Ramil Əhmədov
| Ramil Əhmədov | |
|---|---|
| Doğum tarixi | 2 fevral 1981 (43 yaş) |
| Doğum yeri | |
| Fəaliyyəti | rəssam |
| Janrlar | peyzaj, portret, natürmort |
| Təsirlənib |
Səttar Bəhlulzadə Pablo Pikasso Bəhruz Kəngərli |
Ramil Ramiz oğlu Əhmədov[1] (2 fevral 1981, İliç) — Azərbaycan rəssamı.
Həyatı
[redaktə | mənbəni redaktə et]Ramil Ramiz oğlu Əhmədov 2 fevral 1981-ci ildə SSRİ respublikalarından olan Azərbaycan SSR-ə bağlı Naxçıvan MSSR-nin Şərur şəhərində (o vaxtkı adı ilə İliç) anadan olmuşdur.[2] O, 1995-ci ildə Nəriman Nərimanov adına Şərur şəhər 1 saylı orta məktəbində təhsilə başlamış, 2006-cı ildə oradan məzun olmuşdur.[3]
Karyerası
[redaktə | mənbəni redaktə et]17 yaşından rəssamlıqla məşğul olan Əhmədov 21 dekabr 2011-ci ildən Azərbaycan Rəssamlar İttifaqının üzvüdür.[4] O, mənzərə, portret, natürmort və tematik-çoxfiqurlu janrlarda şəkillər çəkməyə üstünlük verir. Hal-hazırda 550-dən çox əsərin müəllifi olan Əhmədovun əsərləri 12 fərdi, 46 ümumi olmaqla 58 sərgidə nümayiş etdirilmişdir.[2] İlk dəfə 2000-ci ildə onun əsərləri "Əcəmi Seyrangahında" Naxçıvan Muxtar Respublikası Gənclər və İdman Nazirliyinin keçirdiyi rəsm müsabiqəsində bir çox rəssamın əsərləri ilə birgə sərgilənmiş və birinci yeri tutmuşdur.[4] Sonrakı illərdə Əhmədovun Naxçıvan, Bakı, Qəbələ və s. bir çox şəhərlərdə dəfələrlə sərgiləri təşkil edilmişdir. O, təsviri incəsənət sahəsində uğurlarına görə 2001-ci ilin "Ən yaxşı gənc rəssamı" adına layiq görülmüşdür.[1] Əhmədov 2002-ci ildə Azərbaycan Gənclərinin III forumu ilə əlaqədar uşaq, yeniyetmə və gənc rəssamların rəsm müsabiqəsində Gənclər üzrə birinci yeri tutduğuna görə diplomla təltif edilmişdir.[5] Onun növbəti fərdi sərgisi Azərbaycan Respublikasının Mədəniyyət və Turizm Nazirliyi və Azərbaycan Rəssamlar İttifaqının təşkilati dəstəyi ilə 2013-cü ildə Azərbaycan Rəssamlar İttifaqında baş tutmuşdur.[4] Əhmədovun daha sonrakı irihəcmli fərdi yaradıcılıq sərgisi 2017-ci ildə Xətai Sənət Mərkəzində keçirilmişdir.[6] 2018-ci ildə Türkiyənin Antalya, Kappadokiya, Mersin və Ankara şəhərlərində onun yaradıcılıq sərgiləri təşkil edilmişdir. Əhmədovun əsərləri dəfələrlə Azərbaycan və Türkiyə televiziya kanallarında nümayiş etdirilmiş, televiziya proqramları hazırlanmışdır.
İstinadlar
[redaktə | mənbəni redaktə et]- ↑ 1 2 Günəş, Xəyalə. "Gənc rəssam Ramil Əhmədovun fərdi sərgisi". Palitra (az.). 10 sentyabr 2013. səh. 15. 2021-09-27 tarixində arxivləşdirilib. İstifadə tarixi: 27 sentyabr 2021. (#redundant_parameters)
- ↑ 1 2 "Bir-birindən möhtəşəm əsərlər müəllifi". Azərbaycan Dövlət İnformasiya Agentliyi (az.). 26 iyul 2021. 2021-09-27 tarixində arxivləşdirilib. İstifadə tarixi: 27 sentyabr 2021.
- ↑ "Ramil Əhmədov portretləri - QALEREYA". AzVision (az.). 27 aprel 2013. 2021-09-27 tarixində arxivləşdirilib. İstifadə tarixi: 27 sentyabr 2021.
- ↑ 1 2 3 "Əlilliyi olan rəssam üçüncü sərgisinə hazırlaşır". BBC Azərbaycanca (az.). 14 fevral 2017. 2021-09-27 tarixində arxivləşdirilib. İstifadə tarixi: 27 sentyabr 2021.
- ↑ Süleymanov, Nəriman. "Ramil Ahmedov. Rəssam". https://azeriressam.com (az.). 2012. 2021-09-27 tarixində arxivləşdirilib. İstifadə tarixi: 27 sentyabr 2021.
- ↑ "Gənc, istedadlı rəssam Ramil Əhmədovun fərdi-yaradıcılıq sərgisi təşkil olunacaq". Frame.az (az.). 14 aprel 2017. 2021-10-26 tarixində arxivləşdirilib. İstifadə tarixi: 27 sentyabr 2021.