Rodolfo Zapata

Vikipediya, açıq ensiklopediya
Jump to navigation Jump to search
Rodolfo Zapata
Ümumi məlumatlar
Ləqəbi Rolo Zapata
Doğum tarixi 1 may 1966 (1966-05-01) (53 yaş)
Doğum yeri Buenos-Ayres, Argentina
Vətəndaşlıq Argentina Argentina
Klub haqqında məlumat
Klub Botsvana "Qaborone Yunayted"
Vəzifəsi Baş məşqçi
Karyerası
Məşqçisi olduğu klublar
2000 Kanada Alberta Futbol Assosiasiyası
2001–2009 ABŞ Olimpiya İnkişafı Proqramı
2010 Nigeriya "Sanşayn Stars"
2011–2012 Cənubi Afrika Respublikası "MP Blək Eysiz"
2012–2015 ABŞ ABŞ Gənclər Futbol Assosiasiyası
2016–2017 Botsvana "Qaborone Yunayted"
2018–dən Keniya "AFC Leopards"

Rodolfo Zapata və ya Rolo Zapata (d. 1 may 1966, Buenos-Ayres, Argentina) — Argentina Futbol Assosiasiyasının məşqçisi və keçmiş oyunçusu. Hal-hazırda Keniyanın "AFC Leopards" klubunun baş məşqçisidir[1].

Həyatı[redaktə | əsas redaktə]

1 may 1966-cı ildə Argentinanın Buenos-Ayres şəhərində anadan olmuşdur.

Karyerası[redaktə | əsas redaktə]

Rodolfo Zapata futbolçu karyerasına Argentinanın 2-ci divizionu olan Primera B Nasionalda başlamışdır. O, burada qapıçı kimi "Hurakan", "Sportivo İtaliano", "Rasinq de Olavarria", "Klub Atletiko San Miguel" və "Cipolletti de Rio Negro" komandalarının heyətində meydana çıxmışdır. Lakin ardıcıl diz zədələri səbəbiylə Zapata vaxtından əvvəl futbolçu karyerasına son qoymağa məcbur olur.

O, 1990-cı ilin yanvar ayında Buenos-Ayres Bella Vista ərazisində Rolo Zapata Futbol Akademiyasını qurmuşdur[2]. Bu Akademiya gənclər və yeniyetmələr üçün xüsusi təlim kompleksidir. Hal-hazırda Argentina və ABŞ-dakı elit futbol proqramlarından biridir.

2000-ci ilin iyun ayında Zapata Kanadada Alberta Futbol Assosiasiyasında məşqçilik etmişdir. Qısa müddət sonra isə Nyu-York şəhərində Birləşmiş Millətlər Təşkilatının Beynəlxalq Məktəbinin müəllim və baş məşqçisi olmuşdur[3].

2001-2009-cu illərdə isə Nyu-YorkNyu-Cersi şəhərlərində də ABŞ-ın Olimpiya İnkişafı Proqramı üzrə Baş məşqçi olmuşdur. Bu proqram, Dünya Kuboku və olimpiadalar kimi beynəlxalq müsabiqələrdə Amerika Birləşmiş Ştatlarını təmsil edən ən yaxşı gənc futbolçuları müəyyənləşdirmək və inkişaf etdirmək üçün həytata keçirilən milli prosesdir[4].

2010-cu ilin yanvar ayından Akure şəhərində fəaliyyət göstərən, Nigeriya Premyer Liqasında çıxış edən "Sanşayn Stars"ın baş məşqçisi olur.

2011-2012 mövsümündə Rodolfo Cənubi Afrika Respublikasında "MP Blək Eysiz"in baş məşqçisi olmuşdur.

2012-ci ilin sentyabr ayında ABŞ-a, Nyu-Cersi şəhərinə qayıdaraq, ABŞ Gənclər Futbol Assosiasiyasında məşqçilik və oyunçuların inkişafı üzrə texniki direktor kimi fəaliyyətini davam etdirir. Bu qurumdakı gənc futbolçulardan bir çoxu müxtəlif yaş kateqoriyalarında ABŞ-ın gənclərdən ibarət milli komandalarını təmsil edirlər[5].

2016-cı ilin yanvar ayında Zapata ABŞ-dan Botsvana Premyer Liqasında çıxış edən "Qaborone Yunayted"ə gəlmişdir[6][7][8].

İstinadlar[redaktə | əsas redaktə]