Robert Heft
| Robert Heft | |
|---|---|
 | |
| Doğum tarixi | 19 yanvar 1941 |
| Doğum yeri | |
| Vəfat tarixi | 12 dekabr 2009 (68 yaşında) |
| Vəfat yeri | |
| Vəfat səbəbi | ürək tutması |
| Fəaliyyəti | incəsənət xadimi, siyasətçi, dizayner |
Robert "Bob" Heft (19 yanvar 1941, Saqino[d], Miçiqan – 12 dekabr 2009, Saqino[d], Miçiqan) — ABŞ müəllimi, incəsənət xadimi və siyasətçisi, Ohayo ştatının Napoleon şəhərinin meri (1974–2002), ABŞ-nin indiki 50 ulduzlu bayrağının tərtibatçısı. O həmçinin, yeni bir ştatın Birləşmiş Ştatlara qoşulacağı hala hazır olmaq üçün 51 ulduzlu bayraq da tərtib etmişdir.[1]
Bioqrafiya[redaktə | mənbəni redaktə et]
Robert Heft 19 yanvar 1941-ci il tarixində ABŞ-nin Miçiqan ştatı ərazisində yerləşən Saqino şəhərində anadan olmuşdur.
Heft Birləşmiş Ştatların indiki bayrağını 17 yaşında ikən Ohayo ştatının Lankaster şəhərində oxuduğu məktəbdə dərs layihəsi olaraq tərtib etmişdir. Heftin müəllimi Stenli Prett ona "B-" qiymətini vermişdir. Layihə haqqında danışan Heft müəllimi ilə razılaşdı ki, əgər onun tərtib etdiyi bayraq Birləşmiş Ştatlar Konqresi tərəfindən ABŞ-nin dövlət bayrağı qəbul edilsə, onun qiyməti qaldırılacaq. Heftin dizaynı ABŞ Prezidenti Dvayt Eyzenhaverə təqdim edilmiş 1.500 bayraq arasından seçilmişdir. Heftin müəllimi bundan sonra onun qiymətini "A"ya qaldırmışdır.[2]
Kollecdən məzun olan Heft orta məktəb müəllimi olmuş, daha sonra isə kollec professoru kimi çalışmışdır. Əlavə olaraq, Heft 28 il Ohayo ştatının Napoleon şəhərinin meri olmuşdur.[3]
Robert Heft 12 dekabr 2009-cu il tarixində, 68 yaşında Saqino şəhərində infarktdan vəfat etmişdir.[4]
İstinadlar[redaktə | mənbəni redaktə et]
- ↑ Social Security Death Index
- ↑ Rasmussen, Frederik N. "A half-century ago, new 50-star American flag debuted in Baltimore". baltimoresun.com (ingilis). The Baltimore Sun. 3 iyul 2010. October 15, 2015 tarixində orijinalından arxivləşdirilib. İstifadə tarixi: 8 may 2020.
- ↑ Qriqsbi, Con. "Napoleon Mayor Makes Pitch For City". Toledo Blade (ingilis). 1 aprel 1984. June 25, 2016 tarixində arxivləşdirilib. İstifadə tarixi: 8 may 2020 – news.google.com vasitəsilə.
- ↑ Barber, Berri. "The Saginaw News: Hats off to Saginaw flag designer who gave America 50 stars". mlive.com (ingilis). Michigan Live LLC. 17 dekabr 2009. December 26, 2012 tarixində arxivləşdirilib. İstifadə tarixi: 8 may 2020.
Xarici keçidlər[redaktə | mənbəni redaktə et]
- Robert Heft (ing.) Find a Grave saytında
Lüğətlər və ensiklopediyalar | |
|---|---|
| Şəcərə və nekropolistika |
