici keçidlər
[redaktə | mənbəni redaktə et]- Namidə BİNGÖL, Laçında qərargah rəisi olmuş keçmiş döyüşçü 25 il əvvəlin 15 mayından danışdı: "Çingiz Mustafayevə dedim ki, bacarırsan, get çək!", modern.az saytı, 15.05.2017
- Pages using the JsonConfig extension
- 5 oktyabrda doğulanlar
- 1957-ci ildə doğulanlar
- Yaşayan insanlar
- Laçın rayonunda doğulanlar
- Şuşa Kənd Təsərrüfatı Texnikumunun məzunları
- Azərbaycan Dövlət Pedaqoji Universitetinin məzunları
- Azərbaycan mayorları
- Əlifba sırasına görə hərbi xadimlər
- Birinci Qarabağ müharibəsi iştirakçıları
- Azərbaycan hərbçiləri
- Azərbaycan memuarçıları
- "Laçın" döş nişanı ilə təltif edilənlər