Rauf Rəcəbov

Vikipediya, azad ensiklopediya
Jump to navigation Jump to search
Rauf Rəcəbov
Rauf Əliheydər oğlu Rəcəbov
Rauf Receb.jpg
Doğum tarixi (51 yaş)
Doğum yeri Barzavu, Lerik
Azərbaycan Azərbaycan SSR
Vətəndaşlığı Azərbaycan
Milliyyəti Azərbaycanlı
Atası Rəcəbov Əliheydər Sahib oğlu
Təhsili ali
İxtisası politoloq-jurnalist
Fəaliyyəti TV yaradıcılığı
Əsərlərinin dili azərbaycan
İlk əsəri Detektiv
Mükafatları  • Telejurnalistikada səmərəli fəaliyyətinə görə "Qızıl Qələm" Media mükafatı (2007),
 • "İlin jurnalisti"(2009),
"Qızıl Buta" media mükafatı (2010),
 • "İlin ən baxımlı verilişı-Sənədlı detektiv" Azərbaycan Mətbuat Şurasının diplomu (2011),
 • "Mirzə Cəlil" Media mükafati(2016),
 • Azərbaycan Milli Mətbuatın yaranmasının 140 illiyi münasibətiylə Kütləvi İnformasiya Vasitələrinin inkişafında və Bakı 2015:İlk Avropa oyunlarının təbliğində göstərdiyi xüsusi xidmətlərə görə Respublika Mədəniyyət və Turizm nazirliyi tərəfindən diplomla təltif(2015),
 • Veteranlara göstərilən müstəsna diqqət və qayğıya görə "Veteran Həmrəyliyi medalı"(2015),
 • "General Əliağa Şıxlınskı" yubiley medalı (2016).

Rəcəbov Rauf Əliheydər oğluAzərbaycan, Teleaparıcı, Ssenarist, kino redaktoru, prodüser

Həyatı[redaktə | əsas redaktə]

Rauf Rəcəbov 10 iyul 1969-cu ildə Lerik rayonunda anadan olub. 1990-cı ildə Natiqlik sənəti və işgüzar menecer kollecini, 1996-ci ildə isə Bakı Sosial İdarəetmə və Politologiya İnstitutunu (indi AR Prezidenti yanında Dövlət İdarəçilik Akademiyası)  bitirib. İxtisasca politoloqdur.

Fəaliyyəti[redaktə | əsas redaktə]

Rauf Rəcəbov tələbəlik illərindən yaşıdları arasında ictimai fəallığı ilə seçilmiş, ictimai işlərdə yaxından iştirak edərək hamının rəğbətini qazanmışdır. O, 1993-cü ildən Azərbaycan Dövlət Teleradio Verilişləri Şirkətində əmək fəaliyyətinə başlamış, 2005-cı ilə qədər orada  müxtəlif vəzifələrdə calışmışdır. Belə ki, 1993-1995-ci illərdə "Xəbərlər" redaksiyasında müxbir, 1995-2005-cü illərdə Televiziyanın "Səhər" musiqi-informasiya proqramında və “Xəzər”redaksiyasında  şərhçi, şöbə müdiri və baş redaktorun müavini vəzifələrində işləmişdir. Rauf Rəcəbov həm də "Səhər" musiqi-informasiya proqramının yaradıcılarından biridir.

Azərbaycan Teleməkanında ilk kriminal verilişin - 1995-ci ildə Dövlət Televiziyasında yayımlanan "Kriminal xronika" müəllif verilişinin yaradıcısı və aparıcısı,İnformasiya blokadasında olan Azərbaycanın həqiqətlərini bütün dünyaya catdırmaq ücün 1996-cı ildə dünyanın 142 ölkəsində yayımlanan Türkiyənin TQRT kanalında  efirə gedən "Azərbaycan bu gün" adlı proqramının yaradıcısı və müəllifi olmuşdur. Bir sıra televiziya filmlərinin o cümlədən "Terror" sənədli filminin ssenari müəllifidir.

Rauf Rəcəbov 2005-ci ildə ölkəmizdə yeni bir demokratik institut olan  İctimai Televiziya və Radio Yayımları Şirkətinin yaradılması və idarə edilməsinə cəlb edilir.İTV-nin 10  nəfərdən ibarət olan Direktorlar Şurasının üzvü olan Rauf Rəcəbov  2011-ci ilə qədər Avropa Şurasının  və ölkə Prezidentinin tövsiyəsi ilə Azərbaycan  teleməkanında ilk dəfə yaradılan  Milli Azlıqlar ücün Verilişlər departamentinin direktoru vəzifəsində calışır.Məhz bu departamentdə hazırlanan filmlər və verilişlər vasitəsiylə Azərbaycanda əsrlər boyu qardaşlıq və dostluq şəraitində yaşayan Azsaylı xalqlar,Milli Azlıqlar və etnik qrupların adət-ənənəsi,dili-dini və mədəniyyətləri təbliğ olunurdu.Departament ləğv olunandan sonra Rauf Rəcəbov 2011-2013-ci illərdə İctimai Televiziyanın "Carcıfilm" Yaradıcılıq Birliyinin direktor müavini və baş redaktoru, 2013-2015-ci illərdə İctimai Televiziyanın Səhər Proqramları Departamentinin direktoru vəzifəsində işləyib.

2016 cı ilin yanvar- iyun aylarında İctimai Televiziyanın "Carcıfilm" Yaradıcılıq Birliyinin direktor müavini, iyun-sentyabr aylarında isə İctimai Televiziya və Radio Yayımları Şirkətinin İnformasiya Departamentinin direktoru, 2016-cı ilin sentyabr ayından 2017-ci lin iyun ayınadək İctimai Televiziyanın "Carcıfilm" Yaradıcılıq Birliyinin direktoru olmuşdur.

2017-ci ilin iyun ayından 2018-ci ilin sentyabr ayına qədər İctimai Televiziya və Radio Yayımları Şirkətinin Gənclər, Elm və Təhsil Departamentinin direktoru vəzifəsində fəaliyyət göstərmiş, eni zamanda İTV-də yayımlanan "Sənədli Detektiv" verilişinin müəllifi və aparıcısı olmuşdur. 2019-2021-ci illərdə "APA-TV"nin Proqramm direktoru vəzifəsində çalışmışdır. 2021-ci ilin Mart ayından "Spase" Müstəqil Televiziya və Radio Şirkətinin "Hər Səhər" proqramının rəhbəri vəzifəsində çalışır.

Rauf Rəcəbov  "Narkobaronun həbsi", "Ağ ölüm tranziti", "İnsan alveri", "Xosrov Əfəndiyevin bandası ", "Sınmış talelər ", "Telefon terroru ", "Erkən nigahlar ", "Qohumlar arasında qətllər ", "Korrupsiya ", "Hövsan işi ", "Uşaq əməyi ", "Narkomaniya ", "Sosial şəbəkələr ", "Qarışıq nigahlar",”Vətəndaş nigahları”, “Pəncəli aslan”,”Qatarda qətl”,”Sumqayit işi” və.s kimi detektiv janrda olan verilişlərin,eləcə də Azərbaycanlılar”,”Bakı sirləri”,”Körpü”, "Ovqat","Qanundan kənar",“Qan yaddaşı”,“Bura vətəndir”,”Aprel şəhidləri”, Qarabağın tarixindən və acı taleyindən bəhs edən 5 ,seriyalı “Qarabağnamə” teleserialı, “Nəsirəddin Tusi”, “Çiçək izi”, "Yurdu yaşatmaq üçün”, “Şəhidlər ölməz” ,“Bizim ellər” və s. yüzlərlə film və televiziya verilişlərinin müəllifidir.İctimai Televiziyanın qızıl fondunda Rauf Rəcəbovun müəllifi və redaktoru olduğu 1500-dən cox film və verilişlər saxlanılır.

AJB-Azərbaycan Jurnalistlər Birliyinin üzvu(1996) İFJ-Beynəlxalq Jurnalistlər Federasiyasinin üzvü(2015) Telejurnalistikada səmərəli fəaliyyətinə görə "Qizil Qələm" Media mukafatı (2007),"İlin jurnalisti"(2009),"Qızıl Buta"media mükafatı (2010),"İlin ən baxımlı verilişı-Sənədlı detektiv" Azərbaycan Mətbuat Şurasının diplomu (2011) "Mirzə Cəlil"Media mükafati(2016),Azərbaycan Milli Mətbuatın yaranmasının 140 illiyi münasibətiylə Kütləvi İnformasiya Vasitələrinin inkişafında və Bakı 2015:İlk Avropa oyunlarının təbliğində göstərdiyi xüsusi xidmətlərə görə Respublika Mədəniyyət və Turizm nazirliyi tərəfindən diplomla təltif(2015), Veteranlara göstərilən müstəsna diqqət və qayğiya görə-"Veteran Həmrəyliyi medalı"(2015), "General Əliağa Şıxlınskı"yubiley medalı (2016).

Rauf Rəcəbov 2007 –ci ildən “Azərbaycan Milli İnkişaf Layihəsi” İctimai Birliyinin İdarə Heyətinin sədridir.

Filmoqrafiya[redaktə | əsas redaktə]

  1. Azərbaycanlılar (veriliş, 2005)
  2. Bura vətəndir (film, 2006)
  3. Qarabağın tarixindən və acı taleyindən bəhs edən 5 seriyalı “Qarabağnamə”  teleserialı.