Rafiq Savalan

Vikipediya, azad ensiklopediya
Jump to navigation Jump to search
RAFİQ SAVALAN
Şəkil yoxdur-kişi.svg
Doğum tarixi 1 dekabr 1940 (1940-12-01) (78 yaş)
Doğum yeri Bakı
Fəaliyyəti yazıçı

Ağayev Rafiq İmanqulu oğlu (d.1 dekabr 1940) — nasir, publisist, tərcüməçi, 1988-ci ildən Azərbaycan Yazıçılar Birliyinin üzvü, Jurnalistlər Birliyinin üzvü (1976), Jurnalistlər Birliyinin "Qızıl qələm" mükafatı laureatı (1971)

Həyatı[redaktə | əsas redaktə]

Ağayev Rafiq İmanqulu oğlu 1940-cı il dekabrın 1-də Bakı şəhərində fəhlə ailəsində anadan olmuşdur. İbtidai təhsilini Bakıda, orta təhsilini Neftçalada almışdır. Eyni zamanda neft mədənlər idarəsinin elektrik quraşdırma sexində fəhlə işləmişdir (1956-1958). ADU-nun filologiya fakültəsində təhsilini davam etdirmişdir (1958-1964). Əmək fəaliyyətinə Azərbaycan Dövlət Televiziya və Radio Verilişləri Şirkətində Azərbaycan radiosu təbliğat və xəbərlər baş redaksiyasında müxbir kimi başlamışdır (1964-1966). Orada kiçik redaktor, böyük redaktor, siyasi icmalçı (1966-1975), radionun uşaqlar üçün proqram baş redaksiyasının baş redaktoru (1975-1996) vəzifələrində çalışmışdır.

Hazırda teleşirkətdə "Səhər" proqramının baş redaktor müavini vəzifəsində işləyir (1996-cı ildən). Hər bazar günü uşaqların maraqla dinlədikləri "Biləyən" radio verilişinin yaradıcısı, müəlliflərindən biri və redaktorudur (1975-ci ildən). Ədəbi fəaliyyətə 60-cı illərdən başlamışdır. Onun hekayələri, felyetonları, publisist yazıları və tərcümələri dövri mətbuatda müntəzəm çap olunur, efirdə səslənir. Son illər televiziya və dövri mətbuatda islam tərbiyəsi mövzusunda çıxışlar edir, "İmam Əli" (22 seriya) və "İmam Rza" (29 seriya) fılmlərinin dublyajına başçılıq edir.

Əsərləri[redaktə | əsas redaktə]

  • 1.Nigarın nağılları. Bakı: Gənclik, 1979, 95 səh.
  • 2.Ağ qızılın nağılı. Bakı: Gənclik, 1985, 35 səh.

Tərcümələri[redaktə | əsas redaktə]

  • 1.L.N.Tolstoy. Əsərləri. XII c. Bakı: Yazıçı, 1983, 233 səh.
  • 2.L.N.Tolstoy. Əsərləri. XVI c. Bakı: Yazıçı, 1984, 292 səh. (şərikli)
  • 3.V.V.Ovçinnikov. Palıd kökləri. Bakı: Azərnəşr, 1985, 300 səh.
  • 4.M.M.Zoşşenko. Lenin haqqında hekayələr. Bakı: Gənclik, 1988, 40 səh.
  • 5.F.Məmmədova. Azərbaycanın siyasi tarixi və tarixi coğrafiyası. Bakı: Elm, 1990, 256 səh.

Filmoqrafiya[redaktə | əsas redaktə]

  1. Dağlı çörəyi (film, 2007)
  2. Bakı milyonçuları. Ağa Musa Nağıyev (film, 2008)

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı