Rauf Şəfiyev

Vikipediya, açıq ensiklopediya
Jump to navigation Jump to search
Rauf Şəfiyev
Rauf Şəfiyev.jpg
Doğum tarixi 2 avqust 1937(1937-08-02)
Doğum yeri Bakı
Vəfat tarixi 30 iyul 1999 (61 yaşında)
Peşəsi coach

Şəfiyev Rauf Bəbir oğlu (02.08.1937-30.07.1999) - mühəndis, idman xadimi, Azərbaycanda sambo və cudonun banilərindən biri.

Həyatı[redaktə | əsas redaktə]

Rauf Şəfiyev 1937-ci ildə Bakıda anadan olmuşdur. 1955-1960-cı illərdə Azərbaycan Neft və Kimya İnstitunda təhsil almış və ömrü boyu mühəndis kimi müxtəlif idarə, təşkilat, istehsalat və elmi-tədris mərkəzlərində işləmişdir. Mühəndislikdən başqa R.Şəfiyev bir sıra elmi institutlarda dərs demiş və mühazirələr oxumuşdur. Bir sıra elmi məqalələrin müəliffidir. Azərbaycanın "Bilik" cəmiyyətinin fəal üzvü olmuşdur. 1997-ci ildə "Əmək veteranı" medalı ilə təltif olunmuşdur.

Əsas peşə ilə yanaşı Rauf Şəfiyev idmanla məşqul olmuş və sambo və cudo kimi güləşmə növlərinin Azərbaycanda yaradılması və inkişafına öz səylərini yönəltmişdi. 50-60-cı illərdə sambo üzrə keçirilən müxtəlif turnirlərdə respublika və SSRİ birinciliklərində daim fəxri kürsünün yüksək pilləsində dayanmış, medal və diplomlara layiq görülmüşdür.

Onun idmanda əldə etdiyi ən böyük uğurlar isə məşqçilik və hakimlik fəaliyyəti ilə bağlı olmuşdur. Məşqçilik fəaliyyətini 1959-cu ildə Bakı Dənizlçilik məktəbində başlayan R.Şəfiyev sonrada "Vodnik", Məsğul" və "Dinamo" idman cəmiyyətlərində fəaliyyət göstürmişdi. Azərbaycanda cudo üzrə ilk idman ustası Sahib İsmayılov və ümumittifaq turnirin ilk azərbaycanlı qalibi Ələkbər İsmayilov məhz R.Şəfiyevin yetirmələridir.

Sambo üzrə respublikanın tanınmış xadimi Firdovsi Tağıyev R.Şəfiyevin yetişdirdiyi ilk idman ustası olmuşdur. Bundan başqa digər taninmış sambo və cudo ustalari və məşdçiləri - Əli Davrişev, Zaur Məmmədov, Sergey Seleznyov, Maaarif Həsənov və digərləri R.Şəfiyevin şakirdləri olmuşdurlar.

R.Şəfiyev 1965-1973-cü illərdə sambo üzrə Azərbaycan yığma komandasının məşqçisi olmuşdur.

Məşqçilik fəaliyyəti ilə yanaşı R.Şəfiyev respublika və SSRİ-nin umumitiffaq turnirlərində, çempionatlarda hakimlik etmiş. Respublika və Beynəlxalq dərəcəli hakim olan Rauf Şəfiyev 1991-ci ildə Azərbaycan Əməkdar məşqçisi, 1992-ci ildə Rusiya Federasiyanın Əməkdar məşqçisi fəxri adlarına layiq görülmüş, 1993-cu ilin may ayında Beynəlxalq Sambo Məşqçiləri İttifaqına üzv qəbul olmuşdur.

2000-ci ildən etibarən Azərbaycanın "Dinamo" idman cəmiyyəti nəzdində yeniyetmələr arasında R.Şəfiyevin xatirəsinə həsr olunmuş cudo turniri keçirilir.

Mənbə[redaktə | əsas redaktə]

  • İdmana bağlı ömür. Bakı: Şirvannəşr, 2003.

Həmçinin bax[redaktə | əsas redaktə]