Ramil Həşimli

Vikipediya, azad ensiklopediya
Naviqasiyaya keçin Axtarışa keçin
Ramil Həşimli
Doğum tarixi 3 may 1978(1978-05-03) (45 yaş)
Elm sahəsi Otorinolarinqologiya
Elmi dərəcəsi
  • tibb elmləri namizədi[d]
Elmi adı
Təhsili

Ramil Həşimli (3 may 1978) — Azərbaycan alimi, "Mərkəzi və Qərbi Asiyaq qulaq, burun, boğaz və Baş Boyun Cərrahiyyəsi Birliyi"nin Baş katibi, Azərbaycan Otorinolarinqologiya Cəmiyyətinin idarə heyətinin üzvü, Avropa Foniatrlar İttifaqı, Avropa Larinqologiya Cəmiyyəti, The Voice Foundation və Yaxın Avrasiya Afrika Qulaq-burun-boğaz cəmiyyətinin üzvü. Azərbaycanda otorinolarinqologiya sahəsindəki fəaliyyəti ilə məşhurdur. Birgə hazırladığı ‘‘APDVoice xəstə məlumat bazası’’ Avropa Foniatrlar İttifaqı tərəfindən foniatrik klinikalar üçün referans çalışma proqramı olaraq göstərilmişdir. Azərbaycanda ilk dəfə olaraq incə səsli kişi xəstəyə "səs qalınlaşdırma" əməliyyatı icra etmişdir.

Həyatı[redaktə | mənbəni redaktə et]

Ramil Həşimli 3 may 1978 tarixində anadan olmuşdur. 1995-ci ildə Sumqayıt şəhər N. Gəncəvi adına Texniki və Təbiət Elmləri Liseyini fərqlənmə attestatı ilə bitirmişdir. 1995–2001-ci illərdə Azərbaycan Tibb Universitetində Pediatriya fakültəsi üzrə təhsilini başa vurduqdan sonra 2001–2003-cü illərdə Sankt-Peterburq Dövlət Pediatriya Tibb Akademiyasının Otorinolarinqologiya kafedrasında klinik ordinatura üzrə və daha sonra 2003–2006-cı illərdə həmin kafedrada aspirantura təhsili almışdır. 2006-cı ildə tibb elmləri üzrə fəlsəfə doktoru elmi dərəcəsini almışdır.

2010-cu ildə Moskva Diplomdansonrakı Tibbi Təhsli Akademiyasının otorinolarinqologiya kafedrasında "Qulaq-burun-boğaz xəstəlikləri", 2015-ci ildə ABŞ-da Klivlend Klinikasının otolarinqologiya və ünsiyyət pozulmaları kafedrası, Qulaq-burun-boğaz İnstitutunun "Beynəlxalq klinik müşahidə proqramı" və Pittsburq Universitetinin Səs Mərkəzinin "Səs Pozulmaları proqramı" kimi beynəlxalq təkmilləşmə kurslarının məzunu olmuşdur. Bununla yanaşı müxtəlif dövrlərdə Türkiyənin Yeditepe Universiteti, İstanbul Universiteti Cərrah Paşa Tibb fakültəsi, Ankara Nümunə Xəstəxanasında, Moskva Diplomdansonrakı Tibbi Təhsli Akademiyasının otorinolarinqologiya kafedralarında təkmilləşdirmə kurslarında iştirak etmişdir.[1][2]

Evlidir, 3 övladı var.

Fəaliyyəti[redaktə | mənbəni redaktə et]

Əmək fəaliyyəti[redaktə | mənbəni redaktə et]

Ramil Həşimli 2007–2009-cu illərdə Nəsirəddin Tusi adına klinikada həkim-otorinolarinqoloq kimi çalışmışdır. 2008-ci ildə Azərbaycan Dövlət Həkimləri təkmilləşdirmə İnstitutunda qulaq-burun-boğaz xəstəlikləri kafedrasının assistenti kimi fəaliyyətə başlamış və 2019-cu ildə həmin kafedranın dosenti vəzifəsinə seçilmiş və hazırda bu vəzifədə çalışır.[3] O həmçinin LOR Hospitalda qulaq-burun-boğaz cərrahı, foniatr vəzifəsində çalışır və "VoiceDr Clinic"-in rəhbəridir.[4]

Elmi fəaliyyəti[redaktə | mənbəni redaktə et]

Əsas elmi və tibbi fəaliyyəti qırtlağın kəskin və xroniki xəstəlikləri, səs professionallarında rast gəlinən xəstəliklərin etiopatogenezi, müasir müayinə və müalicə üsullarının araşdırılmasına həsr olunmuşdur.[5][6]

Apardığı tədqiqatların nəticələri ilə 50-dən çox beynəlxalq və yerli elmi konqreslərdə məruzəçi kimi çıxış etmişdir. 100-dən artıq elmi çap işinin müəllifidir.

Azərbaycan Respublikası Prezidenti yanında Elmin İnkişafı Fondunun qrant dəstəyi ilə Ə. Əliyev adına ADHTİ-də foniatriya (səs müayinə) laboratoriyasının qurulması layihəsinin rəhbəri olmuşdur. "Foniatriyanın əsasları" tədris vəsaitinin həmmüəllifidir. Birgə hazırladığı ‘‘APDVoice xəstə məlumat bazası’’ Avropa Foniatrlar İttifaqı tərəfindən foniatrik klinikalar üçün referans çalışma proqramı olaraq göstərilmişdir.[7][8][9]

Ramil Həşimlinin rəhbərlik etdiyi həkimlər briqadası tərəfindən Azərbaycanda ilk dəfə "səs qalınlaşdırma" əməliyyatı icra olunmuşdur.[10]

"Medeniyet" medikal jurnalının beynəlxalq redaksiya şurasının üzvüdür. Mərkəzi və Qərbi Asiya QBB BBC Cəmiyyətinin baş katibidir. Yaxın Avrasiya Afrika Qulaq-burun-boğaz Cəmiyyətinin və Avropa Larinqologiya Cəmiyyətinin üzvüdür. Beynəlxalq Səs Cəmiyyətinin Azərbaycan üzrə milli koordinatorudur.

İstinadlar[redaktə | mənbəni redaktə et]

  1. ↑ "Ramil Həşimli". Lor Hospital (az.). 2022-05-20 tarixində arxivləşdirilib. İstifadə tarixi: 2022-12-22.
  2. ↑ "Dr. Ramil Həşimli haqqında – DR.RAMİL HƏŞİMLİ" (az.). 2022-08-15 tarixində arxivləşdirilib. İstifadə tarixi: 2022-12-22.
  3. ↑ "Azərbaycanlı foneatr Qırğızıstan Otorinolarinqologiya Cəmiyyətinin konqresində iştirak edib". azertag.az (az.). 2022-08-12 tarixində arxivləşdirilib. İstifadə tarixi: 2023-01-27.
  4. ↑ "Ramil Həşimli. SƏS MƏRKƏZİ rəhbəri".[ölü keçid]
  5. ↑ "Səs həm də mədəniyyətdir..." www.medeniyyet.az (ingilis). İstifadə tarixi: 2023-01-13.
  6. ↑ "Azərbaycanlı həkim dünya foniatrlarının konqresində". www.realpress.az (az.). İstifadə tarixi: 2023-01-13.
  7. ↑ E-tibb.az. "Avropada LOR cərrahların konqresində müğənnilərdə yaranan səs problemlərindən danışılıb -". E-tibb.az (az.). İstifadə tarixi: 2022-12-22.
  8. ↑ "Ramil Həşımlı: Bakıda keçirilən konqres təcrübə mübadiləsi baxımından çox faydalı oldu". AZƏRTAC.
  9. ↑ "Türk dövlətlərinin qulaq, burun, boğaz həkimləri Azərbaycanda bir araya gəldilər". Trend.Az (az.). 2022-09-09. İstifadə tarixi: 2023-01-13.
  10. ↑ "Səs problemlərinə həsr olunmuş "Sağlam səs" mövzusunda elmi-praktik konfrans keçirilib (FOTO)". Trend.Az (az.). 2016-04-16. 2016-06-19 tarixində arxivləşdirilib. İstifadə tarixi: 2022-12-22.
Mənbə — "https://az.wikipedia.org/w/index.php?title=Ramil_Həşimli&oldid=7528785"