Rey Kərimoğlu

Vikipediya, açıq ensiklopediya
Jump to navigation Jump to search
Rey Kərimoğlu
Rey Kərim oğlu Qasımov
Rey Kərimoğlu.jpg
Doğum tarixi 9 may 1967 (1967-05-09) (52 yaş)
Doğum yeri Ağdam
Vətəndaşlığı Azərbaycan Azərbaycan
Atası Kərim Xəlil oğlu Qasımov
Anası Mədinə Vəli qızı Qasımova
Milliyyəti Azərbaycan türkü
Təhsili Ali təhsilli
Fəaliyyəti jurnalist
Mükafatları "Media açarı"[1]
qaziler.az

Rey Kərimoğlu Qasımov (09.07.1967 Şıxbabalı) — Qarabağ qazisi (əlili), jurnalist, Prezident təqaüdçüsü[2].

Həyatı[redaktə | əsas redaktə]

Rey Kərimoğlu Qasımov 9 may 1967-ci ildə Ağdam rayonunun Şıxbabalı kəndində, sadə bir Türk ailəsində anadan olub. 1984-cü ildə həmin kənd orta məktəbini bitirib. 1985-87-ci illərdə Sovet Ordusu sıralarında xidmət edib. Əvvəlcə Ağdam Kənd Təsərrüfatı Texnikumunun İnşaat, sonra isə Sankt-Peterburq Xarici İqtisadi Əlaqələr və Hüquq institutunun hüquq fakültəsini bitirib. [3] Ailəlidir.

Fəaliyyəti[redaktə | əsas redaktə]

Ermənilərin Azərbaycana qarşı torpaq iddiasına etiraz əlaməti olaraq 1988-ci ilin fevral ayında Ağdam – Əskəran istiqamətindəki Azərbaycanın ilk şəhidləri Əli ilə Bəxtiyarın həlak olduğu gün yürüşdə iştirak edib.[4]

  • 1988 - 91-ci illərdə Azərbaycan Xalq Cəbhəsinin Ağdam rayon şöbəsinin dayaq dəstələrinin yaradılmasında, onun fəaliyyətində yaxından iştirak edib. Gecələr ermənilərlə həmsərhəd kəndlərimizdə müdafiə dəstələrində ov tüfəngi ilə keşik çəkib. Qarabağda komendat saatını həyat keçirən Sovet ordusunun rəhbərlərinin birtərəfli şəkildə
  • erməniləri himayə etmələrinin əleyhinə təşkil edilən aksiyalarda iştirak edib.
  • 1991-ci ildən Erməni işğalçılarına qarşı aparılan əməliyyatlarda rəsmi şəkildə iştirak etmək üçün könüllü olaraq Milli Ordu sıralarına (Azərbaycanın Milli Qəhrəmanı, mərhum polkovnik-leytenant Şirin Mirzəyevin yaratdığı 836 saylı hərbi hissənin tərkibində) qoşulub. Həmin hərbi hissənin kəşfiyyat dəstəsində erməni işğalçılarına qarşı aparılan döyüşlərdə iştirak edib.
  • 9 avqust 1992-ci ildə Xankənd istiqamətində, Noraguh kəndi yaxınlığında növbəti kəşfiyyat əməliyyatı zamanı yaralanıb. Aldığı yarayla əlaqədar olaraq 1993-cü il fevralın 26-da rəsmi şəkildə ordudan tərxis olunub. 2-ci qrup Qarabağ əlilidir.
  • Bu günə qədər heç bir siyasi partiyanın üzvü olmayan R. Kərimoğlu 1994-cü ildə Azərbaycan Xalq Cəbhəsi təşkilatının sıralarından istefa verib. 1995-ci ildən dövrü mətbuatda - "Zaman", "Əlillər", "Şərq" , "Vətəndaş Həmrəyliyi", "Bizim Yol", "Milli Yol", "Yeni Müsavat" qəzetlərində müxtəlif vəzifələrdə çalışıb.
  • 1996-cı ildən Qarabağ Əlillər Cəmiyyətinin, 2001-ci ildən isə "Qarabağ Qaziləri" İctimai Birliyinin mətbuat xidmətinin rəhbəri vəzifəsini daşıyır. 2001-ci ilin yanvar-fevral aylarında Qarabağ Əlillər Cəmiyyətinin əlillərin sosial-iqtisadi problemləri ilə əlaqədar təşkil etdiyi ümumrespublika etiraz aksiyasının təşkilatçılarından biri olub.
  • JuHİ-nin (Jurnalistlərin Həmkarlar İttifaqı) yaradıcılarından və ilk idarə heyətinin üzvü olub. Beynəlxalq Avrasiya Mətbuat Fondunda çalışır.
  • 2015-ci ildən Qarabağ qazilər birliyinin QAZİLER.AZ saytını yaradıb.[5] Saytın baş redaktorudur.

Yaradıcılığı[redaktə | əsas redaktə]

Mətbuatda "Kəşfiyyatçının xatirələri", "Barıt qoxusu" layihəsində silsilə yazıları çap edilib.[6] APA TV-nin "Müharibə adamı" ləyihəsinin rəhbəri və verilişin aparıcısı olub. Bu layihə çərçivəsində əsasən Qarabağ müharibəsini əhatə edən otuz veriliş çəkilib başa gəlib.[7]

Mükafatları[redaktə | əsas redaktə]

2006-cı ildə Azərbaycanın ən populyar media mükafatı olan "Media Açarı" mükafatının qalibi olub.[8]

Filmoqrafiya[redaktə | əsas redaktə]

  1. Dönüş (film, 2018)

Həmçinin bax[redaktə | əsas redaktə]

Xarici keçidlər[redaktə | əsas redaktə]

Şirin Mirzəyevin və əsgərlərinin görünütləri - Qiyaslı Müstəcəbin toyundan

İstinadlar[redaktə | əsas redaktə]