Rauf Hüseynov (riyaziyyatçı)

Vikipediya, azad ensiklopediya
(Rauf Hüseynov (alim) səhifəsindən istiqamətləndirilmişdir)
Naviqasiyaya keç Axtarışa keç
Vikipediyada bu ad-soyadlı digər şəxslər haqqında da məqalələr var; bax: Rauf Hüseynov.
Rauf Hüseynov
Rauf Vəli oğlu Hüseynov
Doğum tarixi
Doğum yeri Göyçay, Azərbaycan SSR, SSRİ
Vəfat tarixi (78 yaşında)
Vətəndaşlığı SSRİ SSRİ→
Azərbaycan Azərbaycan
Elm sahəsi riyaziyyat
Elmi dərəcəsi fizika-riyaziyyat elmləri doktoru (1999)
Elmi adı professor(2009)
İş yerləri Azərbaycan Milli Elmlər Akademiyası Riyaziyyat və Mexanika İnstitutu
Alma-mater Bakı Dövlət Universiteti Riyaziyyat fakültəsi

Rauf Vəli oğlu Hüseynov (12 iyun 1940, Göyçay – 21 fevral 2019) — AMEA Riyaziyyat və Mexanika İnstitutunun Riyazi fizika tənlikləri şöbəsinin müdiri (2007-2019), fizika-riyaziyyat elmlər doktoru (1999), professor (2009), AMEA-nın müxbir üzvü (2007).[1][2][3]

Həyatı[redaktə | mənbəni redaktə et]

Rauf Hüseynov 12 iyun 1940-cı ildə Azərbaycan Respublikasının Göyçay şəhərində anadan olub. 1964-cü ildə Bakı Dövlət Universitetinin Mexanika-riyaziyat fakültəsini bitirib.[1] 1964-1967-ci illərdə M.V. Lomonosov adına Moskva Dövlət Universitetində aspirant, 1991-1994-ci illərdə isə həmin universitetin doktorantı olub.[2][3]

Əmək fəaliyyəti[redaktə | mənbəni redaktə et]

Rauf Hüseynov 1972-1979-cu illərdə Həsən bəy Zərdabi adına Gəncə Pedaqoji İnstitutunda müəllim, baş müəllim, dekan müavini vəzifələrində çalışıb. O, 1979-1990-cı illərdə Çingiz İldırım adına Politexnik İnstitutunun Gəncə filialında müəllim, dosent, Ali riyaziyyat kafedrasının müdiri olub. 1990-2002-ci illərdə R.V. Hüseynov AMEA Riyaziyyat və Mexanika İnstitutunun böyük elmi işçi, aparıcı elmi işçi, Funsional analız şöbəsinin müdiri, baş elmi işçi vəzifələrində işləyib.[1][2][3]

Rauf Hüseynov 2002-2005-ci illərdə Türkiyə Respublikasının Afyon şəhərinin Hocatepe Universitetinin professoru, 2006-cı ildə Milli Aviasiya Akademiyasında professor vəzifəsində işləyib. Alim 2007-2019-cu illərdə isə AMEA Riyaziyyat və Mexanika İnstitutunun Riyazi fizika tənlikləri şöbəsinin müdiri vəzifəsini icra edib.[1][2][3]

Akademik fəaliyyəti[redaktə | mənbəni redaktə et]

Rauf Hüseynov 1973-cü ildə namizədlik dissertasiyasını müdafiə edərək riyaziyyat üzrə fəlsəfə doktoru, 1999-cu ildə riyaziyyat üzrə elmlər doktoru elmi dərəcəsini, 2009-cu ildə professor elmi adını alıb. O, 2007-ci ildə AMEA-nın müxbir üzvü seçilib.[1][2][3]

Rauf Hüseynov funksional analiz sahəsində dünya şöhrətli Moskva riyaziyyat məktəbinin yetirməsidir. Onun elmi rəhbəri M.V.Lomonosov adına MDU-nun professoru Q.E.Şilov olub. R.V. Hüseynov inteqral və ölçü nəzəriyyəsi, xüsusi törəməli diferensial tənliklər sahəsində bir sıra mühüm nəticələrin müəllifidir. Alim 51 elmi məqalənin müəllifidir. Onun rəhbərliyi altında 2 elmlər doktoru və 1 fəlsəfə doktoru hazırlanıb.[1][2][3]

Elmi əsərləri[redaktə | mənbəni redaktə et]

  1. К теории преобразования Фурье-Винера. Вест. Моск. Ун-та. 1969. №4, ст 17-25.
  2. Некоторые свойства преобразования Фурье-Винера. Вест. Моск. Ун-та. 1970. №4
  3. О решениях квазиэллиптических уравнений в цилиндре, удовлетворяющих условию Неймана на некомпактной части границы, Диф. уравнения 1990. №11, том.26, с. 2004-2006.
  4. О гладкости решений одного класса квазиэллиптических уравнений. Вест. Моск. Ун-та. 1992 №6, с.10-14.
  5. О неравенствах типа Харди и их применениях в теории и квазиэллиптических уравнений Докл. РАН 1993? т.330. №5, с.542-545.
  6. Об анизотропных неравенствах Харди и их применениях, Матем. сб. 1993. т.184, №6, с.33-66.
  7. О спектре квазиэллиптических дифференциальных операторов, Мат. заметки 1993. т.53, №6, ст 145-148.
  8. Об оценках решений задачи Неймана для квазиэллиптических уравнений в неограниченных областях, Усп. Мат. наук 1993. т.49., №1,ст 209-210
  9. Краевые задачи для квазиэллиптических уравнений на компактных многообразиях, Дифференциальные уравнения, 1996, т.32, №5,с.704-705
  10. Неравенства Харди в функциональных пространствах, содержащих производные нецелого порядка. Матем. заметки, Т.63, вып.5, 1998,ст.673-678.

Vəfatı[redaktə | mənbəni redaktə et]

Rauf Hüseynov 2019-cu il fevralın 21-də vəfat edib.[2]

Mükafatları[redaktə | mənbəni redaktə et]

Rauf Vəli oğlu Hüseynov Azərbaycan elminin inkişafında xidmətlərinə görə 2015-ci ilin noyabr ayında Azərbaycan Respublikası Prezidentinin fərdi təqaüdünə layiq görülüb.[4][5]

İstinadlar[redaktə | mənbəni redaktə et]

  1. ↑ 1 2 3 4 5 6 "Hüseynov Rauf Vəli oğlu" (Azərbaycan). www.nkpi.az.
  2. ↑ 1 2 3 4 5 6 7 "Hüseynov Rauf Vəli oğlu" (Azərbaycan). science.gov.az. 21-09-2021 tarixində arxivləşdirilib.
  3. ↑ 1 2 3 4 5 6 "Hüseynov Rauf Vəli oğlu" (Azərbaycan). goychay-encyclopedia.az. 16-05-2022 tarixində arxivləşdirilib.
  4. ↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (Azərbaycan). e-qanun.az.[ölü keçid]
  5. ↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (Azərbaycan). president.az.
Mənbə — "https://az.wikipedia.org/w/index.php?title=Rauf_Hüseynov_(riyaziyyatçı)&oldid=7307791"