Ramiz Sadıqov

Vikipediya, azad ensiklopediya
Naviqasiyaya keçin Axtarışa keçin
Ramiz Sadıqov
bayraq
Azərbaycan SSR tikinti materialları sənayesi naziri
bayraq2
3 fevral 1981 – 1 sentyabr 1988
ƏvvəlkiNəriman İsayev
SonrakıArif Mansurov
Şəxsi məlumatlar
Doğum tarixi
Partiya Sov.İKP (1961)
Fəaliyyəti dövlət rəsmisi, dövlət xadimi, siyasətçi

Ramiz Cəmil oğlu Sadıqov — Azərbaycan-sovet dövlət xadimi, Azərbaycan SSR tikinti materialları sənayesi naziri (1981–1988).

Həyatı[redaktə | mənbəni redaktə et]

Ramiz Cəmil oğlu Sadıqov 1932-ci ildə sənətkar ailəsində anadan olmuşdur. Azərbaycan Politexnik İnstitutunu bitirmişdir.[1]

1952-ci ildən tikinti layihələrində iş icraçısı, Ehtiyat Əmək Qüvvələri İdarəsinin istehsalat təlimi ustası, metodisti, böyük müfəttişi, texniki peşə məktəbinin direktoru olmuşdur. 1965-ci ildən Azərbaycan Kommunist Partiyası Mərkəzi Komitəsinin təlimatçısı, Bakı asbest-şifer və keramika məmulatları kombinatının direktoru, Azərbaycan SSR tikinti materialları sənayesi nazirinin birinci müavini, 1974-cü ildən isə Azərbaycan KP MK tikinti və şəhər təsərrüfatı şöbəsinin müdiri vəzifələrində işləmişdir. 1981-ci ildən Azərbaycan SSR tikinti materialları sənayesi naziri olmuşdur.[2]

Ramiz Sadıqov Azərbaycan KP MK üzvlüyünə namizəd olmuş və Azərbaycan SSR Ali Sovetinin deputatı (9–11-ci çağırış) seçilmişdir.[3]

İstinadlar[redaktə | mənbəni redaktə et]

  1. ↑ Садыгов Рамиз Ҹәмил оғлу // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 307.
  2. ↑ Садыгов Рамиз Ҹәмил оғлу // Азәрбајҹан ССР Али Советинин депутатлары. Онунҹу чағырыш. Бакы: Азәрбајҹан Дөвләт Нәшријјаты. 1982. С. 346.
  3. ↑ Садыгов Рамиз Ҹәмил оғлу // Азәрбајҹан ССР Али Советинин депутатлары. Он биринҹи чағырыш. Бакы: Азәрбајҹан ССР Али Совети Рәјасәт Һеј'әтинин нәшри. 1985. С. 345.
Mənbə — "https://az.wikipedia.org/w/index.php?title=Ramiz_Sadıqov&oldid=6909654"