Robert Lüis Stivenson

Robert Lyuis Stevenson
ing. Robert Louis Stevenson
Doğum adı	Robert Lewis Balfour Stevenson
Doğum tarixi	13 noyabr 1850(1850-11-13)[…]
Doğum yeri	Edinburq, Midlotian[d], Şotlandiya, Böyük Britaniya və İrlandiya Birləşmiş Krallığı
Vəfat tarixi	3 dekabr 1894(1894-12-03)[…] (44 yaşında)
Vəfat səbəbi	beyin qansızması[d]
Təhsili	Edinburq Universiteti
Fəaliyyəti	şair, esseist, romançı, hekayə yazıçısı[d], uşaq ədəbiyyatı yazıçısı, yazıçı, mahnı yazarı[d]
Fəaliyyət illəri	1866–1894
Əsərlərinin dili	ingilis dili
Tanınmış əsərləri	Dəfinələr adası
Robert Lüis Stivenson Vikimənbədə
Vikianbarda əlaqəli mediafayllar

Robert Lyuis Stevenson (13 noyabr 1850^[…], Edinburq – 3 dekabr 1894^[…]) — Şotland roman yazıçısı, şair. Ən məşhur əsəri "Dəfinələr adası"dır.

Uşaqlıq illəri

Robert Lyuis Stevenson, 13-ü noyabr 1850-ci il Edinburqda Tomas və Marqaret Stevensonun tək uşağı olaraq dünyaya gəlib. Uşaqlığında onu həyatı boyunca buraxmayacaq olan bir xəstəlik keçirmişdir (vərəm olduğu ehtimal edilir.) Sağlamlıq vəziyyətindən ötəri məktəbə davam edə bilməmiş, evdə xüsusi müəllimlər tərəfindən öyrədilmişdir.

Gənclik illəri

Atası Tomasın 17 yaşındakı oğulunu Edinburq' Universitetinə qeyd etdirdikdən sonra ailəsiylə arasında anlaşılmazlıqlar ortaya çıxır. Universitet həyatına başlamasıyla Stevenson 1870-ci ildə bohem bir həyat tərzi mənimsədi. Ailəsinin dini inanclarını rədd etdi, evli qadınlarla və həyat qadınlarıyla əlaqələr qurdu. Stevenson universitet də xəstəlikli və romantik bir gənc olaraq müəllimlərinin diqqətini çəksə də dərslərinə çox əhəmiyyət vermirdi. Zamanını Edinburq kübar cəmiyyətinin içində keçirdi, Montaiqne, William Hazlitt və Daniel Defoeni təqlid etməyə çalışdı. Atası oğulunun nəsillərdən bəri Stevenson ailəsinin peşəsi olan mühəndisliyi davam etdirməsini istəyirdi, ancaq Lyuis Stevenson hüquq oxumağı seçdi. 1875-ci ildə imtahanını keçərək diplomunu alsa da peşəsində işləmədi. Diplomunu alandan sonra Avropanı gəzməyə qərar verdi. Məqsədi, sağlamlığı üçün əlverişli bir yer tapmaq idi. Bu vaxt yazmağa davam etdi…

İlk Əsərləri və Evliliyi

Fransadaykən Osusa çayında etdiyi bir gəzinti ona "Bir İç Gəzinti" (An Inland Voyage) (1870) adlı əsərini yazması üçün ilham vermişdi. Eyni zamanda burada özündən on yaş böyük Fanny Van da Grift Osbourne adlı evli və iki uşaq anası Amerikalı bir qadınla eşq yaşadı. Fanny Kaliforniyaya döndüyündə arxasında depressiyada və yıxılmış bir Stevenson buraxmışdı. Stevenson, Fransanın dağlıq və çöl seqmentində bir səyahətə çıxdı və burada yaşadıqlarını hikayə olaraq "Bir Eşşəklə Səyahət" (Travels with a Donkey en the Cévennes) adlı kitabında izah etdi (1878). Ailəsi, onun bu etdiklərini bir zaman itkisi olaraq qiymətləndirsə də əslində yazı stilini inkişaf etdirmək və həyat məlumatını artırmaqla məşğul idi. 1879-cu ilin Avqustunda Kaliforniyaya Fanny Osbournesi görməyə getdi. New Yorkdan Kaliforniyaya qatarla səyahət etməsi onu çox haldan salmışdı, ağciyərindəki bir infeksiya onu ölümün həddinə gətirdi, özünə köməkçi olan ferma sahibləri tərəfindən yaxşılaşdırıldı və Fannyın yaşadığı San Fransisco şəhərinə yola düşdü. San Fransiscoda çox çətin şərtlər altında pulsuz günlər keçirdikdən sonra təkrar sağlamlığı pozulduğunda bərabər yoldaşından boşanmış olan Fanny onunla maraqlandı və yaxşılaşdırdı. Cütlük 1880-ci ildə evləndi və birlikdə Edinburqa döndü. Bundan sonrakı dörd ildə Stevensonun sağlamlığı əl verdiyincə Cənub Fransa və İsveçrədə gəzdi. Bu dövrdə özünün ən məşhur əsərlərini yazdı.

Həmçinin bax

• Dəfinələr adası (roman)