Robert Eqqers
| Robert Eqqers | |
|---|---|
_(cropped).jpg) adasdasdasd | |
| Doğum adı | Robert Neil Eggers |
| Doğum tarixi | 7 iyul 1983[1] (39 yaş) |
| Doğum yeri | Nyu-Hempşir, ABŞ |
| Vətəndaşlığı | |
| Fəaliyyəti | kinorejissor, ssenarist, prodüser |
| Fəaliyyət illəri | 2007-ci ildən |
| IMDb | ID 3211470 |
| roberteggers.com | |
 Vikianbarda əlaqəli mediafayllar | |
Robert Nil Eqqers (d. 7 iyul 1983) - Amerikalı rejissor, ssenarist, prodüser. Cadugər (2015) və Mayak (2019) adlı qorxu filmləri ilə tanınır. Eqqers karyerasına Nyu-Yorkda teatr tamaşaları üçün dizayner və rejissor olaraq başlasa da, sonralar film sektoruna keçid etmişdir.[2]
Həyatı[redaktə | mənbəni redaktə et]
Robert Eqqers 7 iyul 1983-cü ildə Amerikanın Nyu-Hempşir ştatında anadan olmuş, uşaqlığını da məhz bu ştatda keçirmişdir.[3] 2 qardaşı var. ABŞ-ın Yeni İngiltərə bölgəsində keçən gəncliyi rejissorun yaradıcıllığı üçün ilham qaynağı olub. 2001-ci ildə bir aktyorluq məktəbinə yazılmaq üçün Nyu-Yorka köçüb.
Eqqers rejissor kimi debütünü 2015-ci ildə öz ssenarisi əsasında çəkdiyi Cadugər adlı qorxu filmi ilə etmişdir. Filmin premyerası 2015-ci ilin yanvarında Sundance film festivalında baş tutdu. Məşhur produksiya şirkəti A24 tərəfindən satın alınan film bir il sonra, 19 fevral 2016 tarixindən etibarən teatrlarda nümayişə qoyuldu.[4] Tənqidçilərin filmə reaksiyası olduqca pozitiv idi və film 4 milyon dollarlıq büdcəsinə qarşı 40 milyon dollar gəlir gətirdi.
Növbəti filmi Mayak-ın ssenarisini hazırlayarkən rejissor qardaşı Maks Eqqers ilə birlikdə işləmişdir. Film 2019-cu ildə yayımlandı və tənqidçilərlə izləyicilər tərəfindən müsbət qarşılandı.
Hal-hazırda Eqqers orta əsrlərdə keçən və Vikinqlər haqqında olan Şimal Adamı filmi üzərində işləyir. Filmdə iştirak edəcək aktyorlara Nikol Kidman, Uilyam Defo, Anya Teylor-Coy və İtan Houk daxildir.[5] Rejissor həm də Rasputinin həyatı haqqında bir mini-serial hazırlayır.[6]
Filmoqrafiya[redaktə | mənbəni redaktə et]
| İl | Film | Rolu | ||
|---|---|---|---|---|
| Rejissor | Ssenarist | Prodüser | ||
| 2015 | Cadugər | Hə | Hə | Yox |
| 2019 | Mayak | Hə | Hə | Hə |
| TBA | Şimal Adamı | Hə | Hə | Yox |
İstinadlar[redaktə | mənbəni redaktə et]
- ↑ The Fine Art Archive. 2003.
- ↑ Jessica Bloom. "Designer-Turned-Director Robert Eggers Discusses His Horror Film 'The Witch Arxivləşdirilib 2019-09-04 at the Wayback Machine'". Format Magazine.
- ↑ "Robert Eggers Biography Arxivləşdirilib 2022-04-29 at the Wayback Machine". AllMovie.
- ↑ Kit, Borys (January 24, 2015). "Sundance: A24 Acquires Hot Horror Title 'The Witch' (Exclusive) Arxivləşdirilib 2019-07-27 at the Wayback Machine". The Hollywood Reporter.
- ↑ Barter, Pavel. "Nicole Kidman in Belfast's The Northman movie Arxivləşdirilib 2022-04-30 at the Wayback Machine".
- ↑ Fleming, Mike Jr. (February 22, 2016). "'The Witch' Helmer Robert Eggers To Write, Direct Rasputin Miniseries For MRC Arxivləşdirilib 2022-06-26 at the Wayback Machine". Deadline Hollywood.